Ajit Pawar Death Conspiracy: घातपाताची शंका बळावली? मुंबई विमानतळावरील सीसीटीव्ही फुटेज देण्यास केंद्र सरकारचा नकार

अजित पवार यांच्या निधनानंतर त्यांच्या समर्थकांमध्ये मोठी शंका व्यक्त केली जात आहे. राष्ट्रवादी काँग्रेसचे (शरद पवार गट) आमदार रोहित पवार यानीही या प्रकरणाच्या चौकशीची मागणी केली आहे

• विमान अपघाताबाबत संपूर्ण राज्यात संशयाचे वातावरण
• अजित पवार ‘देवगिरी’ या शासकीय निवास्थानावरून मंत्रालयापर्यंत कोणत्या मार्गाने गेले
• रोहित पवार, जय पवार यांच्याकडूनही घातपाताचा संशय व्यक्त

 

Ajit Pawar Death Conspiracy:  महाराष्ट्राचे दिवंगत उपमुख्यमंत्री अजित पवार यांच्या विमान अपघाताबाबत संपूर्ण राज्यात संशयाचे वातावरण आहे. आता या प्रकरणात एक धक्कादायक माहिती समोर आली आहे. माहिती अधिकार (आरटीआय) कार्यकर्ते नितीन यादव यांनी त्या दिवसाचे मुंबई विमानतळाचे सीसीटीव्ही फुटेज मागवले होते, परंतु केंद्र सरकारच्या नागरी विमान वाहतूक मंत्रालयाने ही माहिती देण्यास स्पष्ट नकार दिला आहे. यामुळे अपघातातील घातपाताची शंका अधिक बळावली असून, यादव यांनी आता हे प्रकरण न्यायालयात नेले आहे. २८ जानेवारी २०२६ रोजी अजित यांचा विमान अपघात झाला होता. त्या दिवशी सकाळी ६ ते ९ या वेळेत मुंबई विमानतळावर काय हालचाली झाल्या, हे जाणून घेण्यासाठी नितीन यादव यांनी १० फेब्रुवारी रोजी अर्ज केला होता.

मंत्रालयातील लाचप्रकरणानंतर मंत्री नरहरी झिरवाळ ‘अ‍ॅक्शन मोड’वर; घेतला ‘हा’ मोठा निर्णय

अपील आणि न्यायालयीन कारवाई

फुटेज देण्यास नकार दिल्यानंतर यादव यानी प्रथम अपील दाखाल केले. त्यांनी सर्वोच्च न्यायालय आणि केंद्रीय माहिती आयुक्तांच्या विविध निकालाचा दाखला देत पुन्हा फुटेजची मागणी केली आहे. तसेच, त्या दिवशी सकाळी ६ ते ९ दरम्यान अजित पवार ‘देवगिरी’ या शासकीय निवास्थानावरून मंत्रालयापर्यंत कोणत्या मार्गाने गेले, याचे सीसीटीव्ही फुटेज मिळावे यासाठी स्वतंत्र अर्ज केला आहे.  (Ajit Pawar Plane Crash )

Ajit Pawar Plane Crash Conspiracy: अजित पवारांच्या विमान अपघाताचे ..

अपघाताबाबत वाढता संशय

अजित पवार यांच्या निधनानंतर त्यांच्या समर्थकांमध्ये मोठी शंका व्यक्त केली जात आहे. राष्ट्रवादी काँग्रेसचे (शरद पवार गट) आमदार रोहित पवार यानीही या प्रकरणाच्या चौकशीची मागणी केली आहे, अजित पवार यांचे पुत्र जय पवार यांनीही यावर आक्रमक भूमिका घेतली आहे. त्यांनी सोशल मीडियावर लिहिले की, विमान अपघातात ‘ब्लॅक बॉक्स’ सहजासहजी नष्ट होत नाही मग सत्य समोर का येत नाही? VSR  कंपनीच्या विमानांवर तात्काळ बंदी घालण्यात यावी आणि त्यांच्या विमानांच्या देखभालीतील संभाव्य निष्काळजीपणाची सखोल आणि निष्पक्ष चौकशी झाली पाहिजे.

 

रोहित पवारांकडूनही घातपाताचा संशय

गेल्या काही दिवसांपासून शरद पवार यांच्या राष्ट्रवादी काँग्रेसचे आमदार रोहित पवार यांच्याकडूनही सातत्याने अजित पवार यांचा विमान अपघात हा निव्वळ योगायोग नसून जाणीवपूर्वक घडवून आणलेला घातपात असल्याचा संशय व्यक्त करतआहेत. त्यासंदर्भात त्यांनी खुली पत्रकार परिषद घेऊन अनेक पुरावेदेखील मांडले आहेत. दोन-तीन दिवसांपूर्वी अजित पवार यांच्या अपघाती विमानातील ब्लॅक बॉक्सचा अहवाल समोर आला. त्यात ब्लॅक बॉक्सचे जळाल्यामुळे खूप नुकसान झाल्याचेही सांगण्यातआले आहे. पण याच मुद्द्यावरून रोहित पवार यांनी घेतलेल्या पत्रकार परिषदेत अजित पवार यांच्या अपघाताच्या दिवस आणि आदल्या दिवशीचे काही संदर्भ दिले आहेत. याशिवाय त्यांनी विमान कंपनीच्या कारभारावरही प्रश्न उपस्थित केले आहेत. विमान कंपनीला वाचवण्याचा प्रयत्न केला जात आहे. तसेच विमानाच्या पायलटचा वापर करून हा अपघात घडवून आणल्याचा आरोप रोहित पवार यांनी केला आहे.