CJI Surya Kant On INDIA Alliance: सरन्यायाधीशांनी ‘इंडिया’ आघाडीची भेट नाकारली; का भेटू शकत नाही? पत्राद्वारे दिली उत्तरे

विरोधी पक्षांच्या इंडिया आघाडीने एसआयआर आणि निवडणूक आयोगातील भ्रष्ट कारभाराच्या मुद्द्यावरुन सरन्यायाधीश सूर्यकांत यांनी 'मतचोरी'च्या आरोपांवरून काँग्रेस नेते राहुल गांधी यांना भेटण्यास नकार दिला होता.

• ‘इंडिया’ आघाडीच्या मोर्चापूर्वी राहुल गांधी व विरोधी नेत्यांनी CJI सूर्यकांत यांच्याकडे मागितली होती भेट
• सरन्यायाधीश सूर्यकांत यांनी पत्राद्वारे उत्तर देत भेटीची विनंती नाकारल्याची स्पष्ट केली कारणे
• प्रकरण न्यायप्रविष्ट (Sub Judice) असल्याने प्रशासकीय पातळीवर भेट देणे अयोग्य असल्याचे संकेत

CJI Surya Kant On INDIA Alliance: आजच्या आंदोलनापूर्वी प्रसारमाध्यमांशी संवाद साधताना सरन्यायाधीश सूर्यकांत म्हणाले की,” काल मला विरोधी पक्षांच्या भेटीची विनंती करणारे एक पत्र मिळाले. त्यावर मी काल रात्रीच उत्तर दिलं आहे, ज्यात मी का भेटू शकणार नाही याची कारणे स्पष्ट केली आहेत. सर्वोच्च न्यायालयाचे दरवाजे सर्वांसाठी खुले आहेत. कोणत्याही सामान्य नागरिकाची किंवा लोकप्रतिनिधी मंडळाच्या सदस्याची कोणतीही याचिका स्वागतार्ह आहे. प्रत्येक भारतीय नागरिकाला न्यायालयात दाद मागण्याचा अधिकार आहे. आम्ही त्यांच्या समस्या ऐकून घेऊ आणि कायद्यानुसार जे योग्य असेल ते करू.”

सरन्यायाधीश सूर्यकांत यांनी ‘एक राष्ट्र, एक निवडणूक’

‘एक राष्ट्र, एक निवडणूक’ संदर्भात जेपीसीचा (संयुक्त संसदीय समितीचा) सर्वोच्च न्यायालयातील दौरा रद्द करण्याबाबत सरन्यायाधीश न्यायमूर्ती सूर्यकांत म्हणाले, “या प्रकरणात तुलनेने अधिक कारणे आहेत, कारण त्या मुद्द्यावर (एक राष्ट्र, एक निवडणूक जेपीसी बैठकीबाबत) न्यायालयात संभाव्य हितसंबंधांचा संघर्ष निर्माण झाला होता. यामुळे आम्हाला प्रशासकीय बाबींवर चर्चा करणे भाग पडले. माझे वरिष्ठ न्यायिक सहकारी आणि माझे सामूहिक मत होते की आपण कोणताही हितसंबंधांचा संघर्ष टाळला पाहिजे.”

कोल्हापुरातून महाविकास आघाडीचे रणशिंग; जयंत आसगावकर आणि हर्षदा देशमुख-जाधव यांच्या प्रचारासाठी मेळावा

सरन्यायाधीशांनी राहुल गांधींना भेटण्यास नकार

विरोधी पक्षांच्या इंडिया आघाडीने एसआयआर आणि निवडणूक आयोगातील भ्रष्ट कारभाराच्या मुद्द्यावरुन सरन्यायाधीश सूर्यकांत यांनी ‘मतचोरी’च्या आरोपांवरून काँग्रेस नेते राहुल गांधी यांना भेटण्यास नकार दिला होता.  कारण अशी प्रकरणे आधीच सर्वोच्च न्यायालयात प्रलंबित आहेत. असही त्यांनी सांगितलं होतं.

 

सरन्यायाधीशांना भेटण्यासाठी वेळेची मागणी

लोकसभा विरोधी पक्षनेते राहुल गांधी आणि राज्यसभा विरोधी पक्षनेते मल्लिकार्जुन खर्गे यांनी सरन्यायाधीशांना पत्र लिहून सोमवारी सायंकाळी ४ ते ५ च्या दरम्यान भेटण्याची विनंती केली होती. ‘मतचोरी’ रोखण्याची, मुख्य निवडणूक आयुक्त (सीईसी) ज्ञानेश कुमार यांच्या राजीनाम्याची, मतदार याद्यांची विशेष सखोल तपासणी (एसआयआर) थांबवण्याची आणि मतपत्रिका पद्धतीकडे परत जाण्याची मागणी करणारे एक निवेदन त्यांना सादर करायचे होते.

SIR Voter List: मतदार यादीतून नाव वगळले? पुन्हा नाव नोंदवण्याची संधी; मात्र मतदारांच्या अनास्थेमुळे BLO हैराण!