माझा जीव आणि जागा दोन्ही धोक्यात ,भाजप पदाधिकाऱ्याने मुख्यमंत्र्यांकडे मागितली मदत
कल्याणमधील भाजप पदाधिकाऱ्याने मुख्यमंत्र्यांना दिलेल्या निवदेनामुळे कल्याणमधील राजकारणात चांगलीच खळबळ उडाली आहे. “माझ्या जीव आणि जागा दोन्ही धोक्यात आहे. बिल्डर मला त्रास देत आहे. मला वाचवा …” असं कल्याणमधील भाजप पदाधिकाऱ्याने मुख्यमंत्री देवेंद्र फडणवीस यांना दिलेल्या निवेदनात नमुद केलं आहे. कृष्णा उर्फ सोनू कारभारी यांच्या भाजप कार्यालयाचा सीसीटीव्ही फोडून कार्यालयात घुसखोरीचा प्रयत्न झाला. या प्रकरणी खडकपाडा पोलिसांनी गुन्हा दाखल करीत पुढील तपास सुुरु केला आहे. या घटनेमुळे एकच खळबळ उडाली आहे.
कृष्णा उर्फ साेनू कारभारी यांची कल्याण पश्चिमेतील वसंत व्हॅली समोर 27गुंठे जागा आहे. ही जागा त्यांच्या मालकीची आहे. याच जागेत कृष्णा यांचे भाजपचे जनसंपर्क कार्यालय आहे. कृष्णा हे भाजपच्या वाहतूक शाखेचे कल्याण शहर अध्यक्ष आहे. आज दुपारी 2 वाजताच्या सुमारास काही लोक आले. त्यांनी भाजप कार्यालयाची तोडफोड केली. तोडफो केली. त्याठिकाणचे सीसीटीव्ही क’मेरे देखील त्यांनी तोडून फेकून दिली. कृष्णा यांच्या जागेत जबदरस्तीने घुसखोरी करण्याचा प्रयत्न केला. कृष्णा यांना जीवे ठार मारण्याची धमकी दिली. कृ्ष्णा यांनी खडकपाडा पोलिस ठाण्यात धाव घेऊन शैलैश जैन आणि रितेश किमतानी यांच्यासह अन्य 25 पेक्षा जास्त जणांनी त्यांच्या कार्यालयाची तोडफोड केली. त्यांच्या जागेत घुसखोरी केली. त्यांना जीवे ठार मारण्याची धमकी दिली आहे. खडकपाडा पोलिस ठाण्यात गुन्हा दाखल करण्यात आला आहे.
भाजपच्या पदाधिकाऱ्यांचे कार्यालय दिवसाढवळ्या फोडले जाते. त्याला जीवे ठार मारण्याची धमकी दिली जाते. या घटनेमुळे एकच खळबळ उडाली आहे. भाजपचे सरकार असताना हा प्रकार घडला आहे. कृष्णा यांनी सांगितले की, त्यांच्या जीवाला धोका आहे. त्यांना पोलिसांनी संरक्षण द्यावे. या प्रकरणी मुख्यमंत्री देवेंद्र फडणवीस यांच्याकडे कृष्णा यांनी मदतीसाठी हाक दिली आहे. या प्रकरणी तोडफोड करीत घुसखोरी करुन जीवे ठार मारण्याची धमकी देणाऱ्यांच्या विरोधात कठोर कारवाई करण्यात यावी अशी मागणी केली आहे.
.png "Videos"){kind=small}
