'एका आरोपीला पोलिसांनी वाचवलंय का?' विलास घुले हत्या प्रकरणात धनंजय मुंडेंचा गंभीर आरोप
मीडिया रिपोर्टनुसार, माजी मंत्री आणि राष्ट्रवादीचे आमदार धनंजय मुंडे यांची हत्या झाली असती पण ते वाचले असं विधान राष्ट्रीय समाज पक्षाचे गंगाखेडचे आमदार रत्नाकर गुट्टे यांनी केले आहे. आमदार रत्नाकर गुट्टे यांच्या या विधनामुळे संपूर्ण राज्यात खळबळ उडाली आहे. धनंजय मुंडे यांचा इंदोर मध्ये खून होणार होता पण दिवंगत भय्यूजी महाराज यांच्यामुळे ते वाचले असं त्यांनी भाषणात म्हटलं आहे. यामुळे राजकीय वर्तुळामध्ये एकच गदारोळ झाला आहे. यावरुन उलटसुलट चर्चेला उधाण आले.
स्थानिक स्वराज्य संस्थांच्या निवडणुकीच्या पार्श्वभूमीवर आमदार धनंजय मुंडे यांनी जोरदार प्रचार केला. दोन दिवसांपूर्वी धनंजय मुंडे राष्ट्रवादी काँग्रेसच्या उमेदवार उर्मिला केंद्रे यांच्या प्रचारासाठी गंगाखेड येथे आले होते. त्यावेळी त्यांनी आमदार रत्नाकर गुट्टे यांच्यावर कडाडून टीका केली होती. आमदार गुट्टे यांनी शेतकऱ्यांच्या नावावर सोळाशे कोटी रुपयांचे कर्ज उचलले असल्याचा आरोप धनंजय मुंडे यांना केला होता. याला आता आमदार गुट्टे यांनी उत्तर दिले आहे. मात्र यावेळी त्यांनी धनंजय मुंडे यांचा खून होणार असल्याचा गंभीर आरोप केला.
हे देखील वाचा: ‘मुंबई महापालिका मतदार यादीत मोठा गोंधळ; पुरावे दाखवत आदित्य ठाकरेंचा निवडणूक आयोगावर हल्लाबोल
प्रचारसभेतील भाषणामध्ये बोलताना आमदार गुट्टे म्हणाले की, “तुम्ही सुरुवात केली आहे पण शेवट मी करणार आहे. तुम्ही मला 2024 च्या विधानसभा निवडणुकीत पाडण्याचा प्रयत्न केला, तुम्ही माझ्या विरोधात कोणाकोणाला उमेदवारी दिली त्यांच्यासाठी किती ताकद लावली हे देखील मला माहित आहे. पण माझी गंगाखेड विधानसभा मतदारसंघातील जनता हीच माझं बुलेटप्रूफ जॅकेट आहे त्यामुळे माझा पराभव होऊ शकला नाही, की मी प्रचंड मताधिक्याने विजयी झालो. मी राजा आहे, मी कोणत्याही पक्षाच्या स्टेजवर जाऊ शकतो. मी त्या पक्षांच्या स्टेजवर जाईन पण धनू भाऊ तुमचा निकाल लावल्याशिवाय राहणार नाही,” असा इशारा गट्टे यांनी दिला.
तुम्ही देवस्थानच्या जमिनी खाल्ल्या – गुट्टे
पुढे ते म्हणाले की, “धनू भाऊ मागील काही वर्षात तुमच्यावर बरेच आरोप झाले, प्रत्येकजण तुमच्या विरोधात बोलत होता. पण मी कधीच तुमच्या विरोधात एकही शब्द काढला नाही पण तुम्ही आता स्वतःहून गंगाखेडला आलात आणि माझ्या विरोधात बोललात त्यामुळे आता मी तुमच्या विरोधात बोलल्याशिवाय राहणार नाही. तुमचं सर्वच बाहेर काढणार आहे. जगमित्र साखर कारखान्यासाठी तुम्ही शेअर्सच्या रूपाने गोळा केलेले पैसे काय केले तुम्ही देवस्थानच्या जमिनी खाल्ल्या,” असे म्हणत रत्नाकर गुट्टे यांनी धनंजय मुंडे यांना सवाल केला आहे.
त्याचबरोबर आमदार रत्नाकर गुट्टे यांनी धनंजय मुंडे यांचा खून होणार असल्याचा गंभीर दावा केला. याबाबत गुट्टे म्हणाले की, ‘धनंजय मुंडे तुमचा इंदोर मध्ये मर्डर झाला असता पण दिवंगत भय्यूजी महाराज यांनी तुम्हाला वाचवलं तुम्ही कोणत्या हॉटेलवर होते याची देखील मला माहिती आहे पण मी सगळेच आता काढणार नाही” असे आमदार गट्टे म्हणाले आहेत. यावरुन राजकीय वर्तुळामध्ये सर्वांनी मोठे आश्चर्य व्यक्त केले आहे. तसेच चर्चांना उधाण आले. गुट्टे यांच्या दाव्यावर आता आमदार धनंजय मुंडे काय प्रतिक्रिया देणार याची सर्वांना प्रतिक्षा लागली आहे.
.png "Videos"){kind=small}
