BMC Election 2026: बोगस मतदानाचे आरोप फालतू! नवाब मलिकांनी विरोधकांना सुनावले; मतदारांना केले ‘हे’ महत्त्वाचे आवाहन

मुंबई मनपा निवडणुकीत बोटावरच्या शाईवरून सुरू असलेल्या वादावर नवाब मलिक यांनी स्पष्टीकरण दिले आहे. बोगस मतदान रोखण्यासाठी सक्षम यंत्रणा असल्याचे सांगत त्यांनी विरोधकांच्या आरोपांना चोख प्रत्युत्तर दिले.

 

• बोगस मतदानाचे आरोप फालतू!
• नवाब मलिकांनी विरोधकांना सुनावले
• मतदारांना केले ‘हे’ महत्त्वाचे आवाहन

Nawab Malik Marathi News: मुंबई महानगरपालिका निवडणुकीच्या (BMC Election) मतदानादरम्यान विरोधकांनी केलेल्या आरोपांना राष्ट्रवादी काँग्रेसचे नेते नवाब मलिक (Nawab Malik) यांनी जोरदार प्रत्युत्तर दिले आहे. “बोटावरची शाई पुसली जात असल्याचा दावा खोटा असून बोगस मतदानाची शक्यता आता उरलेली नाही,” असे स्पष्ट करत त्यांनी मतदारांना मोठ्या संख्येने घराबाहेर पडण्याचे आवाहन केले आहे.

‘मार्कर पेन’च्या वापरावरून स्पष्टीकरण

मतदान केंद्रांवर बोटाला लावली जाणारी शाई पुसली जात असल्याच्या तक्रारींवर मलिक म्हणाले की, “पूर्वी शाई काडीने लावली जायची, आता मार्कर पेनचा वापर होत आहे. शाई कुठेही पुसली जात नाहीये. १५ वर्षांपूर्वी मतदार यादीत फोटो नसायचे, पण आता प्रत्येकाचा फोटो यादीत आहे. त्यामुळे एकाच व्यक्तीने दोनदा मतदान करणे आता अशक्य आहे.”

See more

Mumbai, Maharashtra: NCP leader Nawab Malik cast his vote at Michael High School & Junior College, Catholic Education Society, L.B.S. Road in Kurla West for local body polls. He says, “I have exercised my voting right. I appeal to people to come out in large numbers and vote for… pic.twitter.com/hr2S5W51X9 — IANS (@ians_india) January 15, 2026

Maharashtra Election Commission: शाईबाबतचा गोंधळ आणि निवडणूक आयोगाचा खुलासा; तीच शाई, जी लोकसभा…

नवाब मलिकांचे विरोधकांवर शरसंधान

“दोन ठिकाणी नावे असलेल्या मतदारांना ओळखण्याची सक्षम यंत्रणा आता उभी राहिली आहे. लोकशाहीची शुद्धता राखणे हे आमचे कर्तव्य आहे,” असे मलिक यांनी नमूद केले. एका मंत्र्याला मतदानासाठी ३-४ बूथवर फिरावे लागल्याच्या प्रश्नावर मलिक यांनी चिमटा काढला. ते म्हणाले, “जर एवढ्या मोठ्या मंत्र्याला स्वतःचा पोलिंग बूथ माहित नसेल, तर याचा अर्थ त्यांचा पक्ष आणि संघटना पूर्णपणे निष्क्रिय आहे. त्यांनी स्वतःची मतदार यादीच पाहिलेली नाही, हे यातून स्पष्ट होते.”

‘घराबाहेर पडा आणि लोकशाही वाचवा’

नवाब मलिक यांनी मुंबईकरांना आवाहन केले की, जर तुम्ही आज घराबाहेर पडून मतदान केले नाही, तर मुंबईची कमान अशा लोकांच्या हातात जाईल ज्यांना जनतेच्या हिताशी काहीही देणेघेणे नाही. राज्याच्या राजकारणाला योग्य दिशा देण्यासाठी जास्तीत जास्त मतदान होणे गरजेचे असल्याचे त्यांनी सांगितले.

मतदानापेक्षा मशीनच चर्चेत! PMC निवडणुकीत EVMच्या बिघाडाने लोकशाहीचा खेळखंडोबा”