Local Body Elections : कोणी सांगितलं महायुतीमध्ये यायला? अजित पवारांना एकनाथ शिंदेंच्या नेत्याचा सवाल, वाद पेटणार?

एकनाथ शिंदे गटाचे नेते आणि आमदार भरत गोगावले यांनी देखील या वादामध्ये उडी घेतली आहे. भरत गोगावले यांनी राष्ट्रवादी अजित पवार गटाला महायुतीमध्ये का आलात असा सवाल केला

Local Body Elections : रायगड : स्थानिक स्वराज्य संस्थांच्या निवडणुकीच्या पार्श्वभूमीवर महायुतीमध्ये जोरदार वाद निर्माण झाला आहे. महायुतीमधील मित्रपक्षातील अंतर्गत वाद समोर येत आहे. एकीकडे भाजपचे पक्षश्रेष्ठींवर उपमुख्यमंत्री एकनाथ शिंदे हे नाराज आहेत. एकनाथ शिंदे यांनी या संदर्भात केंद्रीय मंत्री अमित शाह यांची भेट देखील घेतली. यानंतर एकनाथ शिंदे गटाचे नेते आणि आमदार भरत गोगावले यांनी देखील या वादामध्ये उडी घेतली आहे. भरत गोगावले यांनी राष्ट्रवादी अजित पवार गटाला महायुतीमध्ये का आलात असा सवाल केला. यावरुन वादाची ठिणगी पडली आहे.

रायगडमध्ये आधीच महायुतीमध्ये पालकमंत्री पदावरुन रस्सीखेच सुरु आहे. यामध्ये रोहामधील निवडणुकीच्या पार्श्वभूमीवर एकनाथ शिंदे यांनी राष्ट्रवादीच्या बालेकिल्ल्यामध्ये शक्तीप्रदर्शन केले. खासदार सुनील तटकरे यांचा बालेकिल्ला मानल्या जाणाऱ्या रोह्यात यंदा शिंदे शिवसेनेकडून रोहा नगरपालिके करता २० अधिक १ उमेदवार रिंगणात उतरल्याने या रोड शोला विशेष राजकीय महत्त्व प्राप्त झाले आहे. धावीर महाराज मंदिरापासून सुरू होणारा हा रोड शो शिंदे गटाच्या नगराध्यक्ष पदाच्या उमेदवार शिल्पा धोत्रे यांच्या निवासस्थानापर्यंत जाणार आहे.

Maharashtra Politics : नवनीत राणांचा पराभव नेमका का झाला? रवी राणांनी थेट केला खुलासा

रोहामध्ये राजकीय हालचालींना वेग आला आहे. शिंदे गटाचे नेते आणि आमदार भरत गोगावले यांनी पालकमंत्री पद न मिळाल्याची खदखद व्यक्त केली आहे. आता पुन्हा एकदा त्यांनी याबाबत वाच्यता केली आहे. भरत गोगावले म्हणाले की, आम्ही सुरत मार्गे गुवाहाटीला चांगल्या कामासाठी गेलो, चुकीच्या कामासाठी नाही. आम्ही ते सर्व केलं म्हणूनच हे ‘रामायण–महाभारत’ घडलं, हे सर्वांना ठाऊक आहे. देशातला सर्वात मोठा उठाव होता. काहींना तो पचनी पडला नसला तरी काही लोक टीका करतात, करू देत, असे गोगावले म्हणाले आहेत.

सोशल मीडिया ते रस्त्यावर प्रचाराची धामधूम; चाकणमध्ये राजकीय वातावरण तापले

पुढे भरत गोगावले म्हणाले की, जे टीका करतात, तेही सव्वा वर्षाने आमच्यात सामील झाले. पचत नसेल, पटत नसेल तर कोणी सांगितलं होतं आमच्यात यायला? असा रोकडा सवाल त्यांनी केला. त्यांनी दिलेलं आव्हान आम्ही स्वीकारलं आहे. आम्ही मैदानातून पळ काढणारे नाही; आम्ही लढणारे लोक आहोत, रडणारे नाही, असे शिंदे गटाचे भरत गोगावले म्हणाले आहेत.

रवींद्र चव्हाणांचा एकनाथ शिंदेंवर वार

विटामध्ये रवींद्र चव्हाण यांची सभा पार पडली. यावेळी त्यांनी आर आर पाटील यांच्या विजयी भाषणाची आठवण काढली. 2014 मध्ये भाजपचे सरकार आल्यानंतर आर. आर. पाटील यांनी विधानसभेत भाषण केले होते. ते भाषण अत्यंत गाजले. या भाषणाचा उल्लेख करत रवींद्र चव्हाण यांनी एकनाथ शिंदे यांना डिवचलं आहे. रवींद्र चव्हाण म्हणाले की, ‘मी काँग्रेस, राष्ट्रवादी या आघडीत बरीच वर्ष काम केले. मोठी पदं भुषवली. मी नंबर एक होण्याचा प्रयत्न केला. पण नंबर एक होऊ शकलो नाही. तर नंबर दोनच राहिलो. बाबांनो, नंबर एक हा नंबर एकच असतो. नंबर दोन याला काही किंमत नसते. रवींद्र चव्हाण यांनी नेमक्या याच ओळींची पुन्हा एकदा आठवण करुन दिली. आणि महायुतीमध्ये भाजपचं मोठा भाऊ असल्याचे ठणकावून सांगितले.