Vidyanand Bapat : विद्यानंद बापट राजकारणात उतरणार? असीम सरोदेंच्या सूचक ट्विटने चर्चांना उधाण

Vidyanand Bapat : अॅड. असीम सरोदे यांनी एक्सवर एक ट्विट केले आहे. ज्यात त्यांच्यासोबत विद्यानंद बापट दिसत आहे. या ट्विटमध्ये विद्यानंद बापटांनी पुणे पदवीधर मतदार संघाची निवडणूक लढवावी का? असा प्रश्न सरोदे यांनी विचारला आहे.

• विद्यानंद बापटांच्या राजकारणातील प्रवेशाबाबत चर्चा
• असीम सरोदेंच्या ट्विटने खळबळ
• एक्स युजर्सचा वाढता पाठिंबा

 

डीजे, डॉल्बीविरोधात प्रकर्षाने आपले मत मांडत, त्यावर बंदी घालण्याची मागणी करणारे विद्यानंद बापट (Vidyanand Bapat) हे सध्या वेगळ्या कारणांमुळे चर्चेत आलेत. आता बापट हे पुणे पदवीधर मतदारसंघाच्या माध्यमातून राजकारणाच्या मैदानात उतरणार असल्याच्या चर्चा रंगू लागल्या आहेत. कायदेतज्ज्ञ अॅडव्होकेट असीम सरोदे यांची सोशल मीडियावरील एक पोस्ट सध्या साऱ्यांचं लक्ष वेधून घेत असून बापट राजकारणात आपलं नशिब आजमावणार का? असा प्रश्न त्या पोस्टमुळे निर्माण झाला आहे.

गणेशोत्सवाच्या तोंडावर विद्यानंद बापट यांनी घेतलेल्या एका निर्णयामुळे पुण्याचे वातावरण ढवळून निघाले होते. काहींनी बापटांना चापट लगावला, तर काही बापटांच्या मागे खंबीरपणे उभे राहिले. आपल्यावर झालेल्या भ्याड हल्ल्यानंतरही बापटांनी कसूभरही आपल्या मुद्दापासून लांब जाण्याचा प्रयत्न केला नाही. त्यामुळे बापट आजही प्रसिद्धीच्या झोतात आहेत.

 

बापटांनी पदवीधर निवडणूक लढवावी का?

असीम सरोदे यांनी सोशल मीडियावर एक खणखणीत पोस्ट केली आहे. त्यात ते म्हणतात की, माझ्यासोबत उभ्या असलेल्या व्यक्तीचा आता खूप परिचय देण्याची आवश्यकता उरली नाही. ध्वनीप्रदूषणाच्या राक्षसा विरोधात निर्भयपणे उभा असणारा ‘विद्यानंद बापट’. अनेकांच्या मनातील दुःख बोलणारा आणि उत्सवांचे विकृत स्वरूप, त्यातील ओंगळवाणेपणा चव्हाट्यावर आणणारा हिरो ठरला आहे. तर विद्याविभूषित, सुसंकृत, विनम्र, अभ्यासू, प्रत्येक सामाजिक प्रश्नांची जाणीव असणारा विद्यानंद बापट आज जणू प्रत्येक घरातील आपुलकीचा सदस्य झालेला आहे.
भाषेचा स्तर बिघडू न देता, विषयाला धरून बोलणारा आणि समाजाला वैश्विक बनविण्याची क्षमता असणाऱ्या विद्यानंद बापटने पदवीधर मतदारांमधून निवडणूक लढवावी का? तुम्हाला काय वाटते?, असा प्रश्न असीम सरोदे यांनी पुणेकरांना विचारला आहे. असीम सरोदे यांच्या या पोस्टवर पुणेकर आणि राज्यभरातील नागरिक भरभरुन प्रतिक्रिया देत आहेत.

Uddhav Thakare : निवडणूक आयुक्तांना अटक करा, पत्रकार परिषदेत उद्धव ठाकरेंचं मोठं वक्तव्य

माझ्यासोबत उभ्या असलेल्या व्यक्तीचा आता खूप परिचय देण्याची आवश्यकता उरली नाही. ध्वनिप्रदूषणाच्या राक्षसा विरोधात निर्भयपणे उभा असणारा ‘विद्यानंद बापट’. अनेकांच्या मनातील दुःख बोलणारा आणि उत्सवांचे विकृत स्वरूप, त्यातील ओंगळवाणेपणा चव्हाट्यावर आणणारा हिरो ठरला आहे. तर – – -… pic.twitter.com/HDlXMat1Ks — Asim Sarode (@AsimSarode) September 22, 2026

 

युझर्सचा मोठा पाठींबा

विद्यानंद बापट यांनी खरोखरच पुणे पदवीधर मतदारसंघाची निवडणूक लढवायला हवी. ते 100 टक्के निवडून येतील. बापट खरंच भारी माणूस, ते जेव्हा बोलतात तेव्हा असं वाटतं आपल्या मनातलं बोलत आहेत. साधा माणूस, भारी माणूस लोकप्रतिनिधी म्हणून सभागृहात जायला हवं ही जानभावना आहे, अशी कमेंट एका युझरने लिहली आहे.

BJP New Incharge List 2026: भाजपमध्ये मोठे संघटनात्मक फेरबदल; विनोद तावडेंकडे उत्तर प्रदेश, बैजयंत पांडा महाराष्ट्राचे प्रभारी

दरम्यान, महाराष्ट्र विधानपरिषदेच्या 3 पदवीधर आणि 2 शिक्षक मतदारसंघाच्या निवडणुकीची अधिकृत घोषणा झाली आहे. 23 ऑक्टोबर 2026 रोजी मतदान होणार असून 27 ऑक्टोबर रोजी मतमोजणी होऊन निकाल जाहीर केला जाणार आहे.