Astro Tips: बुधवार आणि पिवळा रंग वापरण्यामागे काय आहे शास्त्रीय कारण, जाणून घ्या

आठवड्यातील प्रत्येक दिवसाला विशेष महत्त्व आहे. प्रत्येक दिवसाचा रंग ठरलेला आहे. बुधवारचा दिवस हा बुध ग्रहांशी संबंधित मानला जातो. बुधवारी पिवळा रंग वापरण्याचे शास्त्रीय कारण काय आहे ते जाणून घेऊया

• बुधवार आणि पिवळ्या रंगांचा संबंध
• बुधवारी पिवळ्या रंगांचे कपडे का घालतात
• बुधवार आणि पिवळ्या रंगांचा ज्योतिषशास्त्रातील संबंध

 

ज्योतिषशास्त्रात प्रत्येक दिवस आणि रंग यांना विशेष महत्त्व आहे. बुधवारचा दिवस बुध ग्रहाशी संबंधित मानला जातो, जो बुद्धिमत्ता, संवादकौशल्य आणि व्यापाराचा कारक आहे. या दिवशी विशिष्ट रंगांचा वापर केल्याने ग्रहांची सकारात्मक ऊर्जा वाढते, असे मानले जाते.

पिवळा रंग हा आनंद, सकारात्मकता आणि समृद्धीचे प्रतीक मानला जातो. त्यामुळे बुधवारच्या दिवशी पिवळ्या रंगाचा वापर केल्यास मनःशांती, एकाग्रता आणि यश मिळण्यास मदत होते, अशी श्रद्धा आहे. बुधवार आणि पिवळ्या रंग यामागे शास्त्रीय आणि ज्योतिषशास्त्रीय कारण काय आहे ते जाणून घ्या

Rahu Ketu: आता पैसाच पैसा! राहू-केतूची होणार कृपादृष्टी; ‘या’ चार राशींचं फळफळणार नशीब

पिवळा रंग घालणे शुभ मानले जाते

बुधवारी अनेक जण पिवळ्या रंगांचे कपडे घालतात. या रंगांमागे काही धार्मिक, ज्योतिषशास्त्रीय आणि सांस्कृतिक श्रद्धा जोडलेल्या आहेत. बुधवार हा दिवस बुध देवता याचा दिवस मानला जातो. बुध हा बुद्धी, वाणी, व्यापार आणि चातुर्याचा कारक मानला जातो. पिवळा रंग या ग्रहांशी संबंधित मानला जातो. त्यामुळे पिवळा रंग घातल्याने बुध ग्रह प्रसन्न होतो, असे मानले जाते. धार्मिक दृष्टिकोनातून पाहिलं तर पिवळा रंग हा शुभ, पवित्र आणि सकारात्मक उर्जेचं प्रतीक आहे. हा रंग आनंद, ज्ञान आणि समृद्धी दर्शवतो. म्हणूनच बुधवारी पिवळे कपडे घातल्याने मन प्रसन्न राहते आणि बुध्दी तल्लक होते, अशी श्रद्धा आहे.

पिवळ्या वस्तूंचे दान करणे

ज्योतिषशास्त्रानुसार पिवळा रंग घातल्याने बुध ग्रहाची कृपा मिळते. संवादकौशल्य सुधारते, व्यापारात यश मिळते आणि निर्णयक्षमता वाढते. विशेषतः विद्यार्थी आणि व्यावसायिक लोकांसाठी हा दिवस आणि हा रंग महत्त्वाचा मानला जातो. तसेच काही ठिकाणी बुधवारी पिवळ्या वस्तूंचे दान जसे की, हरभरा, हळद, केळी यांचे दान करणं अत्यंत शुभ मानलं जातं.

समुद्र मंथनाच्या वेळी असं काही घडलं की भगवान विष्णूंनी केला शिरच्छेद ; राहू केतूची ‘ही’ पुराणकथा तुम्हाला माहितेय का ?

बुधवारी या मंत्रांचा जप करा

बुधवारी सकाळी स्नान करून स्वच्छ पिवळे कपडे घालून पूर्व किंवा उत्तर दिशेकडे तोंड करून ओम बुधाय नमः असा मंत्रांचा जप करावा. 108 वेळा या मंत्रांचा जप केल्यास उत्तम फळ मिळते, असे देखील म्हटले जाते. बुधवारी पिवळा रंग घालणे म्हणजे परंपरा नसून तो श्रद्धा, सकारात्मकता आणि शुभतेचा एक भाग आहे.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)