गुरुवार, 29 ऑक्टोबर 2026
फोटो सौजन्य- istock
दिव्यांचा आणि आनंदाचा सण म्हणजे दिवाळी. अवघ्या काही दिवसांवर आलेली आहे. दिवाळी जवळ येताच लोक घराची स्वच्छता करतात. तसेच सुख समृद्धीसाठी उपाय देखील केले जातात. दिवाळीमध्ये अशी काही रोपे आहेत ती लावल्याने तुमच्या घरातील नकारात्मक ऊर्जा दूर होण्यास मदत होते.
काशीमधील ज्योतिषशास्त्र आणि वास्तुतज्ज्ञ स्वामी कन्हैया महाराज यांच्या म्हणण्यानुसार, दिवाळीत घरात सुख, शांती, समृद्धी आणि धनसंपत्ती नांदावी यासाठी तुम्ही तुमच्या अंगणात, दिवाणखान्यात आणि बाल्कनीत काही नवीन रोपे लावू शकता. जर तुमच्या घरात तुळशीचे रोप नसेल, तर दिवाळीपूर्वी तुमच्या अंगणात, बाल्कनीत किंवा गच्चीवर एक रोप नक्की लावा. तुळशीचे रोप हे देवी लक्ष्मीचे रूप मानले जाते. धार्मिक श्रद्धेनुसार, ज्या घरात तुळशीचे दाट रोप असते, ते घर देवी लक्ष्मीचे निवासस्थान मानले जाते.
तुळशीसोबतच तुम्ही तुमच्या बाल्कनीत, दिवाणखान्यात किंवा गच्चीवर बांबूचे झाडही लावू शकता. ते प्रगती आणि समृद्धीचे प्रतीक आहे. शिवाय, दिवाणखान्यात वाढणारे बांबूचे झाड सकारात्मक ऊर्जा टिकवून ठेवण्यास आणि नकारात्मक ऊर्जा दूर करण्यास मदत करते.
याशिवाय तुम्ही घरामध्ये मनी प्लांट देखील लावू शकता. हे रोप कुंडीत किंवा काचेच्या बाटलीत सहजपणे वाढवता येते. वास्तुशास्त्रानुसार, घरात हे रोप लावणे शुभ मानले जाते. तुमच्या घराच्या आग्नेय दिशेला मनी प्लांट लावल्याने तुमच्या घरात देवी लक्ष्मीचे आगमन होते.
या वनस्पतींव्यतिरिक्त, तुम्ही तुमच्या बाल्कनी किंवा गच्चीवर गुलाबाचे रोपदेखील लावावे. गुलाब हे संपत्तीची देवी असलेल्या लक्ष्मीचे आवडते फूल आहे. त्यामुळे, हे रोप लावल्याने घरात सकारात्मक ऊर्जा टिकून राहते आणि लक्ष्मी देवी प्रसन्न राहते. गुलाबांव्यतिरिक्त, तुम्ही घरी हरसिंगाराचे रोपदेखील लावू शकता. धार्मिक श्रद्धेनुसार, जेव्हा तुमच्या घरातील हरसिंगाराच्या झाडाला फुले येऊ लागतात, तेव्हा हे समजून घ्या की तुमच्या घरातील नकारात्मक ऊर्जा हळूहळू नाहीशी होत आहे. हे फूल भगवान विष्णूचा अवतार असलेल्या प्रभू रामांना अत्यंत प्रिय आहे. हे तुमच्या घरात सकारात्मकता टिकवून ठेवण्यास मदत करते.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
Ans: वास्तुशास्त्रानुसार तुळस, शमी, मनी प्लांट आणि बांबू यांसारखी झाडे शुभ मानली जातात.
Ans: झाडांच्या प्रकारानुसार योग्य जागा निवडावी. तुळशीसारख्या रोपांना पुरेसा सूर्यप्रकाश मिळेल, याची काळजी घ्यावी. घरातील प्रकाश आणि जागेनुसार इतर रोपांची मांडणी करता येते.
Ans: धार्मिक श्रद्धेनुसार काही झाडांना देवी लक्ष्मी आणि समृद्धीशी संबंधित मानले जाते. मात्र, झाडे लावल्याने आर्थिक समृद्धी निश्चित मिळते, याचा वैज्ञानिक पुरावा नाही.
