Hartalika 2025: हरतालिकेच्या पूजेसाठी कोणत्या साहित्याचा वापर करावा? जाणून घ्या 

हरतालिकेचा उपवास महत्त्वाचा मानला जातो. हा सण महिलांसाठी विशेष मानला जातो. यावेळी महिला आपल्या पतीच्या दीर्घायुष्य, वैवाहिक सुख आणि सौभाग्य वाढवण्यासाठी पूजा करतात, अशी मान्यता आहे.

दरवर्षी भाद्रपद महिन्यातील शुक्ल पक्षाच्या तृतीयेला हरतालिकेचे व्रत पाळले जाते. या सणाला हिंदू धर्मामध्ये खूप महत्त्व आहे. हरतालिकेची पूजा करताना कोणते साहित्य वापरावे, जाणून घ्या

हिंदू धर्मात हरतालिकेच्या सणाला विशेष महत्त्व आहे. हा सण भाद्रपद महिन्यातील शुक्ल पक्षाच्या तृतीयेला साजरा केला जातो. हे व्रत विवाहित महिला अखंड सौभाग्य आणि जीवनात सुख-समृद्धी मिळावी यासाठी हे व्रत करतात. हा उपवास महादेव आणि देवी पार्वतीला समर्पित आहे. यावेळी उपवास करणाऱ्या महिलांनी हरतालिकेची पूजा करताना आवश्यक असलेले साहित्य गोळा करावे. यामध्ये पूजेसाठी काही गोष्टी आवश्यक मानल्या जातात. अन्यथा पूजा अपूर्ण मानली जाते. हरतालिकेच्या पूजेसाठी कोणत्या साहित्याचा वापरावे, जाणून घ्या

हरतालिका पूजा साहित्य

हरतालिकेची पूजा करताना महादेव आणि देवी पार्वती गणपती बाप्पाची मूर्ती बनवण्यासाठी तुम्ही ओल्या मातीचा किंवा बाजारातून तयार मूर्तींचा वापर करू शकता. त्यानंतर पूजेसाठी मातीचे भांड, मातीचे दिवे, वस्त्र, देवी पार्वतीच्या शृंगाराच्या वस्तू, तूप, मध, नारळ, राख, रोली, कलाव, तांदूळ, लवंग, वेलची, सुपारी, पवित्र धागा, गुलाल आणि सिंदूर, कापसाची वात, अगरबत्ती, कापूर आणि पूजा करण्यासाठी चौरंग किंवा पाट.

Hartalika 2025: तुम्ही हरतालिकेचा उपवास पहिल्यांदा करत आहात का? लक्षात ठेवा हे नियम

पंचामृत तयार करण्यासाठी साहित्य

हरतालिकेच्या दिवशी पंचामृत बनविण्यासाठी दूध, दही, मध, साखर, सुकामेवा आणि गाईचे दूध वापरावे. पूजेमध्ये पंचामृताचा समावेश करणे आवश्यक असल्याचे मानले जाते.

नैवेद्य दाखवण्यासाठी या गोष्टी वापरा

महादेव आणि पार्वती यांना नैवेद्य दाखवण्यासाठी मिठाई, ५ प्रकारची फळे, झेंडूची फुले, सुपारी, बेलाची पाने, दुर्वा, शमी यंत्र, गुलाबाची फुले, भांगाची पाने, तुळशीच्या कळ्या, धतुराचे फळ, फुले आणि आंब्याची पाने. इत्यादी गोष्टी वापराव्यात.

हरतालिकेच्या दिवशी या गोष्टींचे दान करा

हरतालिकेच्या दिवशी श्रृंगाराच्या वस्तू दान करण्याला महत्त्व आहे. असे केल्याने वैवाहिक जीवन आनंदी राहील आणि अखंड सौभाग्य प्राप्त होते. त्यामुळे या दिवशी दान करताना मेहंदी, टिकली, सिंदूर, हळदीकुंकू, अबीर, कंगवा, चंदन, पैंजण, काजल, जोडवी, बांगड्या इत्यादी नक्कीच घ्याव्यात.

Ganesh Chaturthi 2025: गणपती बाप्पाला तुळस का अर्पण करत नाही? काय आहे यामागील पौराणिक कारण

हरतालिकेच्या दिवशी करा हे काम

हरतालिकेच्या दिवशी महादेव आणि पार्वतीची विधिवत पूजा केल्यानंतर विवाहित महिलांनी आपल्या डोक्यावर देवीला लावलेले सिंदूर लावावे. असे करणे खूप शुभ मानले जाते. तसेच 16 श्रृंगार परिधान करण्याला विशेष महत्त्व आहे. वैवाहिक आनंदाचे प्रतीक म्हणून मेहंदी देखील हातावर लावली जाते.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)