रविवार, 15 नोव्हेंबर 2026
Navratri 2026_ नवरात्रीत उपवास करताय_ (फोटो सौजन्य- सोशलमीडिया)
पण उपवास म्हणजे फक्त खाणं बंद करणं नाही. त्याचे काही नियम आहेत. ते नियम पाळले तरच उपवासाचं फळ मिळतं. नाहीतर फक्त भूक मारल्यासारखं होतं.उपवास म्हणजे नक्की काय?आपल्या धर्मात सांगितलं आहे की उपवास म्हणजे पोटाला उपाशी ठेवणं नाही. तर मनाला शांत ठेवणं. वाईट बोलणं टाळणं, वाईट वागणं टाळणं. नऊ दिवस मन, बोलणं आणि वागणं सगळं सात्विक ठेवायचं. देवीला हेच आवडतं.
१. दिवसातून एकदाच फराळ करा
बरेच लोक सारखे सारखे खातात आणि म्हणतात उपवास आहे. असं करू नका. उपवास असेल तर दिवसातून एकदाच पोटभर फराळ करा. सारखं खात राहिल्याने उपवास मोडल्यासारखा होतो आणि त्याचं पुण्य पण कमी होतं.
२. वाईट गोष्टींना हात लावू नका
या नऊ दिवसात मटण, चिकन, मासे, अंडी पूर्ण बंद करा. सिगारेट, गुटखा, तंबाखू याला तर अजिबात हात लावू नका. खूप तिखट, खूप तेलकट खाणं पण टाळा. देवीच्या दिवसात हे सगळं वर्ज्य मानतात.
३. पाणी सारखं पिऊ नका
तहान लागली तर पाणी प्या, पण सारखं सारखं पाणी पिणं पण टाळावं. काही लोक उपवासात सारखं पाणी पितात, त्याने पण व्रत हलकं होतं असं सांगतात. गरज असेल तेव्हाच पाणी घ्या.
४. शक्य असेल तर अनवाणी राहा
जुने लोक नवरात्रीत चप्पल घालत नव्हते. नऊ दिवस अनवाणी राहायचे. आजकाल ऑफिसमुळे सगळ्यांना जमेलच असं नाही, पण घरी असताना तरी चप्पल न घालता राहण्याचा प्रयत्न करा. याने शरीरातली नकारात्मक ऊर्जा निघून जाते.
५. हलकं आणि सात्विक खा
उपवासाला काय चालतं? साबुदाणा खिचडी, वरईचे तांदूळ, फळं, दूध, शेंगदाणे हेच पदार्थ खा. बाहेरचं तळलेलं, पॅकेटमधलं खाणं टाळा. घरी बनवलेलं साधं खाणं सगळ्यात उत्तम आहे.
कधी कधी तब्येत बिघडते किंवा काही कामामुळे उपवास पूर्ण करता येत नाही. अशावेळी अर्धवट सोडून देऊ नका. देवीसमोर हात जोडून माफी मागा. “आई माझ्याकडून चूक झाली, मला माफ कर” असं मनापासून सांगा आणि मगच उपवास सोडा.जर तुम्ही सप्तमी, अष्टमी किंवा नवमीला उपवास सोडत असाल तर एक महत्वाचा विधी करावा लागतो. त्याला कन्या पूजन म्हणतात.
Shukra Uday: शुक्राचा उदय मेष राशींसह या राशींच्या लोकांना करिअरमध्ये मिळणार नवीन संधी
नऊ लहान मुलींना घरी बोलवा. त्यांचे पाय धुवा, त्यांना हळद कुंकू लावा. त्यांना जेवायला वाढा – पुरी, भाजी, हलवा यांचा नैवेद्य द्या. एखादी छोटी भेटवस्तू द्या. असं केलं की तुमच्या उपवासाचं फळ पूर्ण मिळतं. मुलींमध्ये देवीचाच अंश असतो असं मानतात. शेवटी एकच सांगायचं, नवरात्र म्हणजे फक्त उपाशी राहणं नाही. तर स्वतःच्या मनाला स्वच्छ करणं आहे. नऊ दिवस भक्ती, शिस्त आणि संयम ठेवला तर देवी नक्कीच प्रसन्न होते आणि घरात सुख-समृद्धी येते.
