शुक्रवार, 21 ऑगस्ट 2026
फोटो सौजन्य- pinterest
शुक्रवार, २८ ऑगस्ट रोजी रक्षाबंधनाचा पवित्र सण आहे. ज्योतिषशास्त्रानुसार रक्षाबंधनाच्या दिवशी राहू कुंभ राशीत चंद्रासोबत असतील तर शनि मीन राशीत असणार आहे. त्यामुळे चंद्रावर राहू आणि शनी या दोघांचाही प्रभाव पडेल. ज्योतिषशास्त्रानुसार, चंद्र हा मन, भावना आणि मानसिक स्थितीचा कारक मानला जातो. राहूच्या प्रभावामुळे गोंधळ आणि अस्वस्थता वाढू शकते, तर शनी भावनिक तणाव आणि कामात विलंब दर्शवतो. त्यामुळे राहू आणि चंद्राच्या युतीदरम्यान काही राशींच्या लोकांनी सावधगिरी बाळगणे गरजेचे आहे. कोणत्या राशींच्या लोकांनी सावध राहावे ते जाणून घ्या
सिंह राशीच्या लोकांनी रक्षाबंधाच्या दिवशी राहू आणि चंद्राच्या युतीमुळे नातेसंबंध आणि भागीदारीच्या बाबतीत आव्हानात्मक ठरू शकते. तुमच्या जोडीदारासोबत मतभेद किंवा गैरसमज होण्याची शक्यता आहे. व्यावसायिक भागीदारीमध्ये घाईचे निर्णय घेणे टाळा. सध्यासाठी कोणतीही मोठी गुंतवणूक किंवा आर्थिक व्यवहार पुढे ढकलणे उत्तम ठरू शकते. भावनेच्या आहारी जाऊन महत्त्वाचे निर्णय घेणे टाळा आणि प्रत्येक बाबतीत दुसऱ्या बाजूची कहाणी समजून घेण्याचा प्रयत्न करा.
राहू आणि चंद्राच्या युतीमुळे कुंभा राशींच्या व्यक्तींना अधिक मानसिक सतर्क राहण्याची गरज भासणार आहे. गोंधळ आणि अस्वस्थता कायम राहू शकते, ज्यामुळे निर्णय घेणे कठीण होईल. कधीकधी, तुम्हाला इतरांपासून भावनिकदृष्ट्या दुरावल्यासारखे वाटू शकते. प्रेम, संतती आणि शिक्षण यांसारख्या बाबींमध्ये संयम बाळगा. कोणताही निष्कर्ष काढण्यापूर्वी परिस्थिती पूर्णपणे समजून घेणे फायदेशीर ठरेल.
मीन राशींच्या लोकांसाठी शनिची उपस्थिती आणि आधीच्या राशीत म्हणजेच कुंभ राशीत राहू व चंद्राची युतीमुळे मीन राशींच्या व्यक्तींवर परिणाम करू शकते. कामाच्या ठिकाणी तणाव आणि जबाबदाऱ्या वाढण्याची शक्यता आहे. कामाच्या ठिकाणी छोट्या-छोट्या गोष्टींची चिंता करणे टाळा. आपल्या आरोग्याकडे दुर्लक्ष करू नका. झोपेवर परिणाम होऊ शकतो आणि अनावश्यक चिंता त्रासदायक ठरू शकतात. पुरेशी झोप घेण्यावर आणि स्वतःला विश्रांती देण्यावर लक्ष केंद्रित करा.
ग्रहणादरम्यान आणि ग्रहणानंतर भगवान शिवाचे ध्यान आणि पूजा करा. तुम्ही तुमच्या श्रद्धेनुसार ‘ॐ नमः शिवाय’ किंवा महामृत्युंजय मंत्राचा जप करू शकता.
आपले मन शांत आणि स्थिर ठेवण्यासाठी ‘ओम सोमया नमः’ या मंत्राचा जप करा.
शिवलिंगावर थोडे कच्चे दूध मिसळलेले पाणी अर्पण करा आणि मानसिक शांतीसाठी भगवान शिवाची प्रार्थना करा.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
Ans: ज्योतिषशास्त्रानुसार राहू आणि चंद्र एकाच राशीत किंवा भावात आल्यास त्याला राहू-चंद्र युती म्हटले जाते. याला काही ज्योतिषी ग्रहण योग किंवा ग्रहणसदृश योग असेही संबोधतात.
Ans: ज्योतिषीय मान्यतेनुसार चंद्र मन, भावना आणि मानसिक स्थैर्याशी संबंधित आहे, तर राहू भ्रम, अस्वस्थता आणि अनिश्चिततेशी जोडला जातो. त्यामुळे भावनिक निर्णय घेताना सावध राहण्याचा सल्ला दिला जातो.
Ans: राहू-चंद्र युतीमुळे सिंह, कुंभ आणि मीन राशींच्या लोकांनी सावध राहावे
