Vastu Tips: आर्थिक चणचण आणि घरात सतत वाद होत असल्यास वास्तूचे करा हे प्रभावी उपाय

Vastu Tips: वास्तुशास्त्रामध्ये मुख्य प्रवेशद्वार, स्वयंपाकघर, देव्हारा आणि झोपण्याच्या जागेच्या दिशेबद्दल अनेक नियम सांगण्यात आलेले आहे. आपल्या घरात शांती, आनंद आणि समृद्धी टिकवून ठेवण्यासाठी वास्तूच्या या नियमांचे पालन करणे गरजेचे आहे. जाणून घ्या वास्तूचे नियम

• आर्थिक चणचण आणि घरात सतत वाद होत असल्यास वास्तूचे करा हे उपाय
• वास्तुशास्त्रात घरासंबंधी कोणते नियम सांगितले आहे
• वास्तुच्या नियमांमुळे घरातील वातावरण बदलण्यास होते मदत

 

घरात सकारात्मक आणि शांततापूर्ण वातावरण राहण्यासाठी स्वच्छता आणि सुव्यवस्थेकडे लक्ष देणे महत्त्वाचे आहे. भारतीय परंपरेनुसार, वास्तुशास्त्रात घरातील आनंद, समृद्धी आणि सकारात्मकतेशी जोडलेली आहेत. असे मानले जाते की घराच्या दिशेनुसार वस्तूंची मांडणी करणे आणि काही विशिष्ट नियमांचे पालन केल्याने घरातील वातावरण सुधारण्यास मदत होते. यापैकी काही वास्तूचे नियम सविस्तर जाणून घेऊया

वास्तुच्या या नियमांमुळे बदलू शकते घरातील वातावरण

घराची ईशान्य दिशा

वास्तुशास्त्रानुसार घराची ईशान्य दिशा महत्त्वाची मानली जाते. ही जागा स्वच्छ आणि मोकळी ठेवा. येथे जड कपाटे, निरुपयोगी वस्तू किंवा चपला ठेवणे टाळा. या दिशेत प्रार्थना कक्ष बांधणे शुभ मानले जाते.

Vastu Tips: स्वयंपाकघरात फ्रीज ठेवण्याची योग्य दिशा कोणती? जाणून घ्या वास्तूचे नियम

घराच्या मुख्य प्रवेशद्वारावर शुभ चिन्ह

घराचे मुख्य प्रवेशद्वार स्वच्छ आणि व्यवस्थित ठेवा. प्रवेशद्वारावर स्वस्तिक, ओम किंवा शुभ लाभ यांसारखी शुभ चिन्हे रंगवणे शुभ मानले जाते. दारावर फुलांची माळ किंवा हार लावण्याचीही परंपरा आहे. स्वस्तिक, ओम किंवा शुभ लाभ यांसारखी वास्तुशास्त्रातील चिन्ह लावणे शुभ मानले जाते.

आग्नेय दिशेचे महत्त्व

वास्तुशास्त्रानुसार, आग्नेय दिशा म्हणजेच अग्नी कोन, स्वयंपाकघरासाठी आदर्श मानली जाते. स्वयंपाक करताना पूर्वेकडे तोंड करा. स्टोव्ह आणि सिंक एकमेकांच्या खूप जवळ ठेवणे टाळा.

उत्तर दिशेचा संबंध कुबेरांशी मानला जातो

तिजोरी दक्षिण किंवा पश्चिम दिशेला अशा प्रकारे ठेवा की, उघडल्यावर तिचे दार उत्तरेकडे असेल. उत्तर दिशा भगवान कुबेरांशी संबंधित आहे.

Vastu Tips: रस्त्यात सापडलेल्या ‘या’ वस्तू घरी आणणं पडू शकतं महागात …

बेडरूममध्ये आरसा लावणे टाळा

आरसा लावण्यासाठी उत्तर किंवा पूर्वेकडील भिंत ही सर्वोत्तम जागा मानली जाते. झोपताना तुमच्या शरीराचे प्रतिबिंब दिसेल अशा प्रकारे बेडरूममध्ये आरसा लावणे टाळा.

कापूर किंवा धूप जाळणे शुभ

सूर्यास्ताच्या वेळी मुख्य प्रवेशद्वार आणि देव्हाऱ्याजवळ उजेड असावा. या वेळी कापूर किंवा धूप जाळणे शुभ मानले जाते.

झोपण्याची दिशा

झोपताना दक्षिण किंवा पूर्व दिशेकडे तोंड करणे शुभ मानले जाते. उत्तरेकडे डोके करून झोपणे टाळा. तसेच, वापरानंतर बाथरूमचा दरवाजा बंद ठेवा आणि ती जागा स्वच्छ ठेवा. वास्तुशास्त्रानुसार बाथरूममध्ये काचेच्या भांड्यात सैंधव मीठ ठेवण्याची शिफारस केली जाते.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)