Vastu tips: स्वयंपाकघरात इंडक्शन ठेवताना सावधान, या दिशेला ठेवल्यास वाढू शकतात समस्या

हल्ली इंडक्शन महत्त्वाची गरज आहे. मात्र वास्तूच्या नियमांकडे लक्ष द्यावे. योग्य दिशा, स्वच्छता आणि ऊर्जा टिकवून ठेवण्यासाठी दिशेची योग्य ती काळजी घ्या स्वयंपाकघरात इंडक्शन कोणत्या दिशेला ठेवावे जाणून घ्या

• स्वयंपाकघरात इंडक्शन ठेवण्याची योग्य दिशा कोणती
• स्वयंपाकघरात इंडक्शन ठेवताना कोणती काळजी घ्यावी
• कोणत्या समस्या वाढू शकतात

 

स्वयंपाकघरातील बदल हा फक्त सुविधेचा नाही तर वेळेची देखील गरज आहे. पश्चिम आशियातील वाढता तणाव आणि इंधनाविषयीच्या समस्येमुळे लोक स्वयंपाकघरात बदल करताना दिसून येत आहे. एलपीजी सिलिंडरबाबतच्या अनिश्चिततेमुळे अनेक घरांनी इंडक्शनचा वापर सुरू केला आहे. पण तुम्हाला माहीत आहे का की फक्त इंडक्शन विकत घेणे पुरेसे नाही ? वास्तुशास्त्रानुसार इंडक्शनची योग्य दिशा आणि वापर याचा आपल्या घरातील उर्जेवर परिणाम करतो. काही लोक याकडे दुर्लक्ष करतात. नंतर छोट्या छोट्या समस्येचा सामना करावा लागतो. अशा वेळी वास्तूच्या नियमांकडे लक्ष देणे गरजेचे आहे. इंडक्शन ठेवण्याची योग्य दिशा कोणती जाणून घ्या

योग्य दिशा

वास्तुशास्त्रानुसार स्वयंपाकघरात अग्नीला विशेष महत्त्व आहे. यामुळे इंडक्शनला गॅससारखे पहिले जाते. दक्षिण पूर्व दिशेला अग्नी तत्वाचे स्थान मानले गेले आहे. जर इंडक्शन या दिशेला ठेवल्यास घरामध्ये सकारात्मक ऊर्जा प्रवेश करते. काही कारणाने हे शक्य नसल्यास उत्तर पश्चिम दिशेला ठेवावे.

Vastu Tips: आर्थिक समस्या दूर करण्यासाठी घरामध्ये आणा या वस्तू, काय सांगते वास्तुशास्त्र जाणून घ्या

जेवण बनवताना दिशेकडे लक्ष द्या

काही लोक घाईमध्ये कुठेही उभे राहून जेवण बनवतात. मात्र वास्तुशास्त्रानुसार हेदेखील महत्त्वाचे आहे की तुम्ही कोणत्या दिशेला उभे राहून जेवण बनवता. पूर्व दिशेला उभे राहून जेवण बनवणे सर्वांत चांगले मानले जाते. यामुळे फक्त मानसिक शांती मिळत नाही तर कुटुंबातील आरोग्यावर परिणाम होतो.

पाणी आणि आग एकत्र येऊ नये

स्वयंपाकघरात सर्वांत मोठी चूक म्हणजे इंडक्शन सिंक जवळ ठेवणे. जागेच्या कमतरतेमुळे लोक असे करतात. मात्र वास्तूंमध्ये हे योग्य मानले जात नाही. पाणी आणि आगीमुळे घरामध्ये तणाव आणू शकते. यामुळे पाणी आणि इंडक्शनच्या मध्ये अंतर असणे गरजेचे आहे.

Vastu tips: घरामध्ये कासव ठेवताना या नियमांचे करा पालन, नाहीतर येऊ शकतात अडचणी

स्वच्छता ठेवणे महत्त्वाचे

केवळ दिशाच नव्हे, तर स्वच्छताही तितकीच महत्त्वाची आहे. अनेकदा असे दिसून येते की, इंडक्शन कुकरच्या आजूबाजूला घाणेरडी भांडी किंवा धूळ साचते. यामुळे नकारात्मक ऊर्जा वाढू शकते. एक स्वच्छ आणि व्यवस्थित स्वयंपाकघर केवळ दिसायलाच चांगले नसते, तर घरात एक प्रसन्न आणि सकारात्मक वातावरणही निर्माण करते.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)