लोकप्रिय इंदिरा गांधींना राजकीय भ्रष्टाचाराच्या आरोपाखाली झाली होती अटक; 4 ऑक्टोबरचा इतिहास जाणून घ्या

देशाच्या राजकारणामध्ये एक प्रभावी महिला नेत्या म्हणून इंदिरा गांधी ओळखल्या जातात. आपल्या राजकीय खेळीने आणि वकृत्वाने त्यांनी सर्वांनाआश्चर्य चकित केले होते. सुरुवातीला त्यांच्यावर टीका करण्यात आली मात्र नंतर त्यांनी देशाचे घेतलेले निर्णय आणि एकूणच त्यांचा राजकीय प्रवास आज देखील लोकांच्या लक्षात आहे.

4 ऑक्टोबर दिवस हा ऐतिहासिक नोदींमध्ये महत्त्वाचा मानला जातो. भारतीय लोकशाहीच्या इतिहासात 4 ऑक्टोबर हा दिवस महत्त्वाचा दिवस म्हणून ओळखला जातो. 1977 मध्ये या दिवशी देशाच्या माजी पंतप्रधान इंदिरा गांधी यांना अटक झाल्यानंतर 16 तासांनी सोडण्यात आले होते. ही गोष्ट त्या दिवसांची आहे जेव्हा तत्कालीन पंतप्रधान मोरारजी देसाई यांच्या नेतृत्वाखाली देशात जनता पक्षाचे सरकार होते आणि चौधरी चरणसिंग गृहमंत्री होते. निवडणूक प्रचारादरम्यान वापरलेल्या जीप खरेदीत भ्रष्टाचार केल्याच्या आरोपावरून इंदिरा गांधींना अटक करण्यात आली होती आणि त्यानंतर 16 तासांनंतर कोर्टाने पुराव्याअभावी त्यांची सुटका करण्याचे आदेश दिले होते.

या दिवशीच्या इतर महत्त्वाच्या घटना

• 1535: माइल्स कव्हरडेलने तयार केलेले इंग्रजी भाषेतील पहिले पूर्ण बायबल छापण्यात आले.
• 1954: मॅरिलिन मनरोने लग्नाच्या फक्त नऊ महिन्यांनंतर मानसिक छळाच्या कारणास्तव जगातील सर्वोत्तम बेसबॉलपटू जो डिमॅगिओला घटस्फोट देण्याचा तिचा निर्णय जाहीर केला.
• 1957: सोव्हिएत युनियनने स्पुतनिक वन हा पहिला उपग्रह अवकाशात सोडला. येथूनच अवकाशयुग सुरू झाले आणि तत्कालीन सोव्हिएत युनियन आणि अमेरिका यांच्यात अवकाश गाठण्याची नवी स्पर्धा सुरू झाली.
• 1965: बीबीसीने आशियाई स्थलांतरितांसाठी पहिली सेवा सुरू करण्याची आपली योजना जाहीर केली.
• 1969: चीनने त्याच्या मुख्य भूभागाच्या पश्चिम भागात हायड्रोजन बॉम्बची चाचणी घेतल्याची घोषणा केली. यासह देशाने आपली पहिली भूमिगत अणुचाचणी पूर्ण केली.
• 1977: परराष्ट्र मंत्री म्हणून अटलबिहारी वाजपेयी यांनी संयुक्त राष्ट्र महासभेला हिंदीत संबोधित केले. यापूर्वी या जागतिक मंचावर कोणीही हिंदीत भाषण दिले नव्हते.
• 1977: भारताच्या माजी पंतप्रधान इंदिरा गांधी यांना राजकीय भ्रष्टाचाराच्या आरोपाखाली अटक केल्यानंतर 16 तासांनी सोडण्यात आले.
• 1992: इस्रायलचे 747 बोईंग विमान नेदरलँड्सच्या ॲमस्टरडॅमच्या बाहेरील भागात कोसळले. जाळलेल्या ढिगाऱ्यामुळे आणि पेट्रोल सांडल्यामुळे अनेकांचा मृत्यू झाला.
• 2021: अमेरिकन शास्त्रज्ञ डेव्हिड ज्युलियस आणि आर्डम पाटापुयान यांना वैद्यकशास्त्राचे नोबेल पारितोषिक मिळाले.
• 2023: इटलीतील व्हेनिस शहरात परदेशी पर्यटकांना घेऊन जाणारी बस उड्डाणपुलावरून पडल्याने 21 जणांचा मृत्यू झाला.

याचे मूळ आर्टिकल वाचण्यासाठी आपण https://navbharatlive.com/ यावर क्लिक करावे