प्रेक्षकांना खळखळून हसायला लावणारा अभिनेता लक्ष्मीकांत बेर्डेने घेतला जगाचा निरोप; जाणून घ्या 16 डिसेंबरचा इतिहास

अभिनेता लक्ष्मीकांत बेर्डे यांचा जीवनप्रवास हा मी पाहिलं... मी लढलो.. मी जिंकून घेतलं सारं' या गाण्याच्या ओळीप्रमाणेच खऱ्या अर्थाने राहिला. आज त्यांची पुण्यतिथी आहे.

तुमचा दिवस कसाही जावो या अभिनेत्याचा एक अभिनय तुम्हाला खळखळून हसायला भाग पडतोच तो अभिनेता म्हणजे लक्ष्या. लक्ष्मीकांत बेर्डे. मराठी आणि हिंदी चित्रपटसृष्टीमध्ये अफलातून कॉमेडी आणि अभिनयाने प्रेक्षकांच्या मनामध्ये घर केले.  ‘मी आलो… मी पाहिलं… मी लढलो.. मी जिंकून घेतलं सारं’ या गाण्याच्या ओळीप्रमाणेच त्यांचा जीवनप्रवास खऱ्या अर्थाने राहिला. कॉमिक रोलमधील सर्वोत्कृष्ट कामगिरीसाठी फिल्मफेर पुरस्कारासाठी चार नामांकने मिळाली. त्यांनी सुमारे 185 हिंदी आणि मराठी चित्रटांमध्ये काम केले. मात्र आजच्या दिवशी 2004 साली अभिनेता लक्ष्मीकांत बेर्डे यांनी अखेरचा श्वास घेतला. सर्वांना हसायला लावणार हा अवलिया जगाचा निरोप घेऊन निघून गेला. आजही घराघरामध्ये लक्ष्याचे चित्रपट तितक्याच आवडीने पाहिले जातात.

16 डिसेंबर रोजी देशाच्या आणि जगाच्या इतिहासामध्ये घडलेल्या महत्त्वपूर्ण घटना

• 1497 : वास्को द गामाने केप ऑफ गुड होपला फेरी मारली.
• 1773 : अमेरिकन क्रांती – बोस्टन टी पार्टी.
• 1854 : भारतातील पहिले अभियांत्रिकी महाविद्यालय पुण्यात स्थापन झाले.
• 1903 : मुंबईतील ताजमहाल पॅलेस हॉटेल व्यवसायासाठी उघडले.
• 1928 : मुंबई-पुणे रेल्वे सेवा बोगद्यातून सुरू झाली.
• 1946 : थायलंड संयुक्त राष्ट्रात सामील झाला.
• 1971 : भारताविरुद्धच्या युद्धात पाकिस्तानने शरणागती पत्करली.
• 1985 : कल्पक्कम येथील इंदिरा गांधी अणुसंशोधन केंद्रातील प्रायोगिक प्रथम ब्रीडर अणुभट्टी राष्ट्राला समर्पित करण्यात आली.
• 1991 : पुर्वीच्या सोविएत संघराज्यातुन वेगळे झाला कझाकस्तान हा स्वतंत्र देश झाला.
• 2006 : अंतराळवीर सुनीता विल्यम यांनी एका साथीदारासह अंतराळ यानाच्या बाहेर जाऊन 7 तास 31 मिनिटांत विद्युत यंत्रणा दुरुस्त केली.

हे देखील वाचा : नागपूरची थंडी नेत्यांना होईना सहन! हिवाळी अधिवेशनामध्ये दोन मंत्री,10 आमदार अन् 1355 कर्मचारी पडले आजारी

16 डिसेंबर रोजी जन्म दिनविशेष

• 1770 : ‘लुडविग व्हान बीथोव्हेन’ – कर्णबधिर संगीतकार यांचा जन्म. (मृत्यू : 26 मार्च 1827)
• 1775 : ‘जेन ऑस्टीन’ – इंग्लिश लेखिका यांचा जन्म. (मृत्यू : 18 जुलै 1817)
• 1882 : ‘जॅक हॉब्ज’ – इंग्लिश क्रिकेट खेळाडू यांचा जन्म. (मृत्यू : 21 डिसेंबर 1963)
• 1917 : ‘सर आर्थर सी. क्लार्क’ – विज्ञान कथालेखक आणि संशोधक यांचा जन्म. (मृत्यू : 19 मार्च 2008)
• 1993 : ‘ज्योती किशनजी आमगे’ – गिनेस बुक ऑफ वर्ल्ड रेकॉर्ड्‌स नुसार जगातील सर्वात कमी उंचीच्या महिला म्हणून प्रसिद्ध यांचा जन्म.

हे देखील वाचा : उमेदवारांनो लक्ष द्या! उमेदवारी अर्जाबाबत महत्त्वाची माहिती आली समोर; आता अर्ज भरताना…

16 डिसेंबर रोजी मृत्यू दिनविशेष

• 1960 : ‘चिंतामण गणेश कर्वे’ – मराठी कोशकार आणि लेखक यांचे निधन. (जन्म : 4 फेब्रुवारी 1893)
• 1965 : ‘डब्ल्यू. सॉमरसेट मॉम’ – इंग्लिश लेखक आणि नाटकाकर यांचे निधन. (जन्म : 25 जानेवारी 1874)
• 1980 : ‘कर्नल सँडर्स’ – केंटुकी फ्राईड चिकन (KFC) चे संस्थापक यांचे निधन. (जन्म : 9 सप्टेंबर 1890)
• 2002 : ‘काशिनाथ सखाराम देवल’ – सर्कस सम्राट निधन.
• 2004 : ‘लक्ष्मीकांत बेर्डे’ – नाट्य आणि चित्रपट अभिनेते यांचे निधन. (जन्म : 3 नोव्हेंबर 1954)
• 2024 : ‘तुलसी गौडा’ – पद्मश्री, कर्नाटक राज्यातील एक पर्यावरण कार्यकर्त्या यांचे निधन.