आज भारतीय राज्यघटनेचे शिल्पकार डॉ. बाबासाहेब आंबेडकर यांची पुण्यतिथी; जाणून घ्या ०६ डिसेंंबरचा इतिहास

आज महामानव आणि भारतीय राज्यघटनेचे शिल्पकार डॉ. बाबासाहेब आंबेडकर यांची पुण्यतिथी आहे. ज्यांनी आपल्या कार्याने आणि चळवळींनी अस्पृश्य समाजाला मानाचे स्थान मिळवून दिले.

आज ६ डिसेंबर रोजी महामानव आणि भारतीय राज्यघटनेचे शिल्पकार डॉ. बाबासाहेब आंबेडकर यांची पुण्यतिथी आहे. यानिमित्त आज देशभरात या महान समाजसुधारकाला आदरांजली वाहण्यात येथे. डॉ. बाबासाहेब आंबेडकरांनी दलित आणि वंचित समाजाला त्यांचे हक्क मिळवून देण्यासाठी आपले जीवन समर्पित केले. त्यांनी नेहमीच न्याय, समानता आणि निष्पक्षता या मूल्यांवर आधारित विचार केले. त्यांची शिकवण आजही भारताला प्रेरणा देते. विशेष करुन त्यांनी दलित समुदायातील व्यक्तींना शिक्षणाचा, समानतेने जगण्याचा हक्क मिळवून दिला. यामुळे त्यांच्या कार्याचा सन्मान करण्याठी त्यांच्या पुण्यतिथीनिमित्त ६ डिसेंबर रोजी महापरिनिर्वाण दिन साजरा केला जातो. आजच्या दिवशी संपूर्ण भारतात, डॉ. बाबासाहेब आंबेडकरांचे अनुयायी त्यांच्या स्मृती आणि समाजातील योगदानाचा गौरव करतात.

06 डिसेंबर रोजी देशाच्या आणि जगाच्या इतिहासामध्ये घडलेल्या महत्त्वपूर्ण घटना

1768 : एनसायक्लोपीडिया ब्रिटानिकाचा पहिला अंक प्रकाशित झाला.
1877 : द वॉशिंग्टन पोस्ट वृत्तपत्राचे प्रकाशन सुरू झाले.
1897 : परवानाधारक टॅक्सीकॅब सुरू करणारे लंडन हे जगातील पहिले शहर ठरले.
1912 : नेफर्टिटी बस्टचा शोध लागला.
1917 : फिनलँड रशियापासुन स्वतंत्र झाला.
1921 : ब्रिटिश आणि आयरिश प्रतिनिधींनी लंडनमध्ये अँग्लो-आयरिश करारावर स्वाक्षरी केली.
1922 : अँग्लो-आयरिश करारावर स्वाक्षरी झाल्यानंतर एक वर्षानंतर, आयरिश मुक्त राज्य अस्तित्वात आले.
1946 : भारतीय होमगार्ड संघटनेची स्थापना झाली
1971 : भारताने बांगलादेशला मान्यता दिल्यानंतर पाकिस्तानने भारताशी राजनैतिक संबंध तोडले
1978 : स्पेनने सार्वमताद्वारे 1978 च्या स्पॅनिश राज्यघटनेला मान्यता दिली.
1981 : डॉ. एस. झेड. कासिम यांच्या नेतृत्त्वाखाली पोलर सर्कल या जहाजातून भारताची तुकडी आपल्या पहिल्या अंटार्क्टिक मोहिमेवर गोव्यातील मार्मागोवा बंदरातून रवाना झाली.
1999 : जर्मन टेनिसपटू स्टेफी ग्राफ हिला प्रतिष्ठित ऑलिम्पिक ऑर्डर देण्यात आला.
2000 : थोर समाजसेवक बाबा आमटे यांना राष्ट्रपती के.आर. नारायणन यांच्या हस्ते केंद्र सरकारचा डॉ. बाबासाहेब आंबेडकर आंतरराष्ट्रीय पुरस्कार प्रदान करण्यात आला.
2006 : नासाने मार्स ग्लोबल सर्वेअरने मंगळावर द्रव पाण्याची उपस्थिती दर्शविणारी छायाचित्रे उघड केली.

डॉ. बाबासाहेब आंबेडकरांचे कार्याचे ऐतिहासिक टप्पे, मुलांसाठी प्रेरणादायी इतिहास

06 डिसेंबर रोजी जन्म दिनविशेष

• 1421 : ‘हेन्‍री (सहावा)’ – इंग्लंडचा राजा यांचा जन्म. (मृत्यू : 21 मे 1471)
• 1732 : ‘वॉरन हेस्टिंग्ज’ – भारताचे पहिले गव्हर्नर जनरल यांचा जन्म. (मृत्यू : 22 ऑगस्ट 1818)
• 1823 : ‘मॅक्स मुल्लर’ – जर्मन विचारवंत यांचा जन्म. (मृत्यू : 28 ऑक्टोबर 1900)
• 1853 : ‘हरप्रसाद शास्त्री’ – संस्कृत विद्वान, शिक्षणतज्ञ, इतिहासकार यांचा जन्म. (मृत्यू : 17 नोव्हेंबर 1931)
• 1861 : ‘नारायण वामन टिळक’ – कवी यांचा जन्म. (मृत्यू : 9 मे 1919)
• 1916 : ‘जयराम शिलेदार’ – गंधर्व भूषण, मराठी गायक, नाट्य-चित्रपट अभिनेते यांचा जन्म. (मृत्यू : 6 नोव्हेंबर 1992)
• 1917 : ‘इरब रोबिन्स’ – बास्किन-रॉबिन्स चे सहसंस्थापक यांचा जन्म. (मृत्यू : 5 मे 2008)
• 1923 : ‘वसंत सबनीस’ – लेखक व पटकथाकार यांचा जन्म. (मृत्यू : 15 ऑक्टोबर 2002)
• 1932 : ‘कमलेश्वर’ – पद्मभूषण पुरस्कार विजेते हिन्दी लेखक, पटकथालेखक, दूरदर्शनचे अतिरिक्त संचालक यांचा जन्म. (मृत्यू : 27 जानेवारी 2007)
• 1945 : ‘शेखर कपूर’ – अभितेने यांचा जन्म.
• 1948 : ‘सुचेता भिडे-चापेकर’ – भरतनाट्यम नृत्यांगना यांचा जन्म.
• 1950 : ‘निरूपमा राव’ – भारतीय विदेश सेवा (आयएफएस) अधिकारी यांचा जन्म.
• 1985 : ‘आर. पी. सिंग’ – भारतीय क्रिकेटपटू यांचा जन्म
• 1988 : ‘रवींद्र जडेजा’ – भारतीय क्रिकेटपटू यांचा जन्म
• 1993 : ‘जसप्रीत बुमराह’ – भारतीय क्रिकेटपटू यांचा जन्म
• 1994 : ‘श्रेयस अय्यर’ – भारतीय क्रिकेटपटू यांचा जन्म

06 डिसेंबर रोजी मृत्यू दिनविशेष

• 1892 : ‘वर्नेर व्होंन सीमेन्स’ – सीमेन्स कंपनीचे संस्थापक यांचे निधन. (जन्म : 13 डिसेंबर 1816)
• 1956 : ‘डॉ. बाबासाहेब आंबेडकर’ – भारतीय राज्यघटनेचे शिल्पकार यांचे निधन. (जन्म : 14 एप्रिल 1891)
• 1971 : ‘कमलाकांत वामन केळकर’ – भारतातील भूविज्ञान अध्ययनाचा पाया घालणारे वैज्ञानिक यांचे निधन. (जन्म : 1 जानेवारी 1902)
• 1990 : ‘तुक़ू अब्दुल रहमान’ – मलेशिया देशाचे पहिले पंतप्रधान यांचे निधन. (जन्म : 8 फेब्रुवारी 1903)

Mahaparinirvan Din: डॉ. बाबासाहेब आंबेडकरांचे महाराष्ट्रातील आणि देशातील महत्त्वाचे कार्य