Dinvishesh : पु. ल. देशपांडे यांना पुण्यभूषण पुरस्काराने केले गौरवांकित; जाणून घ्या 30 मे चा इतिहास

मराठी भाषेची भरभराट करणारे आणि साहित्यनिर्मिती करणारे पु ल देशपांडे यांचे नाव आजही सर्वांच्या मुखी असते. त्यांच्या साहित्य आणि नाट्य विश्वातील भरीव कामगिरीबद्दल त्यांना पुण्यभूषण पुरस्काराने सन्मानित करण्यात आले,

सध्या स्टॅन्ड अप कॉमेडीचा ट्रेन्ड आहे. पण याची जगाला ओळख देखील नव्हती अशा वेळी मराठी भाषेमध्ये कमाल भाषेमध्ये हास्यविनोदासह स्टॅन्ड अप कॉनेडी करणारे पु.ल. देशपांडे होते. पुण्यातील सांस्कृतिक जडण घडणीमध्ये आणि साहित्यिक विश्वामध्ये ज्यांनी आपले नाव अजरामर केले अशा पु.ल.देशपांडे यांचे पूर्ण नाव पुरुषोत्तम लक्ष्मण देशपांडे होते. त्यांनी शिक्षक, लेखक, नट, नकलाकार, गायक, नाटककार, कवी, पेटीवादक, संगीत दिग्दर्शक, वक्ते, होते. त्यांनी एकपात्री-बहुपात्री नाटक, चित्रपट, नभोवाणी, दूरचित्रवाणी अशा सर्व क्षेत्रांत बहुमूल्य कार्य केले. त्यांच्या कामगिरीसाठी 1993 साली त्यांना त्रिदल’ संस्थेच्या वतीने पुण्यभूषण पुरस्कार प्रदान करण्यात आला.

30 मे रोजी देशाच्या आणि जगाच्या इतिहासामध्ये घडलेल्या महत्त्वपूर्ण घटना

• 1574 : हेन्री (तृतीय) फ्रान्सचा राजा झाला.
• 1631 : पहिले फ्रेंच वृत्तपत्र, गॅझेट डी फ्रान्स प्रकाशित झाले.
• 1858 : झाशीची राणी लक्ष्मीबाई यांनी तात्याटोपेच्या मदतीने ग्वाल्हेरवर आक्रमण केले.
• 1919 : जालियनवाला बाग हत्याकांडाच्या निषेधार्थ रवींद्रनाथ टागोरांनी सर ही पदवी परत केली.
• 1922 : वॉशिंग्टन डीसीमध्ये लिंकन मेमोरियल समर्पित करण्यात आले.
• 1934 : मुंबई नभोवाणी केंद्राची सुरुवात.
• 1942 : दुसरे महायुद्ध – इंग्लंडच्या 1000 विमानांनी जर्मनीतील कोलोन शहरावर तुफानी बॉम्बहल्ला केला.
• 1974 : एअरबस ए-300 विमान सेवेत दाखल.
• 1975 : युरोपियन स्पेस एजन्सीची स्थापना झाली.
• 1987 : गोव्याला राज्याचा दर्जा मिळाला.
• 1993 : पु. ल. देशपांडे यांना त्रिदल’ संस्थेच्या वतीने पुण्यभूषण पुरस्कार प्रदान.
• 1998 : अफगाणिस्तान मधील 6.5 मेगावॅट क्षमतील भूकंपात 4000 ते 4500 लोक ठार झाले.

राजकीय बातम्या वाचण्यासाठी क्लिक करा 

30 मे रोजी जन्म दिनविशेष

• 1894 : इतिहासकार डॉ. पांडुरंग सखाराम पिसुर्लेकर  यांचा जन्म. (मृत्यू : 10 जुलै 1969)
• 1916 : अत्यंत लोकप्रिय व प्रतिभावान चित्रकार दीनानाथ दलाल यांचा जन्म. (मृत्यू : 15 जानेवारी 1971 – मुंबई)
• 1947 : ‘पुडुचेरीचे 10 वे मुख्यमंत्री व्ही. नारायणसामी यांचा जन्म झाला.
• 1949 : इंग्लिश जलदगती गोलंदाज बॉब विलीस यांचा जन्म.
• 1950 :  अभिनेते परेश रावल यांचा जन्म.
• 1983 : भारतीय अभिनेता, विनोदकार, दूरचित्रवाणी प्रस्तुतकर्ता आणि निर्माता अभिषेक शर्मा उर्फ ‘कृष्णा अभिषेक’ यांचा जन्म.

नवराष्ट्र विशेष लेख वाचण्यासाठी क्लिक करा 

30 मे रोजी मृत्यू दिनविशेष

• 1574 : फ्रान्सचा राजा चार्ल्स (नववा) यांचे निधन. (जन्म : 27 जून 1550)
• 1778 : ‘व्होल्टेअर’ – फ्रेन्च तत्त्वज्ञ व लेखक यांचे निधन. (जन्म : 21 नोव्हेंबर 1694)
• 1912 : ‘विल्बर राईट’ – आपला भाऊ ऑर्व्हिल राईट याच्यासह इंजिनाच्या विमानाचा शोध लावणारे अमेरिकन अभियंते यांचे निधन. (जन्म : 16 एप्रिल 1867)
• 1941 : थायलँडचा राजा प्रजाधिपोक ऊर्फ राम (सातवा) यांचे निधन. (जन्म : 8 नोव्हेंबर 1893)
• 1950 : प्राच्यविद्या संशोधक दत्तात्रय रामकृष्ण भांडारकर यांचे निधन.
• 1955 : भारतातील संघटित कामगार चळवळीचे जनक नारायण मल्हार जोशी यांचे निधन. (जन्म : 5 जून 1879)
• 1968 : ‘सावळाराम लक्ष्मण हळदणकर’ – चित्रकार यांचे निधन. (जन्म : 25 नोव्हेंबर 1882)
• 1981 : बांगलादेशचे 7 वे राष्ट्राध्यक्ष झिया उर रहमान यांची हत्या. (जन्म : 19 जानेवारी 1936)
• 1989 : शिख संतकवी दर्शनसिंहजी महाराज यांचे निधन. (जन्म : 14 सप्टेंबर 1921)
• 1989 : भारतीय राजकारणी आणि उत्तर प्रदेशचे 14 वे मुख्यमंत्री वीर बहादूर सिंग यांचे निधन.
• 2007 : भारतीय कवी आणि समीक्षक गुंटूर सेशंदर शर्मा यांचे निधन. (जन्म : 20 ऑक्टोबर 1927)