Sangali Politics: उद्धव ठाकरेंच्या बडा नेता शिंदेंच्या गळाला; सांगलीत राजकीय वर्तुळात घडामोडींना वेग

गेल्या वर्षी झालेल्या लोकसभा निवडणुकीत सांगली मतदारसंघासाठी उद्धव ठाकरे यांनी काँग्रेससोबत संघर्ष करून चंद्रहार पाटील यांना उमेदवारी मिळवून दिली होती.

उद्धव ठाकरे आणि एकनाथ शिंदे यांच्या पक्षाच्या धनुष्यबाणाची लढाई आणखी लांबणीवर

Follow Us:

Follow Us:

Sangali Politics: विधानसभा निवडणुकीनंतर उद्धव ठाकरे यांच्या नेतृत्वाखालील शिवसेनेला लागलेली गळती थांबण्याचे नाव घेत नाही. आता सांगलीमधील शिवसेना नेते चंद्रहार पाटील हेदेखील उद्धव ठाकरेंची साथा सोडणार असल्याचे जवळपास निश्चित झाल्याचे सांगितले जात आहे. सांगली येथे झालेल्या एका कार्यक्रमात चंद्रहार पाटील यांनी मंत्री उदय सामंत यांची भेट घेतली आणि त्यांचा सत्कार केला. यानंतरच त्यांच्या एकनाथ शिंदे गटात प्रवेश करण्याच्या चर्चांना उधाण आले आहे.

उदय सामंत यांनी या भेटीनंतर म्हटले, “चंद्रहार पाटील यांनी आमच्या गळ्यात हार घातला, आता एकनाथ शिंदे त्यांच्या गळ्यात हार कधी घालायचा हे त्यांनी ठरवायचं आहे.” सामंतांच्या या वक्तव्यामुळे चंद्रहार पाटील लवकरच शिंदे गटात दाखल होणार, अशी जोरदार चर्चा रंगली आहे. विशेष म्हणजे, गेल्या वर्षी झालेल्या लोकसभा निवडणुकीत सांगली मतदारसंघासाठी उद्धव ठाकरे यांनी काँग्रेससोबत संघर्ष करून चंद्रहार पाटील यांना उमेदवारी मिळवून दिली होती. मात्र आता हेच चंद्रहार पाटील ठाकरे गट सोडणार असल्याचे निश्चित मानले जाऊ लागले आहे.

Todays Gold-Silver Price: सोन्याच्या दरात पुन्हा झाली घसरण, चांदीच्या किंमतही नरमल्या! जाणून घ्या आजचे भाव

उद्धव ठाकरे गटाचे नेते चंद्रहार पाटील यांनी गुरुवारी सांगली जिल्ह्यातील विटा येथे राज्याचे मंत्री उदय सामंत यांची भेट घेतली. या भेटीत त्यांनी सामंत यांना चांदीची गदा भेट दिली आणि त्यांचा यथोचित सत्कार केला. या भेटीमुळे राजकीय वर्तुळात पुन्हा एकदा चर्चांना उधाण आले आहे की, चंद्रहार पाटील लवकरच उद्धव ठाकरे गटाचा राजीनामा देऊन एकनाथ शिंदे यांच्या शिवसेनेत प्रवेश करणार का? उदय सामंत यांच्या उपस्थितीत झालेल्या या बैठकीनंतर या चर्चांना आणखी बळ मिळाले आहे. याआधीही चंद्रहार पाटील यांच्या संभाव्य पक्षांतराबाबत चर्चा सुरू होती, आणि आता घडलेल्या घडामोडींमुळे त्या चर्चांना नवसंजीवनी मिळाल्याचे बोलले जात आहे.

डबल महाराष्ट्र केसरी आणि उद्धव ठाकरे गटाचे नेते चंद्रहार पाटील यांचा एकनाथ शिंदे यांच्या नेतृत्वाखालील शिवसेना गटात प्रवेश आता जवळपास निश्चित मानला जात आहे. सांगलीच्या भाळवणी येथे उद्योग मंत्री उदय सामंत यांच्या उपस्थितीत चंद्रहार पाटील यांनी एक महत्त्वपूर्ण बैठक आयोजित केली. या बैठकीत पाटील यांनी मंत्री सामंत यांचा चांदीची गदा देऊन सत्कार केला, ज्यामुळे त्यांच्या संभाव्य पक्षांतराच्या चर्चांना आणखी बळ मिळाले आहे. राजकीय वर्तुळात यानंतर जोरदार चर्चा सुरू असून, चंद्रहार पाटील लवकरच शिंदे गटात औपचारिक प्रवेश करतील, अशी शक्यता वर्तवली जात आहे.

शिवसेना (उद्धव बाळासाहेब ठाकरे) गटाचे लोकसभा निवडणुकीतील उमेदवार राहिलेले पैलवान चंद्रहार पाटील हे सध्या राजकीय चर्चेच्या केंद्रस्थानी आहेत. काही दिवसांपासून पाटील हे उद्धव ठाकरे यांची साथ सोडून एकनाथ शिंदे यांच्या नेतृत्वाखालील शिवसेना गटात प्रवेश करणार असल्याच्या चर्चा सुरू आहेत. या पार्श्वभूमीवर चंद्रहार पाटील यांच्या मूळगाव भाळवणी येथे उद्योग मंत्री उदय सामंत यांच्या उपस्थितीत झालेला कार्यक्रम विशेष लक्षवेधी ठरला. या कार्यक्रमातून चंद्रहार पाटील लवकरच शिंदे गटात प्रवेश करतील, अशी शक्यता राजकीय वर्तुळात व्यक्त केली जात आहे. चंद्रहार पाटील यांच्या या हालचाली उद्धव ठाकरे गटासाठी मोठा धक्का ठरू शकतात, असे निरीक्षणही काही विश्लेषक व्यक्त करत आहेत.

Web Title: Uddhav thackerays big leader from sangli will join eknath shindes shiv sena

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com