मुंबई-पुणे दरम्यान धावणारी ‘डेक्कन क्वीन’ ९६व्या वर्षांत करणार पदार्पण, जाणून घ्या ट्रेनचा इतिहास

1 जून 1930 साली मुंबईहून पुण्यात जाण्यासाठी डेक्कन क्वीन रेल्वे सुरु करण्यात आली होती. त्यावेळी ही रेल्वे गाडी ‘ग्रेट इंडियन पेनिन्सुला रेल्वे’ (जीआयपीआर) मार्गावर धावत होती. ये रेल्वे गाडीमुळे मुंबईसह पुण्यातील लोक दररोज कामानिमित्त सुखाचा प्रवास करतात. दोन शहरांमधील प्रवासाचे अंतर कमी करण्यासाठी डेक्कन क्वीन रेल्वे सुरु करण्यात आली होती. दोन महत्वाच्या शहरांना जोडणारी पहिली डिलक्स ट्रेन असल्यामुळे तिला ‘डेक्कन क्वीन’ असे नाव देण्यात आले होते. चला तर जाणून घ्या डेक्कन क्वीनचा ९५ वर्षांचा इतिहास.

कशी होती पहिली गाडी?

1 जून 1930 ला सुरु करण्यात आलेली पहिली गाडी ७ डब्यांची होती. रेल्वे प्रत्येकी 7 डब्यांच्या 2 रेकसह चालवण्यात आली होती. ज्यातील एक स्कार्लेट मोल्डिंगसह चंदेरी आणि दुसरी सोनेरी रेषांसह रॉयल ब्लू रंगाने रंगवण्यात आले होते. मूळ रेकच्या डब्यांच्या अंडर फ्रेम्सची बांधणी इंग्लंमध्ये करण्यात आली होती. तर या गाडीचा कोच बॉडी जीआयपी रेल्वेच्या माटुंगा वर्कशॉपमध्ये तयार करण्यात आला होता. 1930 पासून ते आत्तापर्यंत ही गाडी नागरिकांच्या सुखकर प्रवासासाठी मुंबई पुणे अशी नियमित चालवली जात आहे.

Dinvishesh : पु. ल. देशपांडे यांना पुण्यभूषण पुरस्काराने केले गौरवांकित; जाणून घ्या 30 मे चा इतिहास

काय आहे डेक्कन क्वीनचे वैशिष्ट्य?

भारतामध्ये तयार करण्यात आलेली एकमेव गाडी म्हणजे ज्यात डायनिंग कार आहे. डायनिंग कार म्हणजे चालत्या गाडीमध्ये बसून प्रवाशांच्या खाण्याची सोय. डेक्कन क्वीनला दख्खनची राणी असे सुद्धा म्हंटले जाते. ही गाडी नियमित पुणे स्टेशनवरून सकाळी 7.15 वाजता निघते आणि 10 वाजून 20 मिनिटांनी छत्रपती शिवाजी महाराज टर्मिनसला पोहचते. डेक्कन क्वीन गाडी रुळावर धावला लागली की आजूबाजूच्या अनेक गाड्या उभ्या करून ठेवल्या जातात, असे अनेक प्रवाशांनी सांगितले आहे.

संबंधित बातम्या