Veer Savarkar Sports complex
केंद्रीय गृहमंत्री अमित शाह यांच्या हस्ते झाले होते लोकार्पण
गुजरात सरकार आणि केंद्र सरकारच्या संयुक्त सहकार्यातून साकारलेल्या या भव्य स्पोर्ट्स कॉम्प्लेक्सचे लोकार्पण गेल्या वर्षी १४ सप्टेंबर रोजी केंद्रीय गृहमंत्री अमित शाह यांच्या हस्ते पार पडले होते. क्रीडा क्षेत्राला प्रोत्साहन देणे आणि जागतिक दर्जाच्या पायाभूत सुविधा निर्माण करणे हा या प्रकल्पाचा मुख्य उद्देश आहे. भारत सरकार आणि गुजरात प्रशासनाकडून अहमदाबादला जागतिक क्रीडा हब (Sports Hub) बनवण्यासाठी वेगाने पावले उचलली जात आहेत.
Asian Games 2026: बांग्लादेशला ‘हुतुतू’ समजेना! भारतीय कबड्डी संघाचा दणदणीत विजय
खेळाडू आणि प्रशिक्षकांसाठी जागतिक दर्जाच्या सुविधा
या स्पोर्ट्स कॉम्प्लेक्समध्ये खेळाडू तसेच प्रशिक्षकांच्या सर्वांगीण विकासासाठी आंतरराष्ट्रीय स्तरावरील ट्रेनिंग सुविधा, अत्याधुनिक फिटनेस सेंटर आणि प्रगत वैद्यकीय सुविधा उपलब्ध करून देण्यात आल्या आहेत. याव्यतिरिक्त, येथे येणाऱ्या खेळाडू आणि प्रशिक्षकांसाठी संकुलाच्या आवारातच राहण्याची उत्तम व्यवस्था करण्यात आली आहे.
वाघिणी जिंकल्या आता वाघ सज्ज! Asian Games 2026 मध्ये टीम इंडिया ‘या’ दिवशी उतरणार मैदानात
अहमदाबादच्या नारनपुरा येथील वीर सावरकर स्पोर्ट्स कॉम्प्लेक्स तब्बल १.१९ लाख चौरस मीटर क्षेत्रफळात विस्तारले असून, येथे १८ विविध खेळांसाठी भव्य इनडोअर आणि आऊटडोअर सुविधा उपलब्ध करून देण्यात आल्या आहेत. यामध्ये जलतरण (स्विमिंग), टेनिस, बॅडमिंटन, नेमबाजी (शूटिंग), कुस्ती आणि जिमनास्टिक्स यांसारख्या प्रमुख खेळांचा समावेश आहे. अहमदाबाद आता जागतिक क्रीडा नकाशावर आपले वर्चस्व प्रस्थापित करण्यासाठी सज्ज झाले आहे. अहमदाबादमध्ये २०३० मध्ये होणाऱ्या कॉमनवेल्थ गेम्स (राष्ट्रकुल क्रीडा स्पर्धा) चे आयोजन केले जाणार आहे. अहमदाबादमध्ये होणाऱ्या या भव्य खेळांच्या आयोजनामुळे भारतीय खेळाडूंना मायदेशातच आंतरराष्ट्रीय व्यासपीठ मिळणार असून, भारताच्या क्रीडा क्षेत्रासाठी हा एक ऐतिहासिक टप्पा असणार आहे.
.png "Videos"){kind=small}
