IND vs SA: चौथ्या टी-२० सामन्यापूर्वी भारतीय संघाला मोठा झटका! ‘हा’ ऑलराऊंडर खेळाडू संघातून बाहेर! ‘या’ खेळाडूचे नशीब फळफळले

IND vs SA 4th T20I: टीम इंडिया दक्षिण आफ्रिकेविरुद्ध पाच सामन्यांची टी-२० मालिका खेळत आहे. तिसऱ्या सामन्यानंतर टीम इंडियाला मोठा धक्का बसला. एका सुपरस्टार खेळाडूला आता मालिकेतून बाहेर काढण्यात आले आहे.

 

 

• दक्षिण आफ्रिका टी-२० मालिकेसाठी टीम इंडियात मोठा बदल
• ‘हा’ ऑलराऊंडर खेळाडू संघातून बाहेर
• पाहा अपडेटेड स्क्वॉड

IND vs SA 4th T20I: भारत आणि दक्षिण आफ्रिका (IND vs SA) यांच्यात सध्या पाच सामन्यांची टी-२० मालिका खेळली जात आहे, ज्यात भारत २-१ ने आघाडीवर आहे. मालिकेतील चौथा सामना बुधवारी लखनऊ येथील इकाना क्रिकेट स्टेडियममध्ये आयोजित केला जाईल. मात्र, या चौथ्या सामन्यापूर्वी भारतीय संघाला (Team India) मोठा धक्का बसला आहे.

अक्षर पटेल बाहेर

स्पिन ऑलराऊंडर अक्षर पटेल आजारपणामुळे मालिकेतील उर्वरित दोन सामन्यांतून बाहेर पडला आहे. तब्येत खराब असल्यामुळे तो रविवारी धर्मशाला येथे झालेल्या तिसऱ्या सामन्यातही खेळू शकला नव्हता. त्यामुळे, ३१ वर्षीय स्पिन ऑलराऊंडर शाहबाज अहमदचे नशीब फळफळले आहे. भारतीय क्रिकेट नियामक मंडळाने (BCCI) अक्षरच्या जागी शाहबाज अहमदला संघात सामील केले आहे.

See more

🚨 NEWS 🚨#TeamIndia allrounder, Axar Patel has been ruled out of the remaining two @IDFCFIRSTBank T20Is against South Africa due to illness. 🔽 Details | #INDvSA | @akshar2026 https://t.co/CZja7iaLNm — BCCI (@BCCI) December 15, 2025

हे देखील वाचा: IND vs SA T20 Series : जसप्रीत बुमराह उर्वरित दोन सामने खेळणार की नाही? BCCI ने दिली मोठी अपडेट, वाचा सविस्तर

BCCI ने दिले स्पष्टीकरण

बीसीसीआयने सोमवारी एका निवेदनात म्हटले आहे, “टीम इंडियाचा ऑलराऊंडर अक्षर पटेल हा आजारामुळे दक्षिण आफ्रिकेविरुद्धच्या उर्वरित दोन टी-२० सामन्यांतून बाहेर झाला आहे. मात्र, तो लखनऊमध्ये टीमसोबत आहे, जिथे त्याचे पुढील वैद्यकीय मूल्यांकन केले जाईल.”

शाहबाजचे दोन वर्षांनी भारतीय संघात पुनरागमन

पुरुषांच्या निवड समितीने लखनऊ आणि अहमदाबाद येथे होणाऱ्या टी-२० आंतरराष्ट्रीय सामन्यांसाठी शाहबाज अहमदला त्याच्या जागी संघात घेतले आहे. शाहबाजचे जवळपास दोन वर्षांनी भारतीय संघात पुनरागमन झाले आहे. त्याने भारतासाठी शेवटचा सामना ऑक्टोबर २०२३ मध्ये खेळला होता. शाहबाजने आतापर्यंत ३ एकदिवसीय आणि २ टी२० आंतरराष्ट्रीय सामने खेळले आहेत.

वाचा भारतीय संघाचा अपडेटेड स्क्वॉड

सूर्यकुमार यादव (कर्णधार), शुभमन गिल (उपकर्णधार), अभिषेक शर्मा, तिलक वर्मा, हार्दिक पांड्या, शिवम दुबे, जितेश शर्मा (यष्टीरक्षक), संजू सॅमसन (यष्टीरक्षक), जसप्रीत बुमराह, वरुण चक्रवर्ती, अर्शदीप सिंग, कुलदीप यादव, हर्षित राणा, वॉशिंग्टन सुंदर, शाहबाज अहमद

हे देखील वाचा: IND vs SA : मी फॉर्ममध्ये नाहीये असं वाटतय… विजयानंतर सूर्यकुमार यादवने सांगितले त्याच्या खराब फॉर्मबद्दल