फोटो सौजन्य - England's Barmy Army सोशल मीडिया
जोस बटलर पत्रकार परिषद : इंग्लंड विरुद्ध अफगाणीस्तान यांच्यामध्ये काल सामना पार पडला. अफगाणिस्तानकडून पराभव झाल्यानंतर, इंग्लंडचा चॅम्पियन्स ट्रॉफी २०२५ मधील प्रवास संपला आहे. कारण पहिल्या सामन्यांमध्ये इंग्लंडच्या संघाला ऑस्ट्रेलियाविरुद्ध पराभव स्वीकारावा लागला होता. तर दुसऱ्या सामन्यात अफगाणिस्तानच्या संघाने पराभूत केले. आयसीसी स्पर्धेत अफगाणिस्तानने पुन्हा एकदा इंग्लंडवर खोल जखमा केल्या आहेत. यापूर्वी, अफगाणिस्तान संघाने २०२३ च्या एकदिवसीय विश्वचषकातही इंग्लंडला पराभूत केले होते. त्यामुळे आता ग्रुप बी मधील गुणतालिकेचे गणित फारच मनोरंजक झाले आहे.
Champions Trophy 2025 मध्ये इब्राहिम जादरानने इतिहास रचण्यानंतर सांगितले, उघड केले यशाचे रहस्य
कालच्या सामन्यानंतर अफगाणिस्तानविरुद्ध झालेल्या पराभवानंतर इंग्लंड संघाचा कर्णधार जोस बटलर खूप निराश दिसत होता आणि त्याने झालेल्या पत्रकार परिषदेमध्ये त्याच्या कर्णधारपदाबद्दल एक मोठे विधानही केले.
चॅम्पियन्स ट्रॉफीमध्ये अफगाणिस्तानकडून झालेल्या पराभवानंतर इंग्लंडचा कर्णधार जोस बटलर आपल्या कर्णधारपदाबद्दल म्हणाला, “मला सध्या कोणतेही भावनिक विधान करायचे नाही. याबद्दल आत्ताच काहीही सांगणे कठीण आहे पण भविष्यात आपल्याला सर्व शक्यतांचा विचार करावा लागेल. मला कर्णधारपदाचा खूप आनंद मिळाला आहे. काही लोक म्हणतात की ते माझ्यासाठी नाही पण मला कर्णधारपद आवडते आणि म्हणून ते करत आहे.”
“I don’t want to say any emotional statements now, but I think for myself and the guys at the top, we should consider all possibilities.”
– Jos Buttler pic.twitter.com/qGdcJjDCi4
— England’s Barmy Army 🏴🎺 (@TheBarmyArmy) February 26, 2025
अफगाणिस्तानने इंग्लंडसमोर सामना जिंकण्यासाठी ३२६ धावांचे लक्ष्य ठेवले होते. ज्याला उत्तर देताना इंग्लंड संघ फक्त ३१७ धावा करू शकला. जोस बटलर पुन्हा एकदा फलंदाजीत अपयशी ठरला. या सामन्यात फलंदाजी करताना बटलरने ४२ चेंडूंचा सामना करत ३८ धावा केल्या. या स्पर्धेत इंग्लंडचा हा सलग दुसरा पराभव होता. यापूर्वी ऑस्ट्रेलियाविरुद्ध खेळल्या गेलेल्या सामन्यातही इंग्लिश संघाला पराभवाचा सामना करावा लागला होता. सलग दोन पराभवांसह, इंग्लंड संघ आता चॅम्पियन्स ट्रॉफीमधून बाहेर पडला आहे.
𝐀𝐅𝐆𝐇𝐀𝐍𝐈𝐒𝐓𝐀𝐍 𝐁𝐄𝐀𝐓 𝐄𝐍𝐆𝐋𝐀𝐍𝐃! 🙌
Afghanistan has successfully defended their total and defeated England by 8 runs to register their first-ever victory in the ICC Champions Trophy. 🤩
This marks Afghanistan’s second consecutive victory over England in ICC… pic.twitter.com/wHfxnuZiPc
— Afghanistan Cricket Board (@ACBofficials) February 26, 2025
इंग्लंडचा पुढील सामना दक्षिण आफ्रिकेविरुद्ध होणार आहे. इंग्लडचा शेवटचा चॅम्पियन ट्रॉफीचा सामना १ मार्च रोजी खेळवला जाणार आहे. तर अफगाणिस्तानचा पुढील सामना ऑस्ट्रेलिया विरुद्ध होणार आहे. ऑस्ट्रेलिया विरुद्ध अफगाणिस्तान यांच्यामध्ये होणारा सामना दोन्ही संघासाठी करो या मरो की स्थिती असणार आहे. या सामन्यांमध्ये जो संघ विजयी होईल तो संघ ४ गुणांसह सेमीफायनलमध्ये प्रवेश करणार आहे.
.png "Videos"){kind=small}
