पॅरा खेळाडूंची पॅरिस पॅरालिम्पिकमध्ये अद्भूत कामगिरी! टोकियोमधील मेडलचा रेकॉर्ड मोडला

टोकियोमध्ये भारताने १९ पदकांची कमाई केली होती. १९ मेडलसह भारत मेडल टॅलीमध्ये २६ व्या क्रमांकावर राहिला होता. यंदा पॅरिस पॅरालिम्पिकच्या सुरुवातीच्या दिनापासून भारताने दमदार कामगिरी करत टोकियोमधील मेडल टॅलीचा रेकॉर्ड मोडला आहे. पॅरिस पॅरालिम्पिकमध्ये भारताने सात दिवसात 24 पदकांची कमाई केली आहे.

फोटो सौजन्य - सोशल मिडीया

Follow Us:

Follow Us:

पॅरिस पॅरालिम्पिक २०२४ : पॅरिस पॅरालिम्पिकमध्ये भारताचे पॅरा खेळाडू दमदार कामगिरी करत आहेत. भारताने पॅरालिम्पिकमध्ये सर्वाधीक पदक टोकियो पॅरालिम्पिक २०२० मध्ये जिंकली होती. त्याआधी भारताने १० चा आकडा सुद्धा कधी पार केला नव्हता. यंदा पॅरिसमध्ये भारताने सर्वाधिक ८४ पॅरा खेळाडूंची तुकडी पाठवली होती. यामध्ये अनेक दिग्गज खेळाडूंचा सहभाग होता. टोकियो पॅरालिम्पिक २०२४ मध्ये भारताने ५ सुवर्ण, ८ रौम्य आणि ६ कांस्यपदक नावावर केले होते. टोकियोमध्ये भारताने १९ पदकांची कमाई केली होती. १९ मेडलसह भारत मेडल टॅलीमध्ये २६ व्या क्रमांकावर राहिला होता. यंदा पॅरिस पॅरालिम्पिकच्या सुरुवातीच्या दिनापासून भारताने दमदार कामगिरी करत टोकियोमधील मेडल टॅलीचा रेकॉर्ड मोडला आहे.

पाहा भारताने केलेली पॅरिस पॅरालिम्पिकमध्ये कामगिरी

भारताच्या पॅरा खेळाडूंनी सुवर्ण पदकापासून ओपनिंग केली होती. पॅरा शूटिंग भारताची पॅरा शुटर अवनी लेखाराने दमदार कामगिरी करत दुसरे सुवर्ण पदक मिळवले. त्याचबरोबर मोना अग्रवालने कांस्यपदकावर नाव कोरल. नितेश कुमारने अंतिम सामन्यामध्ये अविश्वनीय कामगिरी करत ग्रेट ब्रिटनच्या बॅडमिंटनपटूला पराभूत करून ऐतिहासिक विजय मिळवला. सुहास यथिराजने त्याचे पॅरालिम्पिकमधील दुसरे सिल्वर मेडल मिळवले. भारताच्या युवा पॅरा बॅडमिंटनपटू तुलसीमथी मुरुगेसन आणि मनीषा रामदास यांनी कमालीची कामगिरी करत, सिल्वर आणि ब्रॉन्झ मेडल नावावर केले.

WE HAVE NOW ACTUALLY SURPASSED TOKYO 🇮🇳 India at Tokyo 2020 – 19 Medals
– 5 GOLD 🥇8 SILVER 🥈6 BRONZE 🥉 India at Paris 2024 – 24 medals Till Now
– 5 GOLD 🥇9 SILVER 🥈10 BRONZE 🥉 pic.twitter.com/iKjMiQIJQw — The Khel India (@TheKhelIndia) September 4, 2024

भारताने पॅरिस पॅरालिम्पिकमध्ये सर्वात मोठी तुकडी ॲथलेटिक्सची पाठवली होती. यामध्ये भारताच्या ॲथलेटिक्सने दमदार कामगिरी करत भारताचा तिरंगा पॅरिसमध्ये फडकवला आहे. मेन्स क्लब थ्रोमध्ये भारताने दोन मेडल मिळवले आहे. धरमबिर आणि प्रणव सुरमा यांनी दोन पदक नावावर केले आहेत, तर गोळाफेकमध्ये भारताचा सचिन खिलारीने भारताला ऐतिहासिक ४० वर्षानंतर मेडल मिळवून दिले. निषाद कुमार आणि योगेश कुथिनिया यांनी त्यांचे पॅरालिम्पिकमधील दुसरे सिल्वर मेडल जिंकले. त्याचबरोबर भारताची स्टार तिरंदाजांची जोडीनं शीतल देवी आणि राकेश कुमार यांनी भारताला पॅरिसमध्ये आर्चरीमधून कांस्यपदक मिळवून दिले, तर भारताचा स्टार तिरंदाज हरविंदरने तर कमालचं केली. त्याने दमदार कामगिरी करून भारताला आर्चरीमधून पहिले सुवर्ण पदक मिळवून दिले आणि इतिहास रचला.

पॅरा पॅरालिम्पिक 2024 मध्ये भारताचे मेडालिस्ट

• पॅरा शुटिंग – गोल्ड मेडल – अवनी लेखारा
• पॅरा बॅडमिंटन – गोल्ड मेडल – नितेश कुमार
• पॅरा मेन्स क्लब थ्रो – गोल्ड मेडल – धरमबिर
• पॅरा भालाफेक – सुमित अंतील – गोल्ड मेडल
• पॅरा आर्चरी – हविंदर सिंह – गोल्ड मेडल
• पॅरा उंच उडी – निषाद कुमार – सिल्वर मेडल
• पॅरा उंच उडी – शरद कुमार – सिल्वर मेडल
• पॅरा बॅडमिंटन – सुहास यथिराज – सिल्वर मेडल
• पॅरा मेन्स डिस्कस थ्रो – योगेश कथुनिया – सिल्वर मेडल
• पॅरा शुटिंग – मनीष नरवाल – सिल्वर मेडल
• पॅरा महिला बॅडमिंटन – तुलसीमाथी मुरुगेसन – सिल्वर मेडल
• पॅरा भालाफेक – अजित सिंह – सिल्वर मेडल
• पॅरा गोलाफेक – सचिन सर्जेराव खीलारी – सिल्वर मेडल
• पॅरा मेन्स क्लब थ्रो – प्रणव सुरमा – सिल्वर मेडल
• पॅरा शुटिंग – मोना अगरवाल – कांस्यपदक
• पॅरा १०० मी धावणे – प्रीती पाल – कांस्यपदक
• पॅरा २०० मी धावणे – प्रीती पाल – कांस्यपदक
• पॅरा शुटिंग – रुबिना फ्रान्सिस – कांस्यपदक
• पॅरा बॅडमिंटन – मनिषा रामदास – कांस्यपदक
• पॅरा आर्चरी मिक्स टीम – शीतल देवी/राकेश कुमार – कांस्यपदक
• पॅरा बॅडमिंटन – नित्या श्री सिवन – कांस्यपदक
• पॅरा ४०० मी धावणे – दिपथी जीवंजी – कांस्यपदक
• पॅरा उंच उडी – मरियप्पन थांगावेलू – कांस्यपदक
• पॅरा भालाफेक – सुंदर सिंह गुजर – कांस्यपदक

Web Title: Amazing performance of para athletes in paris paralympics the medal record in tokyo was broken

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com