Andre Russell IPL Retirement : आंद्रे रसेलने केला आयपीएलला रामराम! सर्वांना आश्चर्यचकित केलं…दिसणार नव्या भूमिकेत

कोलकाता नाईट रायडर्सच्या कोअर टीमचा भाग मानला जाणारा वेस्ट इंडिजचा अष्टपैलू खेळाडू आंद्रे रसेलने आयपीएलमधून निवृत्तीची घोषणा केली आहे. त्याच्या या निर्णयाने सर्वांना आश्चर्य वाटले आहे.

Andre Russell IPL retirement : आयपीएल 2025 मध्ये दिल्ली कॅपिटल्सकडून खेळणारा फाफ डुप्लेसी याने आयपीएलला रामराम केला आहे, त्यानंतर आता आयपीएल 2026 संदर्भात मोठी अपडेट समोर आली आहे. कोलकाता नाईट रायडर्सच्या संघाने आंद्रे रसेल याला रिलीज केल्यानंतर सर्वानाच धक्का बसला होता. कोलकाता नाईट रायडर्सच्या कोअर टीमचा भाग मानला जाणारा वेस्ट इंडिजचा अष्टपैलू खेळाडू आंद्रे रसेलने आयपीएलमधून निवृत्तीची घोषणा केली आहे. त्याच्या या निर्णयाने सर्वांना आश्चर्य वाटले आहे कारण रसेल अजूनही जगभरातील टी-२० लीगमध्ये धुमाकूळ घालत आहे. 

आयपीएल २०२६ च्या लिलावापूर्वी केकेआरने त्याला सोडल्यानंतर रसेलने हा निर्णय घेतला. रसेलने आयपीएलमधून खेळाडू म्हणून निवृत्ती घेतली आहे, परंतु निवृत्तीची बातमी जाहीर करताना त्याने असेही सांगितले आहे की तो पुढील हंगामात आयपीएलमध्ये सपोर्ट स्टाफ म्हणून दिसणार आहे. आंद्रे रसेलने जाहीर केले आहे की तो केकेआर सोडणार नाही आणि आयपीएल २०२६ पर्यंत कोलकाता नाईट रायडर्सच्या सपोर्ट स्टाफमध्ये राहील.

IND vs SA ODI Toss Update : दक्षिण आफ्रिकेने नाणेफेक जिंकले, करणार गोलंदाजी! वाचा दोन्ही संघाची Playing 11

निवृत्तीची घोषणा करताना आंद्रे रसेलने लिहिले, “आयपीएलमधून निवृत्त होत आहे… पण तो अहंकार नाही. आयपीएलमधील प्रवास किती छान होता, १२ हंगामांच्या आठवणी आणि केकेआर कुटुंबाकडून भरपूर प्रेम. मी जगभरातील इतर प्रत्येक लीगमध्ये षटकार मारत राहीन आणि विकेट घेत राहीन. आणि सर्वात चांगली गोष्ट म्हणजे? मी घर सोडत नाहीये… २०२६ मध्ये तुम्ही मला केकेआर सपोर्ट स्टाफमध्ये एका नवीन भूमिकेत, पॉवर कोच म्हणून पहाल. नवीन अध्याय. तीच ऊर्जा. नेहमीच एक नाइट.”

See more

Hanging up my IPL boots… but not the swagger 💜💛 What a ride it’s been in the IPL — 12 seasons of memories, and a whole lot of love from the @KKRiders family 🙏🏿 I’ll still be smashing sixes and taking wickets in every other league around the world 🌎🔥 And the best part?… pic.twitter.com/S5kU0YFRcR — Andre Russell (@Russell12A) November 30, 2025

आंद्रे रसेलने २०१२ मध्ये कोलकाता नाईट रायडर्सकडून नव्हे तर दिल्ली कॅपिटल्सकडून आयपीएल कारकिर्दीची सुरुवात केली. दिल्लीसोबत दोन हंगाम खेळल्यानंतर, तो २०१४ मध्ये केकेआरमध्ये सामील झाला आणि त्याच्या पदार्पणाच्या हंगामात संघाला जेतेपद मिळवून दिले. २०१४ पासून, तो २०२५ पर्यंत सलग १२ वर्षे कोलकाता संघासोबत राहिला. आंद्रे रसेलने आयपीएलमध्ये एकूण १४० सामने खेळले ज्यामध्ये त्याने २६५१ धावा केल्या आणि १२३ विकेट्स घेतल्या.