फिफा विश्वचषक २०२२ साठी अर्जेंटिनाच्या संघाची घोषणा

फिफा २०२२ विश्वचषकात अर्जेंटिनाच्या संघाचा सी ग्रुपमध्ये समावेश करण्यात आलाय. अर्जेंटिना व्यतिरिक्त या ग्रुपमध्ये साऊदी अरब, मॅक्सिको, पोलँड हे देश देखील आहेत. अर्जेंटिना २२ नोव्हेंबरला सौदी अरेबियाविरुद्धच्या सामन्यानं विश्वचषक मोहिमेची सुरुवात करेल.

Follow Us:

Follow Us:

दोन वेळा विश्वविजेता ठरलेल्या अर्जंटिनाने २० नोव्हेंबर पासून सुरु होणाऱ्या फिफा विश्वचषक २०२२ स्पर्धेसाठी आपला संघ जाहीर केला आहे. या स्पर्धेत ३५ वर्षीय लिओनेल मेस्सी अर्जेंटिना फुटबॉल संघाचं नेतृत्व करणार आहे. ही त्याची पाचवी विश्वचषक स्पर्धाअसून मेस्सीसह, एंजल डी मारिया आणि निकोलस ओटामेंडीसारख्या दिग्गज खेळाडूंसाठीही हा शेवटचा विश्वचषक ठरू शकतो. संघात निवडलेले सर्व खेळाडू दिग्गज युरोपियन फुटबॉल क्लबचा भाग आहेत.

अर्जेंटिनानं शेवटचा विश्वचषक १९७८ मध्ये जिंकला होता. या स्पर्धेतील अंतिम सामन्यात त्यांनी पश्चिम जर्मनीला पराभवाची धुळ चारली होती. तेव्हापासून म्हणजेच ४४ वर्षांपासून अर्जेंटिनाच्या संघाला विश्वचषक जिंकता आला नाही. दरम्यान, दोनदा अर्जेंटिनाचा संघ विजेतेपदाच्या अगदी जवळ पोहचला होता. मात्र अंतिम फेरीत त्यांना पराभव स्वीकारावा लागला होता. फिफा २०२२ विश्वचषकात अर्जेंटिनाच्या संघाचा सी ग्रुपमध्ये समावेश करण्यात आलाय. अर्जेंटिना व्यतिरिक्त या ग्रुपमध्ये साऊदी अरब, मॅक्सिको, पोलँड हे देश देखील आहेत. अर्जेंटिना २२ नोव्हेंबरला सौदी अरेबियाविरुद्धच्या सामन्यानं विश्वचषक मोहिमेची सुरुवात करेल.

#Qatar2022 Nuestro entrenador @lioscaloni dio a conocer la nómina de jugadores que nos representarán en esta nueva edición de la @FIFAWorldCup.

¡Con ustedes los elegidos! ?????#TodosJuntos ?? pic.twitter.com/qUeY2uygVv

— Selección Argentina ?? (@Argentina) November 11, 2022

अर्जेंटिनाचा संपूर्ण संघ : 

• गोलकीपर्स: एमिलियानो मार्टिनेझ, फ्रँको अरमानी, जेरोनिमो रुल्ली
• डिफेन्डर्स: गोन्झालो मॉन्टिएल, नहुएल मोलिना, जर्मन पाजेला, क्रिस्टियन रोमेरो, निकोलस ओटामेंडी, लिसांड्रोमार्टिनेझ, जुआन फॉयथ, निकोलस टेग्लियाफिको, मार्कोस अकुना.
• मिडफील्डर्स: लिएंड्रो परेदेझ, गुइडो रॉड्रिग्ज, एन्झो फर्नांडेझ, रॉड्रिगो डी पॉल, एक्सक्वेल पॅलासिओस, अलेजांद्रो गोमेझ, अॅलेक्सिस मॅक अॅलिस्टर.
• फॉरवर्ड्स: पाउलो डिबेला, लिओनेल मेस्सी, एंजल डी मारिया, निकोलस गोन्झालेझ, जोक्विन कोरिया, लॉटारो मार्टिनेझ, ज्युलियन अल्वारेझ.

Web Title: Argentina squad announced for fifa world cup 2022

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com