hands and feet itch: हातापायांच्या तळव्यांना कायमच खाज येते? जाणून घ्या त्यामागील कारणे आणि घरगुती उपाय
Hands Feet Itch: बऱ्याचदा कोणत्याही कारणाशिवाय झोपल्यानंतर किंवा इतर वेळी हातापायांच्या तळव्यांना खूप जास्त खाज सुटते. ही खाज काहीवेळा लगेच कमी होते तर काहीवेळा तासनतास तळव्यांना खाज येते. थंडीच्या दिवसांमध्ये प्रामुख्याने लालसरपणा, लहान पुरळ किंवा त्वचा सोलवटल्यासारखी दिसू लागते. वातावरणात होणारे बदल थेट शरीरावर दिसू लागतात. तसेच दैनंदिन आहारात खाल्लेल्या पदार्थांचा परिणाम सुद्धा आरोग्यावर दिसू लागतो. पण वारंवार येणाऱ्या खाजेकडे दुर्लक्ष न करता वेळीच योग्य ते उपचार करणे आवश्यक आहे. चला तर जाणून घेऊया थंडीच्या दिवसांमध्ये हातापायांना सतत खाज का येते आणि त्यावर कोणते घरगुती उपाय करावेत, याबद्दल सविस्तर माहिती.(फोटो सौजन्य – istock)
हात आणि पायांच्या तळव्यांची त्वचा कोरडी पडल्यानंतर खाज सुटण्याची जास्त शक्यता असते. वारंवार साबणाने हात धुणे, गरम पाण्याचा वापर करणे किंवा वारंवार केमिकल युक्त स्किन केअरचा वापर करणे इत्यादी अनेक गोष्टींच्या परिणामामुळे त्वचेमधील नैसर्गिक तेल कमी होते आणि त्वचा खूप जास्त कोरडी पडून जाते. त्वचेमधील नैसर्गिक ओलावा कमी झाल्यानंतर त्वचा ताणल्यासारखी होते आणि त्वचेला खाज येते.
नवीन साबण, हँडवॉश, डिटर्जंट, सॅनिटायझर, पायांना लावलेली क्रीम किंवा चपलांमुळे ॲलर्जी होण्याची शक्यता असते. याला कॉन्टॅक्ट डर्मटायटिस असतात. तळव्यांना खाज येण्यासोबत लालसरपणा, सूज किंवा लहान पुरळ इत्यादी लक्षणे दिसू लागतात. त्यामुळे हातापायांना वारंवार खाज येत असेल व्हॅसलिन किंवा खोबरेल तेलाचा वापर करावा.
बऱ्याचदा पायांच्या बोटांमधील जागा सतत ओलसर राहिल्यामुळे बुरशीजन्य संसर्ग होण्याची शक्यता असते. यामुळे बोटांमधील स्किन कोरडी पडते आणि त्वचेची साल जाऊ लागतात. पायांच्या तळव्यांना खाज, त्वचा सोलवटणे, भेगा पडणे किंवा जळजळ होऊन त्वचा ताणल्यासारखी वाटते. त्यामुळे कोणत्याही चपलांचा वापर करताना त्या पायाला सूट होतील का याची काळजी घ्यावी.
हाताच्या किंवा पायाच्या तळव्यांवर एक्झिमाचा होण्यास सुरुवात झाल्यानंतर दुर्लक्ष न करता वेळीच उपचार करावेत. लहान पाण्याने भरलेले फोड येणे, तीव्र खाज सुटणे आणि त्वचा कोरडी पडणे इत्यादी लक्षणे दिसू लागल्यानंतर डॉक्टरांच्या सल्ल्याने उपचार करावेत. डिशिड्रोटिक एक्झिमामध्ये तळव्यांवर लहान फोड येतात, ज्याच्या परिणामामुळे पायांना खूप जास्त खाज सुटण्याची शक्यता असते.
Ans: हातापायांच्या तळव्यांना खाज येण्यामागे त्वचेचा कोरडेपणा, अॅलर्जी, एक्झिमा, फंगल इन्फेक्शन, साबण किंवा केमिकल्सची प्रतिक्रिया अशी विविध कारणे असू शकतात.
Ans: हाताच्या तळव्यांना सतत खाज येत असल्यास कॉन्टॅक्ट डर्मेटायटिस, एक्झिमा किंवा त्वचेची अॅलर्जी कारणीभूत असू शकते. काही वेळा यकृताशी संबंधित समस्यांमुळेही खाज येऊ शकते.
Ans: पायांच्या तळव्यांना खाज येण्यामागे त्वचेचा कोरडेपणा, बुरशीजन्य संसर्ग, घामामुळे होणारी जळजळ किंवा अॅलर्जी ही कारणे असू शकतात.






