Ashes series 2025 : अ‍ॅशेसच्या लढाईपूर्वी इंग्लंडने खेळला पहिला डाव! ऑस्ट्रेलियाविरुद्ध भिडण्यासाठी संघ जाहीर

इंग्लंड आणि ऑस्ट्रेलिया यांच्यातील प्रतिष्ठित अ‍ॅशेस मालिका २१ नोव्हेंबरपासून सुरू होणार आहे. या अ‍ॅशेस मालिकेसाठी इंग्लंड संघाने १२ सदस्यीय संघ जाहीर केला आहे.

• इंग्लंड आणि ऑस्ट्रेलिया यांच्यातील अ‍ॅशेस मालिकेला २१ नोव्हेंबरपासून सुरुवात 
• २१ नोव्हेंबर रोजी पर्थमध्ये पहिला सामना खेळला जाणार
• इंग्लंडकडून अ‍ॅशेस मालिकेसाठी संघ जाहीर 

England squad announced for Ashes 2025 : इंग्लंड आणि ऑस्ट्रेलिया यांच्यातील प्रतिष्ठित अ‍ॅशेस मालिका सुरू होणार आहे. २१ नोव्हेंबर रोजी पर्थमध्ये पहिला सामना खेळला जाणार आहे. या हाय-व्होल्टेज स्पर्धेसाठी इंग्लंडकडून १२ सदस्यीय संघ जाहीर केला आहे. अष्टपैलू बेन स्टोक्स संघाचे नेतृत्व करेल आणि त्याने त्यांचा विजयी दुष्काळ संपवण्याच्या उद्देशाने संतुलित संघ निवडण्यात आला आहे.

या खेळाडूंचे पुनरागमन

या संघ जाहीर करण्याचे खास वैशिष्ट्ये म्हणजे  जोफ्रा आर्चर आणि मार्क वुड या दोन वेगवान गोलंदाजांचे कसोटी संघात पुनरागमन झाले आहे.  दुखापतीतून पूर्णपणे सावरल्यानंतर, या दोन वेगवान गोलंदाजांचा समावेश ऑस्ट्रेलियन फलंदाजांसाठी एक मोठे आव्हान असणार आहे. आर्चर त्याच्या अचूक लाईन आणि लेंथसह उसळत्या पर्थच्या खेळपट्टीचा आणि त्याच्या जबरदस्त वेगासह वूडचा फायदा घेण्याचा प्रयत्न करेल. तसेच, गस अ‍ॅटकिन्सन आणि ब्रायडन कार्स यांना वेगवान गोलंदाजीचे पर्याय म्हणून संघात स्थान देण्यात आले आहे.

हेही वाचा : IND VS SA 2nd Test : सुदर्शन, ज्युरेलचा खास सराव! सिंगल पॅड घालून गेले फिरकीला सामोरे; पर्यायी सत्रात दोघांनी गाळला घाम

फलंदाजी आणि फिरकी विभाग खालीलप्रमाणे

इंग्लंडच्या फलंदाजी संघात अनुभव आणि तरुणाईचा उत्साह यांचा मेळ साधण्यात आला आहे. जॅक क्रॉली आणि बेन डकेट डावाची सुरुवात करणार आहेत, तर जो रूट आणि ऑली पोप मधल्या फळीची धुरा सांभाळणार आहेत. तरुण आणि प्रतिभावान जेमी स्मिथला यष्टीरक्षक-फलंदाज म्हणून समाविष्ट केले गेले आहे. जो फलंदाजीत देखील आपले योगदान देऊ शकतो. फिरकी विभागात, संघाने तरुण ऑफ-स्पिनर शोएब बशीरवर विश्वास दाखवण्यात आला आहे.

१५ वर्षांचा विजयी दुष्काळ संपवण्याचे इंग्लंडसमोर लक्ष्य

इंग्लंड क्रिकेट संघासमोरील सर्वात मोठे आव्हान म्हणजे ऑस्ट्रेलियन भूमीवर अ‍ॅशेस कसोटी जिंकणे असणार आहे. संघाने २०११ मध्ये ऑस्ट्रेलियन भूमीवर शेवटचा कसोटी सामना जिंकता अल होता.  तेव्हापासून इंग्लंडला  सलग पराभवांना सामोरे जावे लागले आहे. ऑस्ट्रेलियाने गेल्या १० वर्षांपासून अ‍ॅशेस करंडक आपल्याकडे कायम राखला आहे. कर्णधार बेन स्टोक्स आणि प्रशिक्षक बेन स्टोक्स आक्रमक दृष्टिकोनाने, “बॅझबॉल” रणनीतीने हा दुष्काळ संपवून २०११ च्या यशाची पुनरावृत्ती करण्याची आशा बाळगून मैदानात उतरणार आहे.

हेही वाचा : बांगलादेशातील हिंसेचा भारतीय खेळाडूंना फटका! 10 तास ढाका विमानतळावर होते बसून

पहिल्या कसोटीसाठी इंग्लंडचा संघ खालीलप्रमाणे

बेन स्टोक्स (कर्णधार), जोफ्रा आर्चर, गस अ‍ॅटकिन्सन, शोएब बशीर, ब्रायडन कार्स, झॅक क्रॉली, बेन डकेट, ऑली पोप, जो रूट, जेमी स्मिथ, मार्क वूड.

संपूर्ण मालिकेचे वेळापत्रक

1. पहिली कसोटी: २१ नोव्हेंबर, पर्थ
2. दुसरी कसोटी: ४ डिसेंबर, गाबा, ब्रिस्बेन
3. तिसरी कसोटी: १७ डिसेंबर, अॅडलेड (दिवस-रात्र)
4. चौथी कसोटी: २६ डिसेंबर, मेलबर्न क्रिकेट ग्राउंड (एमसीजी)
5. पाचवी कसोटी: ४ जानेवारी, सिडनी क्रिकेट ग्राउंड (एससीजी)