भारतीय क्रिकेट संघ पोहचला उपांत्य फेरीत (फोटो सौजन्य - इन्स्टाग्राम)
कारोगी एथलेटिक पार्कमध्ये जेव्हा मॅच रेफ्रीने सामना रद्द झाल्याची घोषणा केली तेव्हा दोन्ही संघाचे कर्णधार एकमेकांना हात मिळवताना दिसून आले. याचा अर्थ आता अफगाणिस्तानचा प्रवास इथेच थांबला आहे आणि भारत आता गोल्ड मेडल मिळविण्याच्या शर्यतीत पुढे गेला आहे.
क्रिकेटच्या खेळात पावसामुळे सामना रद्द होणे हे अगदी सामान्य आहे. अशावेळी दोन्ही संघाचे मानांकन आणि गुण किती आहेत ते पडताळले जाते. पण पण बाद फेरीच्या सामन्यात निकाल निर्णायक असतो. म्हणूनच भारतीय संघ आपल्या उच्च मानांकनाच्या आधारावर उपांत्य फेरीसाठी पात्र ठरला. सध्याच्या ICC मानांकनानुसार, भारत जगातील अव्वल टी-२० संघ आहे, तर अफगाणिस्तान १० व्या क्रमांकावर आहे.
जपानमध्ये सततच्या पावसामुळे अनेक खेळांमध्ये व्यत्यय येत आहे. क्रिकेटला याचा विशेष फटका बसला आहे. ओल्या मैदानांमुळे सामने पुढे ढकलले जात आहेत. भारताच्या सामन्यापूर्वीही निशिनमध्ये मुसळधार पाऊस झाला. सामन्यापूर्वी आकाश ढगाळ झाल्यामुळे अधिकाऱ्यांना सामना रद्द करावा लागला. परिणामी, आपल्या श्रेष्ठ मानांकनाच्या आधारावर भारताने उपांत्य फेरीत प्रवेश केला.
या आशियाई क्रिडा स्पर्धेत सुवर्णपदक जिंकण्यासाठी भारतीय संघ एक प्रबळ दावेदार आहे. गेल्या आशियाई क्रीडा स्पर्धेतही भारताने सुवर्णपदक जिंकले होते. भारतीय महिला संघाने यापूर्वीच सुवर्णपदक पटकावले आहे.
यापूर्वी, भारताव्यतिरिक्त पाकिस्तान, श्रीलंका आणि बांगलादेश यांना उपांत्यपूर्व फेरी म्हणजेच नॉकआऊट सामन्यात थेट प्रवेश मिळाला होता, तर गट सामने हाँगकाँग, जपान, अफगाणिस्तान, मलेशिया आणि ओमान यांच्यात खेळले गेले होते.
भारतीय संघः श्रेयस अय्यर (कर्णधार), तिलक वर्मा, रवि बिश्नोई, अभिषेक शर्मा, जसप्रीत बुमराह, संजू सॅमसन, अक्षर पटेल, ईशान किशन, वॉशिंग्टन सुंदर, अर्शदीप सिंह, शिवम दुबे, वैभव सूर्यवंशी, विप्रज निगम, यश ठाकूर
.png "Videos"){kind=small}
