Kumkum Kirti Ankita Won Gold in Archery
भारतीय महिला तिरंदाजी संघाने उपांत्य फेरीत चीनला ५-१ ने पराभूत करून पहिल्यांदाच रिकर्व्ह प्रकारातील सुवर्णपदकाच्या अंतिम फेरीत प्रवेश केला. अंतिम सामन्यात भारतीय संघाचा सामना जगातील सर्वात बलाढ्य संघांपैकी एक असलेल्या, १० वेळा ऑलिम्पिक चॅम्पियन दक्षिण कोरियाशी झाला. भारतासाठी हे आव्हान सोपे नव्हते, परंतु कुमकुम, कीर्ती आणि अंकिता यांनी उत्कृष्ट कामगिरी करत पहिल्या दोन सेटमध्ये कोरियन संघाला कडवी झुंज दिली. यामुळे पहिले दन सेट बरोबरीत सुटले.
पहिला सेट अत्यंत रोमांचक होता, ज्यात दोन्ही संघांनी प्रत्येकी ५४ गुण मिळवले. त्यानंतर भारतीय त्रिकुटाने दुसऱ्या सेटमध्येही आपली प्रभावी कामगिरी कायम ठेवली. दुसरा सेट देखील ५६-५६ असा बरोबरीत संपला, त्यामुळे दुसऱ्या सेटच्या शेवटी दोन्ही संघ बरोबरीत राहिले.
भारतीय महिला रिकर्व्ह संघासाठी तिसरा सेट निर्णायक ठरला. कुमकुम, कीर्ती आणि अंकिता यांनी दक्षिण कोरियाच्या विश्वविजेत्या कांग चेयॉन्ग, ओह येजिन आणि ली युनजी यांच्या संघावर दबाव आणला. कीर्तीने भारतासाठी सुरुवातीलाच ८ गुण मिळवले. याचे तिने नंतर निर्णायक ९ गुणांमध्ये रूपांतर केले. भारताने तिसरा सेट ५५-५२ असा जिंकून सामन्यात ४-२ अशी आघाडी घेतली.
त्यानंतर चौथ्या आणि निर्णायक सेटमध्ये कोरियन संघाने या सेटमध्ये ५४ गुण मिळवले होते. त्यामुळे सुवर्णपदक मिळवण्यासाठी भारताला हा सेट किमान बरोबरीत सोडवणे आवश्यक होते. भारतीय त्रिकुटाने दबावाखाली उत्कृष्ट कामगिरी करत चौथा सेट बरोबरीत सोडवला आणि सामना ५-३ ने जिंकला. या विजयासह, भारताने आशियाई क्रीडा स्पर्धेच्या इतिहासात महिलांच्या सांघिक रिकर्व्ह प्रकारात आपले पहिले सुवर्णपदक पटकावले.
THE GOLD-WINNING TEAM INDIA 🥇🥹 – Defeats multiple-time Olympic champions South Korea 🇰🇷 in the Final
– Wins India’s first-ever Gold in the Women’s Recurve Team event at the Asian Games The trio of Kirti, Ankita & Kumkum does it!!!! ASIAN GAMES CHAMPIONS IN THE WOMEN’S… pic.twitter.com/yZLzIq8ZrJ — The Khel India (@TheKhelIndia) October 2, 2026
आशियाई क्रीडा महिलांच्या सांघिक रिकर्व्ह प्रकारात दक्षिण कोरियाने दीर्घकाळ वर्चस्व गाजवले आहे. १९७८ च्या बँकॉक येथील स्पर्धेत जपानने सुवर्णपदक जिंकले, तर दक्षिण कोरिया आणि उत्तर कोरियाने अनुक्रमे रौप्य आणि कांस्यपदक पटकावले. त्यानंतर, दक्षिण कोरियाने १९८२ मध्ये नवी दिल्लीपासून ते २०२२ मध्ये हांगझूपर्यंत या प्रकारात अनेक वेळा सुवर्णपदके जिंकली आहेत.
भारताने २०१० च्या ग्वांगझू आशियाई क्रीडा स्पर्धेत महिलांच्या सांघिक रिकर्व्ह प्रकारात प्रथम कांस्य पदक जिंकले होते. आयची-नागोया आशियाई क्रीडा २०२६ च्या स्पर्धेत, ४८ वर्षानंतर, कुमकुम, अंकिता आणि कीर्ती या भारतीय त्रिकुटाने दक्षिण कोरियाला पराभूत करून या प्रकारात पहिले सुवर्ण पदक जिंकले.
.png "Videos"){kind=small}
