शुक्रवार, 2 ऑक्टोबर 2026
Asian Games 2026 : कुस्तीच्या फायनलमध्ये प्रतिस्पर्ध्याला लोळवत सुजितची सुवर्ण कामगिरी, भारतासाठी अविस्मरणीय क्षण, सौजन्य : आयएएनएस
सामन्यात जास्त वेळ 23 वर्षीय भारतीय खेळाडू 2-9 असा पिछाडीवर होता, पण त्याने सामन्याच्या अखेरच्या क्षणाला सलग आठ गुण मिळवत जबरदस्त पुनरागमन केले व कुदियेवचा पराभव करत एशियन्स गेम्समध्ये भारताला यंदाच्या हंगामातील पहिले गोल्ड मेडल मिळवून दिले.
कलकलचा हा विजय आइची-नागोयामधील त्याच्या शानदार कामगिरीचा निकाल आहे. त्याने फायनलपर्यंत पोहचण्याच्या मार्गात एक ऑलिम्पिक चॅम्पियन आणि इराण व जपानसारख्या बळकट प्रतिस्पर्ध्यांचा पराभव केला. भारतीय रेसलरने अफगाणिस्तानच्या सैयद उमर झझईविरुद्ध आपला सामना सुरू केला व सुरुवातीला तो 0-3 असा पिछाडीवर पडला.
त्यानंतर कलकलने ‘पुश आउट’ आणि ‘शोल्डर थ्रो’ मधून प्वॉइंट प्राप्त करत सामन्याचा निकालच बदलला व 5-3 अशी आघाडी घेतली. त्यानंतर आणखीन एक ‘थ्रो’ आणि ‘रोल’ने चार प्वॉइंट प्राप्त केले, ज्यामुळे तो 13-3 असा टेक्निक श्रेष्ठतेच्या आधारे जिंकत विजयाची नोंद करत क्वॉर्टर फायनलमध्ये पोहचला.
त्यानंतर त्याने इराणच्या अब्बास इब्राहिम देहसावदकोहीविरुद्ध शानदार कामगिरी केली व कोणताही गुण गमावल्याशिवाय टेक्विक श्रेष्ठतेच्या आधारे विजयी झाला.
Asian Games 2026 : बॉक्सिंगमध्ये भारताला दुसरे सुवर्ण पदक, परवनी हुड्डाचा दमदार ‘पंच’
Sujeet Kalkal on the victory podium after winning GOLD medal (Wrestling) ♥️ #AichiNagoya2026 #AG2026withIAS pic.twitter.com/nHVyeEi4tT — India_AllSports (@India_AllSports) October 2, 2026
सेमिफायनल सामन्यात त्याच्यासाठी खूप मोठे आव्हान होते, कारण जपानचा ऑलिम्पिक विजेता कोटारो कियोकाचा त्याला सामना करायचा होता. दरम्यान, कलकल पहिल्याच पीरियडच्या अखेरीस 0-2 असा पिछाडीवर पडला, पण दुसऱ्या पीरियडमध्ये त्याने पुनरागमन करताना तीन प्वॉइंट प्राप्त केले, कियोका फक्त एकच प्वॉइंट मिळवू शकता.
सामना 3-3 असा ड्रॉवर संपला, पण कलकलने निश्चित नियमांच्या आधारे विजय प्राप्त केले व फायनलमध्ये जागा पक्की केली. जिथे त्याचा सामना कुदियेवशी झाला. तजासिक्तानचा कुस्तीपटू एक वेळ 9-2 असा आघाडीवर होता, पण कलकलने पराभव पत्कारला नाही व अखेरच्या क्षणी शानदार विजयाला गवसणी घातली.
