रोलर स्केटिंग स्पर्धा (फोटो- सोशल मिडिया)
१६ ते १८ ऑक्टोबर २०२६ या कालावधीत विमान नगर स्केटिंग रिंक, पुणे येथे पार पडलेल्या ३६व्या पुणे जिल्हा रोलर स्केटिंग अजिंक्यपद स्पर्धा २०२६ मध्ये सानवी सागर जाधव हिने क्वाड्स (Quads) प्रकारात तब्बल तीन सुवर्णपदके पटकावत लक्षवेधी कामगिरी केली. ८ ते १० वर्षे वयोगटातील सानवीने आपल्या अचूक संतुलन, वेग आणि कौशल्याच्या जोरावर हे उल्लेखनीय यश मिळवले.
याच जिल्हास्तरीय स्पर्धेत ध्रुव ग्लोबल स्कूलच्या इयत्ता तिसरी ‘ब’ मधील वर्णिका दाडिगा हिनेही दमदार खेळ करत दोन रौप्यपदके आणि एक कांस्यपदक आपल्या नावावर केले. सातत्यपूर्ण सराव, जिद्द आणि कठोर मेहनतीच्या बळावर तिने हे पदकविजेतेपद मिळवले. जिल्हा स्पर्धेनंतर वर्णिकाने सीबीएसई २०२६-२७ अंतर्गत आयोजित रोलर स्केटिंग स्पर्धेतही आपली चमक कायम ठेवली. बेंगळुरू येथील केंगेरीमधील अविन इंटरनॅशनल स्कूल येथे झालेल्या या स्पर्धेत क्वाड्स अंडर-९ गटातील रोड वन लॅप प्रकारात तिने प्रथम क्रमांक पटकावत सुवर्णपदकावर मोहोर उमटवली.
विद्यार्थिनींच्या या घवघवीत यशाबद्दल ध्रुव ग्लोबल स्कूलचे संस्थापक डॉ. संजय मालपाणी, संचालक यशोवर्धन मालपाणी, अनिष्का मालपाणी आणि प्राचार्या शारदा राव यांनी त्यांचे विशेष कौतुक केले असून पुढील क्रीडा वाटचालीसाठी मनःपूर्वक शुभेच्छा दिल्या आहेत. या छोट्या खेळाडूंच्या कामगिरीमुळे शाळेच्या क्रीडा क्षेत्रातील वैभवात भर पडली असून, संपूर्ण पुण्यातून त्यांच्यावर अभिनंदनाचा वर्षाव होत आहे.
डीएसपी करंडकात रंगला थरार
डीएसपी स्पोर्ट्स अँड इव्हेंटस यांच्या वतीने आयोजित डीएसपी करंडक सहाव्या मान्सून लीग मिश्र कॉर्पोरेट क्रिकेट स्पर्धेत साखळी फेरीत साई सत्यम क्रिकेट क्लब, मायटी स्टार्स या संघांनी आपापल्या प्रतिस्पर्धी संघांचा पराभव करून आगेकूच केली. आव्हाळवाडी येथील राजगड स्पोर्ट्स क्रिकेट मैदानावर या स्पर्धा सुरू आहेत.
Ans: सानवी सागर जाधव हिने ३६व्या पुणे जिल्हा रोलर स्केटिंग अजिंक्यपद स्पर्धा २०२६ मध्ये क्वाड्स प्रकारात उत्कृष्ट कामगिरी करत तब्बल तीन सुवर्णपदके जिंकली.
Ans: ही स्पर्धा १६ ते १८ ऑक्टोबर २०२६ दरम्यान पुण्यातील विमान नगर स्केटिंग रिंक येथे पार पडली.






