BAN vs NZ Pitch Report : बांग्लादेशकडे स्पर्धेत येण्याची संधी! रावळपिंडीमध्ये वेगवान गोलंदाजांचे वर्चस्व, वाचा खेळपट्टीचा अहवाल

बांग्लादेशच्या संघाला आज स्पर्धेमध्ये टिकून राहण्याची संधी आहे तर न्यूझीलंडच्या संघाने आज विजय मिळवण्यास सेमीफायनलचे तिकीट त्यांचे आज पक्के होणार आहे. पाकिस्तानमध्ये अलिकडेच झालेल्या त्रिकोणी मालिकेत विजय मिळवल्यानंतर न्यूझीलंड संघ फॉर्ममध्ये आहे आणि त्याने पहिला सामनाही जिंकला आहे. विजयामुळे मिचेल सँटनरच्या संघाला उपांत्य फेरीत प्रवेश मिळू शकतो तर बांगलादेशला त्यांच्या अंतिम सामन्यापूर्वी त्यांची मोहीम संपवावी लागू शकते. बांगलादेशही पुनरागमन करण्याचा प्रयत्न करेल आणि मोठा अपसेट करण्याचा प्रयत्न करू शकते.

बांग्लादेशचा संघ अडचणीत

बांग्लादेश संघाच्या आकडेवारीबद्दल बोलायचं झालं तर, बांगलादेशचा न्यूझीलंडविरुद्धचा रेकॉर्ड खूपच खराब आहे. न्यूझीलंडने प्रत्येक ५० षटकांच्या आयसीसी स्पर्धांमध्ये बांगलादेशला हरवले आहे (एकदिवसीय विश्वचषकात ५ आणि चॅम्पियन्स ट्रॉफीमध्ये १). सोमवारी न्यूझीलंड पुन्हा एकदा त्यांच्या कामगिरीची पुनरावृत्ती करण्याचे लक्ष्य ठेवेल. पराभवानंतरही, बांगलादेशने भारताला सहज जिंकू दिले नाही म्हणून भारताविरुद्ध बांगलादेशच्या कामगिरीचे अनेकांनी कौतुक केले. भारताला विजय मिळवण्यास भाग पाडले.

जाणून घ्या रावळपिंडीची खेळपट्टी

न्यूझीलंड विरुद्ध बांग्लादेश यांच्यामधील सामान्यांचे आयोजन रावळपिंडी स्टेडियमवर करण्यात आले आहे. रावळपिंडीची खेळपट्टी उच्च धावसंख्येची असेल आणि वेगवान गोलंदाजांना काही प्रमाणात मदत करेल अशी अपेक्षा आहे. जर भूतकाळाचा विचार केला तर, सुरुवातीला वेगवान गोलंदाजांना थोडी मदत मिळू शकते, परंतु जसजसा खेळ पुढे जाईल तसतशी खेळपट्टी फलंदाजांना अनुकूल होण्याची शक्यता असते.

बांगलादेश संघ :

तन्जीद हसन, सौम्या सरकार, नजमुल हुसेन शांतो (कर्णधार), मेहेदी हसन मिराज, तौहीद हृदया, मुशफिकुर रहीम (विकेटकिपर), झाकीर अली, रिशाद हुसेन, तंजीम हसन साकिब, तस्कीन अहमद, मुस्तफिजुर रहमान, महमुदुल्लाह, नसुम अहमद, परवेझ हुसेन इमोन, नाहिद राणा.

न्यूझीलंड संघ :

मिचेल सँटनर (कर्णधार), मायकेल ब्रेसवेल, मार्क चॅपमन, डेव्हॉन कॉनवे, काइल जेमिसन, मॅट हेन्री, टॉम लॅथम (विकेटकिपर), डॅरिल मिचेल, विल ओ’रोर्क, ग्लेन फिलिप्स, रचिन रवींद्र, नाथन स्मिथ, केन विल्यमसन, विल यंग, ​​जेकब डफी.

संबंधित बातम्या