IND Vs ZIM: वाघिणी झिम्बाब्वेविरुद्ध भिडणार अन् फाडणार; BCCI ने केली टीम इंडियाची घोषणा

IND Vs ZIM: झिम्बाब्वेविरुद्धच्या आगामी तीन सामन्यांच्या एकदिवसीय मालिकेसाठी भारतीय क्रिकेट नियामक मंडळाने (BCCI) १५ सदस्यांच्या भारतीय महिला संघाची घोषणा केली आहे.

• झिम्बाब्वेविरुद्ध भारतीय महिला संघाची घोषणा
• स्मृती मंधानाच्या नेतृत्वात पहिली सिरिज 
• बीसीसीआयने केली सिरिजची घोषणा 

Ind Vs Zim: भारतीय संघ लवकरच झिम्बाब्वेविरुद्ध वनडे आणि टी 20 सामन्यांची सिरिज खेळणार आहे. भारतीय महिला संघाची कमान आता स्मृती मंधानाच्या हातात असणार आहे. तिच्या नेतृत्वात भारतीय संघ आता मैदानात उतरणार आहे. बीसीसीआयने वनडे आणि टी-२० या दोन्ही फॉरमॅटसाठी स्वतंत्र उपकर्णधारांची निवड केली आहे. त्यानुसार टी-२० संघात धडाकेबाज फलंदाज शेफाली वर्मा हिच्याकडे उपकर्णधारपद देण्यात आले आहे, तर ५० षटकांच्या वनडे मालिकेत अष्टपैलू खेळाडू दीप्ती शर्मा ही संघाची उपकर्णधार असणार आहे.

भारतीय महिला क्रिकेट संघ आणि झिम्बाब्वे यांच्यातील आगामी टी-२० आणि वनडे  सिरिजचे वेळापत्रक जाहीर झाले आहे. या दौऱ्याची सुरूवात 16 ऑक्टोबरपासून टी 20 सिरिजने होणार आहे. या सिरिजमध्ये तीन टी 20 सामने आणि तीन वनडे सामने खेळवले जाणार आहेत. टी 20 सिरिज रायपुरमध्ये खेळवली जाणार आहे.

महाराष्ट्राच्या लेकीच्या हातात Team India ची कमान; Smriti Mandhana करणार भारताचे नेतृत्व

पहिला टी-२० सामना: १६ ऑक्टोबर
दुसरा टी-२० सामना: १८ ऑक्टोबर
तिसरा टी-२० सामना: २० ऑक्टोबर

झिम्बाब्वेविरुद्धच्या आगामी तीन सामन्यांच्या एकदिवसीय मालिकेसाठी भारतीय क्रिकेट नियामक मंडळाने (BCCI) १५ सदस्यांच्या भारतीय महिला संघाची घोषणा केली आहे. स्टार सलामीवीर स्मृती मंधाना हिच्याकडे संघाच्या नेतृत्वाची धुरा सोपवण्यात आली असून, अनुभवी अष्टपैलू खेळाडू दीप्ती शर्मा हिची उपकर्णधारपदी निवड करण्यात आली आहे.