Ajit Agarkar चा कार्यकाळ संपताच गौतम गंभीर भावूक; सोशल मीडियावर शेअर केली खास पोस्ट, म्हणाला…

Gautam gambhir Emotional message to Ajit Agarkar: टीम इंडियाचे मुख्य निवडकर्ता म्हणून अजित आगरकरचा कार्यकाळ संपला आहे. आगरकरला निरोप देताना, प्रशिक्षक गौतम गंभीरने एक खास पोस्ट लिहिली आहे.

• अजित आगरकरला निरोप देताना गौतम गंभीर भावुक
• आगरकरसाठी गंभीरांचा खास मेसेज
• नेमकं काय म्हणाले?

Gautam gambhir Emotional message to Ajit Agarkar: भारतीय वरिष्ठ संघाच्या निवड समितीचे अध्यक्ष म्हणून अजित आगरकरचा कार्यकाळ ४ ऑक्टोबर रोजी संपला आहे. त्याने तीन वर्षे टीम इंडियाचे मुख्य निवडकर्ता म्हणून काम पाहिले. त्याच्या कार्यकाळात भारतीय संघाने तीन आयसीसी ट्रॉफी जिंकल्या. बीसीसीआय त्याचा करार २०२७ च्या एकदिवसीय विश्वचषकापर्यंत वाढवू शकते, असे वृत्त होते. परंतु, नंतर बीसीसीआय आणि आगरकर यांच्यात काही तरी बिनसल्याची चर्चा सुरु झाली. यानंतर, आगरकरचा करार न वाढवण्याचा निर्णय घेण्यात आला. आता, टीम इंडियाचे मुख्य प्रशिक्षक गौतम गंभीर यांनी अजित आगरकरसाठी सोशल मीडियावर एक भावनिक पोस्ट लिहिली आहे.

Virat Kohli: प्रेमानंद महाराजांना भेटण्यासाठी घेतले 5 कोटी? आरोपांनंतर विराट कोहलीच्या टीमचं सडेतोड उत्तर; मीडियालाही सुनावलं

अजित आगरकरसाठी गंभीरची खास पोस्ट

गौतम गंभीरने ‘एक्स’वरील एका पोस्टमध्ये अजित आगरकर यांच्यासोबत काम करण्याचा आपला अनुभव सांगितला. भारताच्या तीन आयसीसी ट्रॉफी विजयांचे श्रेयही त्याने आगरकरला दिले. आपल्या भावनिक पोस्टमध्ये त्यांनी लिहिले की, ‘ अजित भाई, तुमच्यासोबत काम करणे हा एक सन्मान होता. तिन्ही आयसीसी ट्रॉफी तुमच्या निष्ठेचे प्रतीक आहेत. तुम्ही नेहमी संघालाच प्रथम प्राधान्य देता. मला हे आवर्जून सांगावेसे वाटते की इतिहास तुमच्याशी चांगला व्यवहार करेल. सर्व गोष्टींसाठी धन्यवाद. तुमच्या भविष्यासाठी खूप खूप शुभेच्छा.’

Dear Ajit Bhai, an absolute honour to work with you. Those 3 ICC trophies are testimony of your conviction: Team first & Team ahead, always.. I must say, History will be kinder to you. Thank you for everything. My heartfelt wishes for your future endeavours !! pic.twitter.com/gYQN0fea8X — Gautam Gambhir (@GautamGambhir) October 7, 2026

अजित आगरकरच्या कार्यकाळात भारतीय संघ यशस्वी

बीसीसीआयने जुलै २०२३ मध्ये अजित आगरकरची भारतीय संघाचे मुख्य निवडकर्ता म्हणून नियुक्ती केली. यानंतर, भारतीय संघाने २०२३ च्या आशियाई क्रीडा स्पर्धेत सुवर्णपदक आणि त्याच वर्षी आशिया कप ट्रॉफी जिंकली. आगरकरच्या कार्यकाळात भारतीय संघाने २०२४ आणि २०२६ चे टी-२० विश्वचषक जिंकले. भारतीय संघाने २०२५ मध्ये चॅम्पियन्स ट्रॉफीदेखील जिंकली. अ

आगरकरच्या कार्यकाळात भारताने केलेली कामगिरी

• आशियाई क्रीडा स्पर्धा २०२३ मध्ये सुवर्णपदक
• आशिया कप २०२३ विजेता
• २०२३ एकदिवसीय विश्वचषक स्पर्धेतील उपविजेता
• टी२० विश्वचषक २०२४ विजेता
• चॅम्पियन्स ट्रॉफी २०२५ विजेता
• आशिया कप २०२५ विजेता
• टी२० विश्वचषक २०२६ विजेता
• आशियाई क्रीडा स्पर्धा २०२६ मध्ये सुवर्णपदक

अजित आगरकरच्या कार्यकाळात टीम इंडियाच्या निवडीवरून आणि काही निर्णयांवरून वाद निर्माण झाले होते. परंतु, रोहित शर्मा आणि विराट कोहली यांनी टी-२० आंतरराष्ट्रीय सामन्यांमधून निवृत्ती घेतल्यानंतर, आगरकरच्या कार्यकाळानंतर, बीसीसीआयने आता नवीन निवडकर्त्याच्या निवडीची प्रक्रिया सुरू केली आहे.

IND vs WI T20: वनडेनंतर T20 चा थरार रंगणार! मालिकेआधी आकडेवारीचा खेळ; हेड-टू-हेड रेकॉर्डमध्ये कोणाचं पारडं जड?