IPL 2026 पूर्वी CSK मध्ये मोठा बदल! सुरेश रैनाला नाही तर इंग्लंडच्या माजी खेळाडूला मिळाली विशेष जबाबदारी

मागील अनेक दिवसांपासून सीएसकेचा फील्डिंग कोच कोण असणार याकडे सर्वाचे लक्ष लागले होते. त्याआधी, चेन्नई सुपर किंग्ज संघात एक मोठा बदल झाला आहे. इंग्लंडचा माजी खेळाडू जेम्स फोस्टर त्यांच्या कोचिंग स्टाफमध्ये सामील झाला आहे.

CSK’s new fielding coach : आयपीएल २०२६ २८ मार्चपासून सुरू होणार आहे. ही स्पर्धा फक्त काही दिवसांवर आली आहे. आता आयपीएलमध्ये खेळणाऱ्या खेळाडूंनी तयारीला सुरूवात केली आहे. मागील सिझनमध्ये चेन्नई सुपर किंग्जच्या संघाची निराशाजनक कामगिरी पाहायला मिळाली. संघाने मागील सिझनमधील खराब कामगिरी करणाऱ्या अनेक खेळाडूंना या सिझनमध्ये लिलावामध्ये विकत घेतले नाही. अनेक युवा खेळाडूंना सीएसकेच्या संघाने या सिझनमध्ये संधी दिली आहे. 

मागील अनेक दिवसांपासून सीएसकेचा फील्डिंग कोच कोण असणार याकडे सर्वाचे लक्ष लागले होते. त्याआधी, चेन्नई सुपर किंग्ज संघात एक मोठा बदल झाला आहे. इंग्लंडचा माजी खेळाडू जेम्स फोस्टर त्यांच्या कोचिंग स्टाफमध्ये सामील झाला आहे. चेन्नई सुपर किंग्जने अधिकृतपणे घोषणा केली की जेम्स आयपीएल २०२६ मध्ये त्यांचे फील्डिंग कोच म्हणून काम करतील. जेम्सने इंग्लंडसाठी एकूण २३ आंतरराष्ट्रीय सामने खेळले आहेत.

ना धोनी, ना विराट! Hardik Pandya ने ‘या’ भारतीय दिग्गजाला मानले क्रिकेटमधील आदर्श, नाव वाचून व्हाल थक्क

जेम्स फोस्टर चेन्नई सुपर किंग्जमध्ये सामील

इंग्लंडचे माजी यष्टीरक्षक-फलंदाज जेम्स फोस्टर आयपीएल २०२६ साठी त्यांचे क्षेत्ररक्षण प्रशिक्षक असतील अशी अधिकृत घोषणा सीएसकेने केली आहे. त्यांनी २००१ ते २००९ पर्यंत इंग्लंडसाठी क्रिकेट खेळले, सात कसोटी, ११ एकदिवसीय आणि पाच टी-२० सामने खेळले. निवृत्तीनंतर, त्यांनी इंग्लंड आणि न्यूझीलंड संघांसाठी कोचिंग स्टाफचा सदस्य म्हणून काम केले. अलिकडेच झालेल्या आयएलटी२० विजेत्या संघ, डेझर्ट वायपर्सच्या सपोर्ट स्टाफचाही तो भाग होता.

सीएसकेने सोशल मीडियावर जेम्स फॉस्टरचा एक फोटो पोस्ट केला आणि लिहिले, “जेम्स फॉस्टरचे स्वागत आहे. इंग्लंडचा हा माजी यष्टीरक्षक आणि प्रशिक्षक असून, त्याला जगभरातील संघांसोबत काम करण्याचा अनुभव आहे. आता तो अभिमानाने आपल्या नवीन प्रवासाला सुरुवात करत आहे.”

See more

Say Yellove to our fielding coach James Foster! 💛💪🏻 Former England wicketkeeper and a coach with experience across teams worldwide, he now kicks off this new chapter with the Pride. 🦁#WhistlePodu #Dencoming pic.twitter.com/hXkWDBiqEX — Chennai Super Kings (@ChennaiIPL) March 16, 2026

आयपीएल २०२६ मधील चेन्नई सुपर किंग्सचा पहिला सामना राजस्थान रॉयल्सविरुद्ध होणार आहे. हे दोन्ही संघ ३० मार्च रोजी गुवाहाटी येथील बरसापारा स्टेडियमवर भिडतील. आरआर आणि सीएसके या दोन्ही संघांसाठी मागील हंगाम निराशाजनक ठरला होता आणि आता ते आयपीएल २०२६ ची सुरुवात विजयाने करण्याच्या प्रयत्नात असतील. या वेळी सीएसकेकडून संजू सॅमसन खेळणार असून, चाहत्यांचे लक्ष प्रामुख्याने त्याच्यावरच असेल.