क्रिकेटविश्वात खळबळ! ‘या’ स्टार गोलंदाजाला पोलिसांनी ठोकल्या बेड्या; नाइट क्लबबाहेर नेमकं काय घडलं? Video Viral

Brydon Carse handcuffed in Nightclub incident: इंग्लंडचा वेगवान गोलंदाज ब्रायडन कार्स अडचणीत सापडला आहे. डर्बी येथील एका नाईटक्लबबाहेर पोलीस त्याला बेड्या घालून घेऊन जात असल्याचा व्हिडिओ समोर आला आहे.

Brydon Carse handcuffed in Nightclub incident

Follow Us:

Follow Us:

• Brydon Carse ला बेड्या!
• ECB करणार चौकशी
• नाइट क्लबमध्ये असं काय घडलं?

IND vs SL 2nd Test: दुखापतीनंतर परतला अन् मैदान गाजवलं! Rishabh Pant ने रचला इतिहास; MS Dhoni चा ‘हा’ महारेकॉर्ड केला उद्ध्वस्त

केव्हा घडली ही घटना?

ब्रायडन कार्स हा पाकिस्तानविरुद्धच्या इंग्लंडच्या कसोटी संघात होता , पण अंतिम संघात स्थान न मिळाल्याने त्याला डरहॅमसाठी काउंटी चॅम्पियनशिपचा सामना खेळण्याची परवानगी देण्यात आली. डरहॅमने तीन दिवसांत डर्बीशायरचा पराभव केला. त्या सामन्यात कार्सने २६ धावा केल्या आणि दोन विकेट्स घेतले. सामन्यानंतर तो आपल्या सहकाऱ्यांसोबत सेलिब्रेशन करण्यासाठी पोहोचला तेव्ही ही घटना घडली.

द टेलिग्राफ’ने शेअर केलेल्या व्हिडिओमध्ये कार्सचे हात पाठीमागे बांधले आहेत. त्याच्या हातात बेड्या आहेत. त्याचा डरहॅम संघातील सहकारी मॅथ्यू पॉट्सशी बोलताना दिसत आहे. या व्हिडिओमध्ये इंग्लंडचा माजी कर्णधार बेन स्टोक्स देखील दिसत आहे. परंतु, व्हिडिओ समोर आला असला तरी, या घटनेचे कारण आणि पोलिसांनी कार्सला कोणत्या परिस्थितीत ताब्यात घेतले, याबाबतची अधिकृत माहिती अद्याप जाहीर करण्यात आलेली नाही.

One more Night club issue at England 😭😭 Ban stokes spot behind Brydon Carse ☠️ pic.twitter.com/qCAzHDLWv3 — Bhargav Jani (@IndianBhargav) August 24, 2026

ईसीबीने काय म्हटले?

ईसीबीने रविवारी या प्रकरणी एक अधिकृत निवेदन जारी केले आणि म्हटले की, ‘शनिवारी रात्री डर्बीमध्ये घडलेल्या एका घटनेची आम्हाला माहिती आहे आणि आम्ही सध्या तपास करत आहोत. शक्य झाल्यावर आम्ही अधिक माहिती देऊ.’ डर्बीशायर कॉन्स्टेब्युलरीलाही प्रतिक्रियेसाठी विचारण्यात आले आहे, तर डरहॅमने या घटनेवर भाष्य करण्यास नकार दिला आहे.

दुसऱ्या कसोटीतील सहभागावरही प्रश्नचिन्ह

कार्स लंडनमध्ये इंग्लंडच्या कसोटी संघात पुन्हा सामील होणार होता. त्यानंतर, गुरुवारी सुरू होणाऱ्या पाकिस्तानविरुद्धच्या दुसऱ्या कसोटीच्या तयारीसाठी लॉर्ड्सवर दोन दिवसांचा सराव होणार होता. मात्र, या घटनेनंतर, दुसऱ्या कसोटीसाठी त्याच्या उपलब्धतेवर आता प्रश्नचिन्ह निर्माण झाले आहे.

इंग्लंड क्रिकेटची संस्कृती पुन्हा एकदा चर्चेत

कार्स प्रकरण अशा वेळी समोर आले आहे, जेव्हा इंग्लंड संघ खेळाडूंच्या रात्रीच्या पार्ट्या आणि मद्यपानामुळे आधीच टीकेचा विषय बनले आहे. न्यूझीलंडविरुद्धच्या शेवटच्या कसोटी मालिकेदरम्यान, बेन स्टोक्स आणि गस ऍटकिन्सन यांना विजयाच्या सेलिब्रेशनशी संबंधित एका घटनेच्या चौकशीसाठी निलंबित करण्यात आले होते. नंतर अशी माहिती मिळाली की त्यांनी कोणतेही हिंसक वर्तन केले नव्हते, परंतु त्यांच्या करारातील काही अटींचे उल्लंघन केल्याबद्दल त्यांना लेखी चेतावणी देण्यात आली.

IND vs SL: शुभमन गिलने WTC मध्ये उडवला ‘धुरळा’! अशी कामगिरी करणारा पहिला भारतीय कर्णधार

Web Title: Brydon carse handcuffed nightclub incident ecb investigation

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com