बुची बाबू स्पर्धेचा आजपासून शुभारंभ, क्रिकेट प्रेमींची नजर सूर्यकुमार यादव आणि श्रेयस अय्यरवर

आता आपली कसोटी कारकीर्द पुन्हा रुळावर आणण्यासाठी, भारतीय फलंदाज सूर्यकुमार यादव बुची बाबू क्रिकेट स्पर्धेत चांगली कामगिरी करण्याचा विचार करेल जेव्हा त्याचा संघ मुंबई येथे मंगळवारपासून सुरू होणाऱ्या सामन्यात TNCA इलेव्हनशी सामना करणार आहे. या संघामध्ये फक्त सूर्यकुमारच नाही तर श्रेयस अय्यर देखील असणार आहे.

बुची बाबू टूर्नामेंट : भारताचा संघ सप्टेंबरमध्ये बांग्लादेशविरुद्ध मालिकेला सुरुवात करणार आहे. टीम इंडियाने शेवटचा आंतरराष्ट्रीय खेळ हा श्रीलंकेविरुद्ध खेळाला होता. त्यानंतर संघाला ४० दिवस विश्रांतीसाठी देण्यात आले होते. त्यामुळे अनेक भारताचे खेळाडू हे देशांतर्गत स्पर्धेंमध्ये खेळताना दिसत आहेत. आजपासून म्हणजेच २७ ऑगस्टपासून बुची बाबू स्पर्धेला सुरुवात होणार आहे. आता भारताचा संघ कसोटी क्रिकेटमध्ये आयसीसी फॉरमॅटमध्ये पहिल्या क्रमांकावर आहे. त्यामुळे लवकर आता आयसीसी वर्ल्ड टेस्ट चॅम्पियनशिप होईल. ही स्पर्धा पहिल्या दोन स्थानावर असलेल्या खेळाडूंमध्ये होत असते. त्यामुळे आता आपली कसोटी कारकीर्द पुन्हा रुळावर आणण्यासाठी, भारतीय फलंदाज सूर्यकुमार यादव बुची बाबू क्रिकेट स्पर्धेत चांगली कामगिरी करण्याचा विचार करेल जेव्हा त्याचा संघ मुंबई येथे मंगळवारपासून सुरू होणाऱ्या सामन्यात TNCA इलेव्हनशी सामना करणार आहे.

या संघामध्ये फक्त सूर्यकुमारच नाही तर श्रेयस अय्यर देखील असणार आहे. त्यामुळे क्रिकेट प्रेमींची नजर या दोघांवर असणार आहे. या स्पर्धेत चांगली कामगिरी करून निवडकर्त्यांचे लक्ष वेधून घेण्याचा प्रयत्न करेल. अय्यर फेब्रुवारीमध्ये शेवटचा कसोटी सामना खेळला होता.अनेक स्टार खेळाडूंनी सजलेल्या मुंबई संघाचे नेतृत्व सरफराज खान करणार आहे, ज्यांच्यासाठी सर्व अव्वल खेळाडूंच्या पुनरागमनानंतर कसोटी संघात स्थान मिळवणे सोपे होणार नाही. या वर्षाच्या सुरुवातीला इंग्लंडविरुद्धच्या कसोटी पदार्पणात सरफराजने आपल्या कामगिरीने प्रभावित केले.

See more

Surya Kumar Yadav and Shreyas Iyer are featuring in TNCA11 vs MUMBAI [Buchi babu tournament] pic.twitter.com/1eq0t1FjWC

— INSANE (@1120_insane) August 27, 2024

ही स्पर्धा सूर्यकुमारसाठी महत्वाची

बुची बाबू क्रिकेट टूर्नामेंटच्या तिसऱ्या फेरीच्या सामन्यात सर्वांचे लक्ष निश्चितपणे सूर्यकुमारवर असेल, ज्याने फेब्रुवारी २०२३ मध्ये ऑस्ट्रेलियाविरुद्ध आपला एकमेव कसोटी सामना खेळला होता. यानंतर सूर्यकुमारने मर्यादित षटकांच्या क्रिकेटमध्ये सातत्याने चांगली कामगिरी केली. बुची बाबू टूर्नामेंट दुलीप ट्रॉफीसाठी सूर्यकुमार आणि इतर स्टार खेळाडूंसाठी सराव म्हणून काम करेल.