IND vs NZ: किवींचा कहर अन् टीम इंडियाची शरणागती! बॅटिंग-बॉलिंग दोन्ही फ्लॉप; ODI क्रिकेटमध्ये भारताच्या नावे नकोसा विक्रम

IND vs NZ new zealand beat india 244 runs biggest odi defeat: श्रेयस अय्यरच्या नेतृत्वाखाली, भारतीय संघाला न्यूझीलंडविरुद्धच्या चौथ्या एकदिवसीय सामन्यात २४४ धावांनी लाजिरवाणा पराभव पत्करावा लागला. एकदिवसीय क्रिकेटच्या इतिहासातील हा भारताचा दुसरा सर्वात मोठा पराभव आहे.

• भारताच्या नावावर नकोसा विक्रम
• न्यूझीलंडकडून २४४ धावांनी पराभव
• ODI इतिहासात दुसरा मोठा पराभव

IND vs NZ: भारत आणि न्यूझीलंड यांच्यातील चौथा एकदिवसीय सामना माऊंट माउंगानुई येथील बे ओव्हल मैदानावर खेळला गेला. या चौथ्या एकदिवसीय सामन्यात प्रथम फलंदाजी करताना न्यूझीलंडचा संघ ३३३ धावांवर सर्वबाद झाला. लक्ष्याचा पाठलाग करताना, किवी वेगवान गोलंदाज मॅट हेन्रीच्या भेदक गोलंदाजीसमोर भारताचे फलंदाज पूर्णपणे हतबल झाले आणि संपूर्ण संघ केवळ ८९ धावांत सर्वबाद झाला. मॅट हेन्रीने सहा विकेट्स घेऊन भारतीय संघाचे कंबरडे मोडले. फलंदाजी आणि गोलंदाजी या दोन्ही विभागात दमदार खेळीच्या जोरावप न्यूझीलंडने भारताचा तब्बल २४४ धावांनी पराभव केला. एकदिवसीय क्रिकेटच्या इतिहासातील इतक्या मोठ्या धावांच्या फरकाने झालेला हा भारताचा दुसरा सर्वात मोठा पराभव आहे.

IND vs NZ: न्यूझीलंडविरुद्धच्या कसोटी मालिकेआधी टीम इंडियासाठी गूड न्यूज! Rishabh Pant कमबॅकसाठी सज्ज; BCCI कडून ग्रीन सिग्नल

ODI क्रिकेटच्या इतिहासातील भारताचा दुसरा सर्वात मोठा पराभव

२००० मध्ये शारजाह येथे श्रीलंकेविरुद्ध खेळलेल्या सामन्यात श्रीलंकाने भारताचा २४५ धावांनी पराभव केला होता. हा एकदिवसीय आंतरराष्ट्रीय क्रिकेटमधील भारताचा सर्वात मोठा पराभव होता. आता, माउंट माउंगानुई येथे झालेल्या चौथ्या एकदिवसीय सामन्यात न्यूझीलंडने भारताला २४४ धावांनी पराभूत करून एकदिवसीय क्रिकेटच्या इतिहासातील दुसरा सर्वात मोठा पराभव नोंदवला आहे. एकदिवसीय सामन्यांमध्ये भारताच न्यूझीलंडविरुद्धचा हा आतापर्यंतचा सर्वात मोठा पराभव आहे. यापूर्वी, भारतीय संघ २०१५ मध्ये वानखेडे येथे दक्षिण आफ्रिकेविरुद्ध २१४ धावांनी, २००४ मध्ये सिडनी येथे ऑस्ट्रेलियाविरुद्ध २०८ धावांनी आणि १९७५ मध्ये लॉर्ड्स येथे इंग्लंडविरुद्ध २०२ धावांनी पराभूत झाला होता.

भारताचा एकदिवसीय इतिहासातील सर्वात मोठा पराभव

• श्रीलंका विरुद्ध – २४५ धावा (शारजाह, २०००)
• विरुद्ध न्यूझीलंड विरुद्ध – २४४ धावा (माउंट माउंगानुई, २०२६)*
• दक्षिण आफ्रिकेविरुद्ध – २१४ धावा (वानखेडे, २०१५)
• ऑस्ट्रेलियाविरुद्ध – २०८ धावा (सिडनी, २००४)
• इंग्लंडविरुद्ध – २०२ धावा (लॉर्ड्स, १९७५)

विल यंगच्या शतकाच्या जोरावर न्यूझीलंडने केल्या ३३३ धावा

नाणेफेक गमावून प्रथम फलंदाजीला आलेल्या न्यूझीलंडने ५० षटकांत सर्वबाद ३३३ धावांची भक्कम धावसंख्या उभारली. न्यूझीलंडकडून विल यंगने १०८ चेंडूंमध्ये १४ चौकार आणि ४ षटकारांसह १२५ धावांची शानदार शतकी खेळी केली. त्याच्या व्यतिरिक्त, टीम सेफर्टने ६ चौकार आणि ३ षटकारांच्या मदतीने ४८ चेंडूंमध्ये ५८ धावा केल्या. भारताकडून आकिब नबी, गुरनूर ब्रार आणि अक्षर पटेल यांनी प्रत्येकी २ विकेट्स घेतले, तर अर्शदीप सिंग आणि नमन धीर यांनी प्रत्येकी एक विकेट घेतला.

मॅट हेन्रीच्या गोलंदाजीसमोर भारतीय संघ कोसळला

३३४ धावांच्या पाठलाग करताना भारताची सुरुवात खराब झाली. मॅट हेन्रीने पहिल्याच षटकात भारतीय फलंदाजांना पव्हेलियनमध्ये पाठवले. षटकाच्या पहिल्याच चेंडूवर रोहित शर्मा बाद झाला. त्यानंतर हेन्रीने पाचव्या चेंडूवर विराट कोहलीला शून्यावर बाद केले. भारतीय कर्णधार श्रेयस अय्यरलाही पहिल्या षटकाच्या शेवटच्या चेंडूवर आपले खाते उघडता आले नाही.

IND vs NZ: लाजच काढली! आधी फलंदाजांनी धुतलं मग गोलंदाजांनी रडवलं; Matt Henry च्या वादळात टीम इंडिया ८९ धावांत गारद

हेन्रीने त्याला पहिल्याच चेंडूवर बाद करून भारताला बॅकफूटवर ढकलले. पहिल्याच षटकात तीन महत्त्वाच्या विकेट गमावल्यानंतर, भारताला सावरता आले नाही. यामुळे टीम इंडियाचा डाव अवघ्या ८९ धावांवर संपुष्टात आला. हेन्रीने ९.४ षटकांत केवळ २७ धावा देऊन सहा विकेट्स घेतले. भारताने हा सामना हरला असाल तरी, टीम इंडियाने पाच सामन्यांच्या मालिकेत २-१ अशी आघाडी घेतली आहे.