KKR Vs LSG Pitch Report: ईडन गार्डन्सवर पावसाचा अंदाज? काय आहे पीच रिपोर्ट? टॉस जिंकल्यास…

आज ईडन गार्डन्स स्टेडियमवर कोलकाता नाइट रायडर्स विरुद्ध लखनौ सुपर जायंट्समध्ये सामना होणार आहे. केकेआर आज पहिल्या विजय मिळवण्याच्या प्रतीक्षेत असणार आहे.

केकेआर विरुद्ध लखनौ येणार आमनेसामने 
ईडन गार्डन्सवर होणार महामुकाबला 
अजिंक्य रहाणे पहिल्या विजयाच्या प्रतीक्षेत

Tata IPL 2025 Live KKR Vs LSG: आयपीएलचा थरार सुरू झाला आहे. स्पर्धा जसजशी पुढे जात आहे, तसे यामध्ये चाहत्यांचा आनंद द्विगुणित होत आहे. दरम्यान आज ईडन गार्डन्स स्टेडियमवर कोलकाता नाइट रायडर्स विरुद्ध लखनौ सुपर जायंट्समध्ये सामना होणार आहे. केकेआर आज पहिल्या विजय मिळवण्याच्या प्रतीक्षेत असणार आहे.

केकेआरचा संघाला आपले विजयाचे खाते उघडता आलेले नाही. मागील सामना पावसामुळे रद्द झाला. त्यामुळे पंजाब किंग्ज आणि केकेआरला प्रत्येकी एक एक गुण देण्यात आले. दरम्यान मागील सामन्यात लखनौला विजय मिळाला आहे. त्यामुळे आजच्या सामन्यात देखील ऋषभ पंत संघाला विजय मिळवून देण्यासाठी मैदानात उतरणार यात शंका नाही. आज जो सामना होणार आहे, त्या स्टेडियमचा पीच रिपोर्ट काय आहे ते जाणून घेऊयात.

काय आहे आजचा पीच रीपोर्ट?

ईडन गार्डन्सची खेळपट्टी फलंदाजांसाठी मदतशीर आहे. सुरुवातीला काही ओव्हर्समध्ये गोलंदाजांना येथे मदत मिळते. मात्र त्यानंतर या ठिकाणी फलंदाजांचेच राज्य चालते. मात्र मागचा सामना पावसामुळे रद्द झाला होता. आजच्या सामन्यावर देखील पावसाचे सावट पाहायला मिळत आहे. हवामान विभागाने यलो अलर्ट जारी केला आहे. या खेळपट्टीवर टॉस जिंकून प्रथम गोलंदाजी करण्याचा निर्णय घेतला जाऊ शकतो. कारण या ठिकाणी लाइट्समध्ये चेस करणे सोपे असल्याचे म्हटले जाते.

KKR vs PBKS Live: अखेर पाऊस जिंकला; ‘केकेआर’ विरुद्ध ‘पीबीकेएस’ सामना रद्द; दोन्ही संघांना…

कोलकाता नाइट रायडर्स विरुद्ध पंजा किंग्ज हा सामना ईडन गार्डन्सवर होणार होता. मात्र सामना सुरू झाल्यावर पाऊस सुरू झाल्याने सामना थांबवला गेला. मात्र शेवटी हा सामना रद्द केला गेला. आजच्या सामन्यावर देखील पावसाचे सावट असल्याने आजचा सामना होणार की नाही याकडे सर्वांचे लक्ष लागलेले आहे.

Viral Video: ड्रेसिंग रूममध्ये David Miller ला कोसळले रडू, तरळले अश्रू; हेमांग बदानीने दिला आधार

नेमके काय घडले? 

पंजाब किंग्जविरुद्ध केकेआरचा कर्णधार अजिंक्य रहाणेने टॉस जिंकत प्रथम फलंदाजी करण्याचा निर्णय घेतला होता. मात्र केकेआरची सुरुवात फारशी चांगली झाली नव्हती. मात्र तीन ओव्हर्सचा खेळ झाल्यावर ईडन गार्डन्स स्टेडियम आणि परिसरात पाऊस सुरू झाला आणि सामना थांबवण्यात आला. त्यानंतर हा पाऊस जवळपास 11 वाजेपर्यंत न थांबल्यामुळे अखेर हा सामना रद्द करण्यात आला . त्यामुळे कोलकाता नाइट रायडर्स आणि पंजाब किंग्ज या दोन्ही संघांना प्रत्येकी एक एक गुण देण्यात आला.