‘कोणालाही बळीचा बकरा बनवायचं…’; दुखापतग्रस्त खेळाडूंवर VVS Laxman यांचे सडेतोड उत्तर, ब्रॉन्को टेस्टवरही स्पष्ट केली भूमिका

coe is not a rehab centre vvs laxman speaks out: दुखापतग्रस्त खेळाडूंवर टीका करणाऱ्यांना प्रत्युत्तर देताना व्हीव्हीएस लक्ष्मण यांनी सडेतोड उत्तर दिले आहे. तसेच यो- यो टेस्टऐवजी ब्रॉन्को टेस्ट केली जाणार का यावर देखील स्पष्ट मत मांडले.

• यो-यो च्या जागी ब्रॉन्को टेस्ट?
• सीओई हे केवळ एक रिहाब सेंटर नाही
• बुमराह आणि साई सुदर्शनच्या तंदुरुस्तीवर विशेष लक्ष

भारतीय क्रिकेटमधील दुखापतग्रस्त खेळाडूंची संख्या वाढतच चालली आहे. यामुळे बंगळूरु येथील बीसीसीआय सेंटर ऑफ एक्सलन्सवर (CoE) खेळाडूंच्या रिकवव्हरीबाबत प्रश्नचिन्ह उपस्थित केले जात आहे. खेळाडूंच्या पुनर्वसन प्रक्रियेवर, फिटनेस मूल्यांकनावर आणि स्पोर्ट सायंस टीम व राष्ट्रीय निवड समिती यांच्यातील समन्वयावर होणाऱ्या टीकेच्या पार्श्वभूमीवर, बीसीसीआयच्या सेंटर ऑफ एक्सलन्सचे प्रमुख व्हीव्हीएस लक्ष्मण यांनी बोर्ड सचिव देवजित सैकिया यांच्यासोबत पत्रकार परिषद घेतली. CoE फक्त जखमी खेळाडूंच्या रिहाबपुरती मर्यादित नाही, तर क्रिकेटपटूंमध्ये सुधारणा करण्यास आणि उत्कृष्ट कामगिरी करण्यास मदत करणे हे देखील त्यांचे उद्दिष्ट आहे.

U20 अ‍ॅथलेटिक्स चॅम्पियनशिपमध्ये भारताचा डंका! बसंत कुमारला हाय जंपमध्ये रौप्यपदक, शाहनवाजला कांस्य

यो-यो च्या जागी ब्रॉन्को टेस्ट?

व्ही. व्ही एस लक्ष्मण यांनी स्पष्ट केले की, एड्रियनने विकसित केलेली ब्रॉन्को टेस्ट, मालिका सुरू असतानाही खेळाडूंच्या तंदुरुस्तीवर सतत देखरेख ठेवण्यास मदत करते. लक्ष्मण म्हणाले की, ‘जेव्हा एखादा खेळाडू मालिकेत खेळत असतो, तेव्हा यो-यो टेस्ट घेतली जाऊ शकत नाही. त्यामुळे, तंदुरुस्तीवर सतत देखरेख ठेवण्यासाठी एड्रियनने विकसित केलेली ब्रॉन्को टेस्ट सुरू केली आहे. या प्रणालीचा उद्देश खेळाडूंवर अतिरिक्त दबाव न टाकता त्यांच्या तंदुरुस्तीच्या स्थितीवर देखरेख ठेवणे हा आहे. यामुळे संघ व्यवस्थापनाला सामन्यासाठी खेळाडूंची तयारी कोणत्या स्तरावर आहे हे समजण्यास मदत होते.’

सीओई हे केवळ एक रिहाब सेंटर नाही

बंगळूरु येथे एका पत्रकार परिषदेदरम्यान, लक्ष्मण यांनी सांगितले की, सेंटर ऑफ एक्सलन्सकडे केवळ जखमी खेळाडूंच्या उपचार आणि बरे होण्याच्या प्रक्रियेचे केंद्र म्हणून पाहू नये. ‘सीओई हे केवळ एक रिहाब केंद्र नाही. क्रिकेटपटूंना उत्कृष्ट कामगिरी करण्यास मदत करण्यात त्यांची खूप मोठी भूमिका आहे. ही संस्था खेळाडूंच्या तंदुरुस्ती आणि कामगिरीशी संबंधित अनेक गोष्टींवर काम करते.’

बुमराह आणि साई सुदर्शन यांच्या तंदुरुस्तीवर विशेष लक्ष

लक्ष्मण म्हणाले की, ‘जसप्रीत बुमराह आणि बी. साई सुदर्शन यांची तंदुरुस्तीच्या आधारावर विशेष तपासणी करण्यात आली. दोन्ही खेळाडूंना फिटनेसच्या वेगवेळ्या पॅरामीटरवर तपासणी करतो. त्यांना खेळण्यासाठी परवानगी देण्यापूर्वी आम्ही त्यांची अनेक स्तरावर तपासणी करतो.’

लक्ष्मण यांनी असेही सांगितले की, ‘ सीओई आणि संघ व्यवस्थापन यांच्यात खेळाडूंच्या तंदुरुस्ती आणि बरे होण्याच्या प्रक्रियेबाबत सतत संवाद असतो. या व्यवस्थेमुळे दुखापतीतून परतणाऱ्या खेळाडूंसाठी टप्प्याटप्प्याने तंदुरुस्तीचे मूल्यांकन करणे शक्य होते. कोणताही खेळाडू पूर्ण तंदुरुस्तीशिवाय मैदानात उतरणार नाही, हे सुनिश्चित करणे हा यामागील उद्देश आहे.’

दुखापतींसाठी कोणालाही दोष देण्यास नकार

भारतीय खेळाडूंना होणाऱ्या वाढत्या दुखापतींच्या पार्श्वभूमीवर, लक्ष्मण यांनी कोणत्याही व्यक्तीला किंवा विभागाला दोष देण्यास नकार दिला. ते म्हणाले की, ‘दुखापत होणे हे प्रोफेशनल क्रिकेटपटूंच्या करिअरचा एक भाग आहे आणि म्हणूनच, खेळाडूंवर सतत लक्ष ठेवणे खूप महत्त्वाचे आहे. आम्ही ‘दोष’ हा शब्द वापरत नाही, कारण तसे केल्याने आम्ही कोणालातरी बळीचा बकरा बनवण्याचा प्रयत्न करत असू.’

पहिल्या गेममध्ये धक्का, पुढच्या दोन गेममध्ये धुमाकूळ! अश्मिता चलिहा बनली Korea Masters 2026 चॅम्पियन