
Womens County Cricket : ठाण्याच्या धनश्रीची इंग्लंडमध्ये भरारी! महिला काउंटी क्रिकेटसाठी झाली निवड
Womens County Cricket : ठाण्याची प्रतिभावान यष्टिरक्षक आणि मधल्या फळीतील आक्रमक फलंदाज धनश्री वाघमारे हिने क्रिकेटविश्वात मोठी झेप घेतली आहे. आगामी हंगामात इंग्लंडमधील महिला काउंटी क्रिकेट स्पर्धेत खेळण्यासाठी धनश्रीला करारबद्ध करण्यात आले आहे.
इंग्लंड दौऱ्यातील प्रभावी कामगिरीच्या जोरावर हेस क्रिकेट क्लबने तिची संघात यष्टिरक्षक म्हणून निवड केली आहे. त्यामुळे धनश्रीला आता इंग्लंडमध्ये आपले क्रिकेटकौशल्य दाखवण्याची संधी मिळणार आहे.
ओमनी क्रिकेट क्लबचा महिला आणि मुलांचा संघ नुकताच इंग्लंडचा यशस्वी दौरा पूर्ण करून मायदेशी परतला. या दौऱ्यात ओमनी क्रिकेट क्लबच्या महिला संघाने एकूण सात सामने खेळले. त्यापैकी पाच सामन्यांत धनश्रीला खेळण्याची संधी मिळाली. यष्टिरक्षण करताना तिने तब्बल दहा फलंदाजांना बाद करण्यात महत्त्वाची भूमिका बजावली. विशेष म्हणजे, एका सामन्यात फलंदाजीची संधी मिळाल्यानंतर तिने नाबाद ३५ धावांची आक्रमक खेळी साकारली. तिच्या या खेळीमुळे संघाच्या विजयात मोलाची भर पडली.
इंग्लंड दौऱ्यातील या सातत्यपूर्ण आणि अष्टपैलू कामगिरीची दखल घेत ओमनी क्रिकेट क्लबने धनश्रीला सर्वोत्तम महिला क्रिकेटपटू पुरस्काराने गौरवले. क्लबतर्फे आयोजित कार्यक्रमात मुंबई क्रिकेट संघटनेचे कार्यकारिणी सदस्य संदीप विचारे यांच्या हस्ते तिला पारितोषिक प्रदान करण्यात आले.
यावेळी मुंबई क्रिकेट संघटनेचे सचिव डॉ. उमेश खानविलकर, माजी ज्येष्ठ रणजीपटू आणि प्रशिक्षक गोपाळ कोळी, ओमनी क्रिकेट क्लबचे प्रमुख ओंकार मंडलिक आणि प्रशिक्षक नरेश वाघमारे उपस्थित होते.
Table Tennis: नादच खुळा! Gourav Rao ने जिंकले ‘या’ स्पर्धेचे विजेतेपद; मोहित सोरडे याचा ६-१ अन् थेट…
दरम्यान, इंग्लंड दौऱ्यातील कामगिरीबद्दल मुलांच्या गटात जय ठाकूरला सर्वोत्कृष्ट गोलंदाज, मोहम्मद इशामला उदयोन्मुख खेळाडू आणि गौरांश वाघमारेला सर्वोत्कृष्ट क्षेत्ररक्षक पुरस्कार देण्यात आला. महिला गटात वैष्णवी वर्माला सर्वोत्कृष्ट गोलंदाज, तर धनश्री वाघमारे हिला सर्वोत्कृष्ट यष्टिरक्षक म्हणून गौरवण्यात आले. दिव्या सिंघम आणि काव्या कदम यांनीही दौऱ्यात उल्लेखनीय कामगिरी केली.
IND Vs NZ: ही तयारी पाहून किवी घाबरतील! न्यूझीलंडविरुद्ध भारताची अग्निपरीक्षा; WTC साठी भिडणार
Ans: धनश्री वाघमारेची इंग्लंडमधील महिला काउंटी क्रिकेटमध्ये खेळण्यासाठी निवड झाली आहे.
Ans: इंग्लंडमधील हेस क्रिकेट क्लबने धनश्रीची यष्टिरक्षक म्हणून निवड केली आहे.
Ans: धनश्रीने पाच सामने खेळताना यष्टिरक्षणात दहा फलंदाजांना बाद केले. तसेच एका सामन्यात नाबाद ३५ धावा केल्या.