French Open 2026: विजयाच्या उंबरठ्यावर स्वप्नं भंगलं! PV Sindhu ची झुंज अपुरी; An Se Young ने सलग तिसऱ्यांदा जिंकले जेतेपद

An se young Defeated PV sindhu in French Open 2026: फ्रेंच ओपन २०२६ च्या अंतिम सामन्यात जागतिक क्रमवारीत अव्वल स्थानी असलेल्या दक्षिण कोरियाच्या आन से यंगने अंतिम सामन्यात सिंधूला पराभूत करून विजेतेपद पटकावले.

• PV Sindhu ची कडवी झुंज अपयशी
• An Se Young चा पलटवार
• सलग तिसऱ्यांदा ट्रॉफीवर कोरले नाव

PV sindhu: भारताची स्टार बॅडमिंटनपटू पीव्ही सिंधूला फ्रेंच ओपन २०२६ च्या अंतिम सामन्यात पराभवाला सामोरे जावे लागले. रविवारी २५ ऑक्टोबर रोजी झालेल्या अंतिम सामन्यात, दक्षिण कोरियाच्या ॲन से यंगने सिंधूला १६-२१, २१-११, २१-१२ असे पराभूत करून विजेतेपद पटकावले. सिंधूने सामन्याची शानदार सुरुवात करत पहिला सेट जिंकला. पण त्यानंतर ॲन से यंगने जोरदार पुनरागमन करत सलग दोन सेट जिंकून विजेतेपद पटकावले. दोन वेळची ऑलिम्पिक पदक विजेती सिंधू पहिल्यांदाच फ्रेंच ओपनच्या अंतिम फेरीत पोहोचली होती. परंतु,विजेतेपद जिंकण्याचे तिचे स्वप्न अपूर्ण राहिले.

Rohit Sharma: ‘मी निवृत्त होणार…’ रिटायरमेंटच्या चर्चांवर हिटमॅनने अखेर सोडलं मौन; एका वाक्यात सांगितलं सगळं

फ्रेंच ओपनच्या अंतिम सामन्यात पीव्ही सिंधूचा पराभव

फ्रेंच ओपन २०२६ च्या अंतिम सामन्यात पीव्ही सिंधूने जागतिक क्रमवारीत अव्वल असलेल्या ॲन से यंगला कडवे आव्हान दिले. परंतु जोरदार सुरुवात करूनही तिने सामना गमावला. सिंधूने अंतिम सामन्याची सुरुवात आक्रमकपणे केली आणि उत्कृष्ट खेळ करत पहिला सेट २१-१६ ने जिंकला. २०२३ च्या बॅडमिंटन आशिया चॅम्पियनशिपनंतर सिंधूने यंगविरुद्ध गसेटम जिंकण्याची ही पहिलीच वेळ होती. परंतु, दक्षिण कोरियाच्या यंगने जोरदार पुनरागमन करत दुसरा सेट २१-११ ने जिंकून सामना बरोबरीत आणला.

निर्णायक गेममध्ये, सिंधूने पुन्हा एकदा आक्रमक सुरुवात केली आणि ८-५ अशी आघाडी घेतली. परंतु, यंगने कमबॅक करत भारतीय खेळाडूवर दबाव आणला आणि तिसरा सेट २१-१२ ने जिंकून सामना आपल्या नावावर केला. या विजयासह, या दक्षिण कोरियन खेळाडूने सिंधूविरुद्ध आपला सलग ११ वा विजय नोंदवला. यासोबतच, ॲन यंगने सलग तिसऱ्यांदा चॅम्पियन बनून इतिहास रचला. सलग तीन वेळा हे विजेतेपद पटकावणारी ती जगातील पहिली खेळाडू ठरली.

सिंधूने वर्षातील दुसरे विजेतेपद जिंकण्याची संधी गमावली

३१ वर्षीय पीव्ही सिंधूने उपांत्य फेरीच्या सामन्यात जपानच्या हिना अकेचीचा २१-१०, २०-२२, २१-१६ असा पराभव करत अंतिम फेरीत प्रवेश केला. हा रोमांचक सामना एक तास आणि १३ मिनिटे चालला. सिंधूने यापूर्वी याच वर्षी जुलैमध्ये जपान ओपन सुपर ७५० चे विजेतेपद पटकावले होते. त्यामुळे, फ्रेंच ओपनच्या अंतिम सामन्यात तिला या वर्षातील दुसरे सुपर ७५० विजेतेपद जिंकण्याची संधी होती, परंतु तिला त्यात अपयश आले.

Harmanpreet Kaur चा मैदानात राडा! कर्णधारपद सोडल्यानंतर ठोकलं खणखणीत शतक; मिताली राजचा विक्रम मोडला