फोटो सौजन्य सोशल मीडिया
ल्योन शहरात रुग्णालयात उपचार घेत असलेल्या एका गंभीर आजाराने त्रासलेल्या आणि ग्रस्त असलेल्या रुग्णामध्ये या विषाणूची लागण आढळली . विशेष म्हणजे , ऑक्टोबरच्या सुरवातीला या रुग्णाचा मृत्यू झाला . मात्र मृत्यूला विषाणूचकारणीभूत होता कि नाही , याबाबत तपास सुरु आहे .या घटनेमुळे वैद्यकीय आणि आरोग्य क्षेत्राचे लक्ष फ्रान्सकडे वेधले गेले आहे .
शामोंडा विषाणूची पहिली ओळख १९६५ मध्ये नायजेरियात गुरांमध्ये झाली होती . त्यानंतर आफ्रिका आणि जपानमधील काही भागात त्याची नोंद झाली . प्रामुख्याने गाय , मेंढी , शेळी आणि घोड्यांसारख्या प्राण्यांमध्ये हा विषाणू आढळतो . त्यामुळे आतापर्यंत तो मानवासाठी संसर्गजन्य असल्याचे मानले जात न्हवते .२०२६ मध्ये युरोपमध्येही जनावरांमध्ये या विषाणूचा प्रसार आढळून आला आहे .
फ्रान्समधील ल्योन येथील रुग्णालयात उपचार घेत असलेल्या रुग्णाची रोगप्रतिकारक शक्ती अत्यंत कुमकुवत होती . गंभीर आजारावरील उपचारादरम्यान त्याच्यामध्ये न्यूरॉलॉजिकल म्हणजेच मज्जासंस्थेशी संबंधित गुंतागुंत दिसून आली . त्यानंतर करण्यात आलेल्या वैद्यकीय तपासण्यांमध्ये शामोंडा विषाणूंची उपस्थिती आढळली . कीटकांच्या चाव्याद्वारे संसर्ग झाल्याची शक्यता तपासली जात आहे .
या घटनेनंतर फ्रान्सच्या आरोग्य यंत्रणेने परिस्थितीवर लक्ष ठेवण्यास सुरवात केली आहे . सध्याच्या उपलब्ध माहितीनुसार सामान्य नागरिकांच्या आरोग्याला कोणताही धोका असल्याचे आढळले नाही . तसेच एका व्यक्तीकडून दुसऱ्या व्यक्तीला या विषाणूचा संसर्ग झाल्याचा कोणताही पुरावा अद्याप मिळालेला नाही . संसर्ग नेमका कसा झाला आणि मानवी शरीरावर त्याचे काय परिणाम होऊ शकतात .याचा अभ्यास सुरु आहे . जागतिक आरोग्य संघटनाही या प्रकरणावर लक्ष ठेवून आहे.
.png "Videos"){kind=small}
