आश्चर्य! BCCI ने ज्या गोष्टीवर बंदी घातली; त्याचीच गौतम गंभीर करताहेत जाहिरात; कमवताहेत लाखो रुपये, नेटकऱ्यांनी घेतले तोंडसुख

भारतीय संघाचे प्रशिक्षक गौतम गंभीर यांच्या पत्रकार परिषदेवर माजी खेळाडूने प्रश्नचिन्ह उपस्थित केल्यानंतर त्यांच्या सोशल मीडिया पोस्टवरून पुन्हा विषय चर्चेत आला आहे.

Gautam Gambhir Press Conference : ऑस्ट्रेलिया दौऱ्यावर रवाना होण्यापूर्वी भारतीय प्रशिक्षक गौतम गंभीर यांनी सोमवारी मुंबईत पत्रकार परिषद घेतली. या काळात त्यांनी दिलेली उत्तरांनी त्यांच्या प्रेसची जोरदार चर्चा झाली. यावर भारताच्या माजी खेळाडूने थेट ट्विट करीत बीसीसीआयकडे विनंती केली. आता तर या प्रेसनंतर त्यांनी एक पोस्टही केली, ज्यामुळे त्यांच्यावर नेटकऱ्यांनी मोठे प्रश्न उपस्थित केले आहेत, तसेच चांगलीच टीका देखील केली आहे.

गौतम गंभीर यांनी केलेली पोस्ट

See more

Every time I found myself in an unfamiliar situation in my cricketing career, I never let it get me down. Instead, I adapted to it by learning.

Early in my career, the T20 format was introduced. I trained hard for it and learnt to play it. Learning made me confident in something… pic.twitter.com/vxW4RKIGza

— Gautam Gambhir (@GautamGambhir) November 11, 2024

 

रोहित शर्मा वगळता भारतीय खेळाडू ऑस्ट्रेलियाला रवाना

भारतीय क्रिकेट संघ ऑस्ट्रेलिया दौऱ्यावर रवाना झाला आहे. कर्णधार रोहित शर्मा वगळता इतर सर्व खेळाडू कसोटी मालिकेसाठी रविवारी आणि सोमवारी मुंबईहून पर्थला रवाना झाले. सोमवारी 11 नोव्हेंबरला टीम इंडिया रवाना होण्यापूर्वी प्रशिक्षक गौतम गंभीर यांनी पत्रकार परिषदही घेतली. या कॉन्फरन्समध्ये गंभीरने अनेक प्रश्नांची उत्तरे दिली, ज्यामुळे हेडलाइन्सही झाले, पण यानंतर गंभीरची एक सोशल मीडिया पोस्ट व्हायरल झाली, ज्यामुळे त्याच्यावर प्रश्न उपस्थित झाले आहेत. या पोस्टमध्ये गंभीर अशा गोष्टीचा प्रचार करीत आहे ज्यावर BCCI ने बंदी घातली आहे.

गंभीरच्या पोस्टवर नेटकऱ्यांनी घेतलेले तोंडसुख

See more

Different rules for Indian Head Coach? pic.twitter.com/e42Hxi0OR6

— Sameer Allana (@HitmanCricket) November 11, 2024

गौतम गंभीरचे क्रिप्टोकरन्सीला प्रोत्साहन
सोमवारी मुंबईहून पर्थला रवाना होण्यापूर्वी गंभीरने त्याच्या माजी इंस्टाग्राम अकाउंटवर एक व्हिडिओ पोस्ट केला. ही पोस्ट एका कंपनीच्या जाहिरातीबद्दल होती, ज्यामध्ये गंभीर स्वतः अभिनय करताना दिसत होता. गंभीरने हा व्हिडिओ पोस्ट करताच इरफान पठाण, हरभजन सिंग यासारख्या माजी क्रिकेटपटूंनी त्याच्या अभिनयाचे कौतुक करण्यास सुरुवात केली, तर अनेक यूजर्सनी भारतीय प्रशिक्षकावर प्रश्न उपस्थित करण्यास सुरुवात केली. याचे कारण गंभीर ज्या कंपनीसाठी जाहिरात करत होता.
BCCI ने घातली बंदी
वास्तविक ही जाहिरात क्रिप्टोकरन्सी ट्रेडिंग प्लॅटफॉर्मची होती, ज्याद्वारे क्रिप्टोकरन्सीमध्ये गुंतवणूक केली जाते. क्रिप्टोकरन्सीला भारतात कायदेशीरपणा नाही आणि सर्वात महत्त्वाचे म्हणजे भारतीय मंडळाने क्रिप्टोकरन्सीशी संबंधित कोणत्याही कंपनीच्या जाहिरातीवर बंदी घातली आहे. काही वर्षांपूर्वी, प्रायोजकत्व करारासाठी निविदा प्रसिद्ध करताना, क्रिप्टोकरन्सीशी संबंधित कोणतीही कंपनी किंवा फर्म प्रायोजकत्वासाठी पात्र राहणार नाही, अशी स्पष्ट अट बोर्डाने ठेवली होती. केवळ क्रिप्टोच नाही तर कोणत्याही प्रकारच्या बेटिंग कंपन्यांवरही अशी बंदी आहे.

See more

Please stay away from this crypto thing ,
You will end up eating your reputation which you earned throughout your career.

Indian crypto Cex are a joke and bunch of scammers.

— Engineer Xplains (@engineer_inside) November 11, 2024

अनेक प्रश्न चाहत्यांनी उपस्थित करण्यास सुरुवात
अशा परिस्थितीत, भारतीय क्रिकेट चाहत्यांनी गंभीरच्या क्रिप्टोकरन्सी प्लॅटफॉर्मच्या जाहिरातीवर तीव्र आक्षेप नोंदवला आणि टिप्पण्यांमध्ये BCCI च्या जुन्या निर्णयाचे स्क्रीनशॉट पोस्ट करून याकडे लक्ष वेधले. तथापि, हे जाणून घेणे महत्त्वाचे आहे की BCCI ने अशी कोणतीही घोषणा सार्वजनिकरित्या केलेली नाही, ज्यामुळे खेळाडूंना क्रिप्टोकरन्सी किंवा त्याच्याशी संबंधित कंपन्यांना प्रोत्साहन देण्यावर बंदी घातली जाते. अशा परिस्थितीत गंभीर थेट BCCI च्या निर्णयाला बांधील नाही. तरीही, जर भारतीय मंडळाने विशिष्ट प्रकारच्या सेवा किंवा उत्पादनाशी संबंधित संस्थांशी व्यवहारांवर बंदी घातली असेल, तर ती टीम इंडियाशी संबंधित सदस्यांनाही लागू होऊ नये का? असा प्रश्न प्रत्येकजण विचारत आहे.