photo- Social Media
Harmeet Desai-Yashaswini Ghorpade won Bronze Medal: आशियाई टेबल टेनिस चॅम्पियनशिपमधून भारतासाठी एक मोठी आनंदाची बातमी आली आहे. हरमीत देसाई आणि यशस्विनी घोरपडे या भारतीय जोडीने कांस्यपदक जिंकून हरमीत-यशस्विनी जोडीने इतिहास रचला आहे. हरमीत देसाई आणि यशस्विनी घोरपडे यांनी ताश्कंद येथे झालेल्या आशियाई टेबल टेनिस चॅम्पियनशिप २०२६ मध्ये मिश्र दुहेरीमध्ये कांस्यपदक जिंकले आहे. ७२ वर्षांच्या प्रदीर्घ प्रतीक्षेनंतर भारताला आशियाई टेबल टेनिस चॅम्पियनशिपच्या मिश्र दुहेरी प्रकारात पदक मिळाले आहे. यासह, हरमीत आणि यशस्विनी या स्पर्धेत पदक जिंकणारी तिसरी भारतीय मिश्र दुहेरी जोडी ठरली आहे.
आशियाई टेबल टेनिस २०२६ च्या चॅम्पियनशिपमध्ये भारतीय जोडी हरमीत देसाई आणि यशस्विनी घोरपडे यांनी उत्कृष्ट कामगिरी केली.उपांत्य फेरीत जपानच्या जपानी जोडी सोरा मात्सुशिमा आणि मिवा हारिमोटोने ११-९, ११-९, ११-८ असे तिन्ही सेट जिंकून भारताला ३-३ ने पराभूत केले. जपानकडून पराभव झाल्याने भारतीय जोडीचा प्रवास संपुष्टात आला. मात्र, हरमीत आणि यशस्विनी यांनी उपांत्यपूर्व फेरीत दक्षिण आफ्रिकेला ३-२ ने हरवून उपांत्य फेरीत आपले स्थान आधीच निश्चित केले होते.
उपांत्यपूर्व फेरीच्या सामन्यात, हरमीत आणि यशस्विनी १-२ ने मागे होते. ही भारतीय जोडी स्पर्धेतून बाहेर पडण्याच्या धोक्यात होती. मात्र, भारतीय खेळाडूंनी शानदार पुनरागमन करत सामन्याचे चित्र पालटले. या जोडीने निर्णायक गेममध्ये उत्कृष्ट समन्वय दाखवत दक्षिण कोरियाला ३-२ ने पराभूत केले. या विजयासह. त्यांनी भारतासाठी पदक निश्चित केले. उपांत्य फेरीतील पराभवामुळे हरमीत आणि यशस्विनी यांना कांस्य पदकावर समाधान मानावे लागले. मात्र, त्यांच्या या यशाने भारतीय टेबल टेनिसच्या इतिहासात एक नवीन विक्रमांची नोंद झाली आहे.
आशियाई टेबल टेनिस चॅम्पियनशिपमधील भारताचे शेवटचे मिश्र दुहेरीतील पदक १९५४ साली मिळाले होते. त्यावेळी, सिंगापूरमध्ये झालेल्या स्पर्धेत यतीन आणि मीना या भारतीय जोडीने रौप्य पदक जिंकले होते. तेव्हापासून, भारतीय टेबल टेनिसला मिश्र दुहेरी प्रकारात पदक मिळवण्यासाठी मोठी प्रतीक्षा करावी लागली होती. आता, ७२ वर्षांनंतर, हरमीत देसाई आणि यशस्विनी घोरपडे यांनी कांस्य पदक जिंकून हा दुष्काळ संपवला आहे.
या विजयासह, हरमीत आणि यशस्विनी या स्पर्धेत पदक जिंकणारी तिसरी भारतीय मिश्र दुहेरी जोडी ठरली. तसेच, १९५२ मध्ये सिंगापूर येथे झालेल्या पहिल्या आशियाई टेबल टेनिस चॅम्पियनशिपमध्ये गुल नाशिकवाला आणि कल्याणपूर जयंत या भारतीय जोडीने मिश्र दुहेरी प्रकारात सुवर्णपदक जिंकले होते.
.png "Videos"){kind=small}
