ICC T20 Rankings : नंदिनी शर्मा, क्रांती गौडची मोठी झेप! वनडेमध्ये मेगन शट, एलिस पेरीलाही फायदा
आयसीसीच्या महिला टी-२० क्रमवारीत (ICC T20 Rankings) भारतीय गोलंदाज नंदिनी शर्मा आणि क्रांती गौड यांनी मोठी झेप घेतली आहे. झिम्बाब्वेविरुद्धच्या टी-20 मालिकेतील प्रभावी कामगिरीचा त्यांना फायदा झाला. नंदिनीने तब्बल 26 स्थानांची प्रगती करत 45व्या क्रमांकावर मजल मारली, तर क्रांतीने 9 स्थानांची सुधारणा करत 43वे स्थान मिळवलं आहे. दुसरीकडे, बांगलादेशविरुद्धची वनडे मालिका 3-0 अशी जिंकणाऱ्या ऑस्ट्रेलियाच्या मेगन शट, एलिस पेरी आणि एनाबेल सदरलँड यांच्याही क्रमवारीत सुधारणा झाली आहे.
झिम्बाब्वेविरुद्धच्या पहिल्या दोन टी-20 सामन्यांत तीन विकेट्स घेणाऱ्या नंदिनी शर्माने भारतीय गोलंदाजांमध्ये सर्वाधिक प्रगती केली. तिने 26 स्थानांची झेप घेत 45व्या क्रमांकावर स्थान मिळवलं आहे. पहिल्या सामन्यात तिने 11 धावा देत दोन विकेट्स घेतल्या होत्या. या कामगिरीच्या जोरावर नंदिनीने कारकिर्दीतील सर्वोत्तम 507 रेटिंग गुणांची कमाई केली.
क्रांती गौडनेही पहिल्या दोन सामन्यांत प्रत्येकी एक विकेट घेतली. त्यामुळे तिचं क्रमवारीतील स्थान नऊने सुधारलं असून ती आता 43व्या क्रमांकावर पोहोचली आहे.
भारतीय फलंदाजांच्या टी-20 क्रमवारीतही बदल पाहायला मिळाले. मालिकेतील दुसऱ्या सामन्यात 25 चेंडूंत 55 धावांची आक्रमक खेळी करणारी शेफाली वर्मा चौथ्या क्रमांकावर कायम आहे. पहिल्या सामन्यात 37 चेंडूंत 49 धावा करणाऱ्या दीप्ती शर्माने एका स्थानाची प्रगती करत संयुक्तपणे 37वे स्थान मिळवलं आहे.
झिम्बाब्वेच्या खेळाडूंनाही या मालिकेतील कामगिरीचा फायदा झाला. केलिस न्दलोवु तीन स्थानांनी वर चढत 64व्या क्रमांकावर पोहोचली. चिपों मुगेरी-तिरिपानोने सात स्थानांची सुधारणा करत 73वे स्थान मिळवलं, तर जोसेफिन न्कोमो 91व्या क्रमांकावर आली. पहिल्या सामन्यात 33 चेंडूंत नाबाद 43 धावा करणाऱ्या शार्ने मायर्सने 19 स्थानांची झेप घेत पुन्हा पहिल्या 100 फलंदाजांमध्ये प्रवेश केला. ती आता 96व्या क्रमांकावर आहे.
ENG Vs PAK: पाकड्यांची दाणादाण अन् Joe Root रचणार ‘हा’ रेकॉर्ड; ठरणार इंग्लंडचा पहिला फलंदाज
ऑस्ट्रेलियाविरुद्ध नॉर्थ सिडनी येथे झालेल्या सामन्यात चांगली भागीदारी करणाऱ्या न्यूझीलंडच्या जॉर्जिया प्लिमर आणि मॅडी ग्रीन यांनाही टी-20 फलंदाजी क्रमवारीत फायदा झाला. प्लिमर 13 स्थानांनी वर चढत 48व्या क्रमांकावर पोहोचली, तर ग्रीन तीन स्थानांची प्रगती करत 34व्या क्रमांकावर आली. ऑस्ट्रेलियाची एलिस पेरी फलंदाजी क्रमवारीत 16व्या स्थानावर कायम आहे.
गोलंदाजी क्रमवारीत न्यूझीलंडच्या जेस केरने पाच स्थानांची प्रगती करत 17वे स्थान मिळवलं. ब्री इलिंग सहा स्थानांनी वर चढत कारकिर्दीतील सर्वोत्तम 23व्या क्रमांकावर पोहोचली. नॅन्सी पटेलनेही पाच स्थानांची सुधारणा करत कारकिर्दीतील सर्वोत्तम 35वे स्थान मिळवलं.
बांगलादेशविरुद्धच्या वनडे मालिकेत ऑस्ट्रेलियाने 3-0 असा क्लीन स्वीप केला. या मालिकेतील कामगिरीचा वेगवान गोलंदाज मेगन शटला फायदा झाला असून ती महिला वनडे गोलंदाजी क्रमवारीत चौथ्या स्थानावर पोहोचली आहे.
मालिकेतील अखेरच्या वनडेमध्ये ऑस्ट्रेलियाच्या फलंदाजांनी केलेल्या दमदार कामगिरीचाही क्रमवारीवर परिणाम झाला. एनाबेल सदरलँडने चार स्थानांची प्रगती करत कारकिर्दीतील सर्वोत्तम 13वे स्थान मिळवलं. एलिस पेरी वनडे फलंदाजी क्रमवारीत एका स्थानाने वर चढत नवव्या क्रमांकावर पोहोचली. अष्टपैलू खेळाडूंच्या क्रमवारीतही तिने 14 स्थानांची झेप घेत संयुक्तपणे 25वे स्थान मिळवलं.
Ans: नंदिनी शर्माने २६ स्थानांची झेप घेत ४५वे स्थान मिळवलं आहे.
Ans: क्रांती गौडने नऊ स्थानांची प्रगती करत ४३वे स्थान मिळवलं आहे.
Ans: शेफाली वर्मा चौथ्या क्रमांकावर कायम आहे. झिम्बाब्वेविरुद्धच्या दुसऱ्या सामन्यात तिने २५ चेंडूंत ५५ धावा केल्या होत्या.
.png "Videos"){kind=small}
