ICC T-20 Ranking : सरपंचने करून दाखवलं! शतकीय खेळीमुळं श्रेयसला मोठं बक्षिस, तर टी-20 मध्ये ईशान किशनची ‘बादशाही’ कायम

ICC T-20 Ranking : वेस्ट इंडिजविरुद्धच्या शतकी खेळीच्या जोरावर टी-20 संघाचा कर्णधार श्रेयस अय्यरने क्रमवारीत मोठी झेप घेतली आहे. तर ईशान किशनने क्रमवारीतील आपले अव्वल स्थान कायम राखले आहे.

• श्रेयस अय्यरची मोठी झेप
• ईशान किशनची बादशाही कायम
• गोलंदाजांच्या क्रमवारीत भारताला धक्का

ICC T-20 Ranking : बुधवारी आयसीसीच्या नव्या टी-20 क्रमवारीची घोषणा करण्यात आली. या ताज्या क्रमवारीत वेस्ट इंडिजविरुद्धच्या मालिकेमध्ये वादळी शतक झळकावणारा व क्रिकेट विश्वात ‘सरपंच’ म्हणून नावाजलेल्या कर्णधार श्रेयस अय्यरने मोठी झेप आहे. अय्यर 3 क्रमांक पुढे सरकत आता फलंदाजांच्या यादीत चौथ्या क्रमांकावर विराजमान झाला आहे. हे त्याच्या कारकिर्दीतील सर्वोत्कृष्ट रँकिंग ठरले आहे.

अय्यरने लखनऊच्या मालिकेतील पहिल्या सामन्यात सर्वोत्तम फलंदाजी करताना शतकी खेळी केली होती. हे त्याच्या टी-20 इंटरनॅशनलमधील पहिले शतकही ठरले. या शतकीय खेळीचा फायदा अय्यरला नव्या रँकिंगच्या रुपात मिळाला.

भारताचे तीन धुरंधर अव्वल पाचमध्ये

अय्यरचे फलंदाजांच्या यादीत चौथ्या स्थानी पोहचणे याचा अर्थ असा की, भारताचे तीन खेळाडू अव्वल पाचमध्ये समाविष्ट आहेत. ईशान किशन क्रिकेटच्या सर्वात छोट्या फॉरमेटमधील जगातील क्रमांक एकचा फलंदाज म्हणून कायम आहे, तर अभिषेक शर्मा त्याच्यानंतर दुसऱ्या स्थानी विराजमान आहे. आता त्यांच्या पंक्तित चौथ्या स्थानी अय्यरही येऊन बसला आहे.

दुसरीकडे, श्रीलंकेविरुद्धच्या शानदार कामगिरीनंतर करिअरमधील बेस्ट रेटिंग प्राप्त करणारा पाकिस्तानचा कर्णधार साहिबजादा फरहान तिसऱ्या स्थानी कायम आहे. टी-20 इंटरनॅशनल रँकिंगमध्ये पुढे जाणाऱ्या इतर फलंदाजांमध्ये श्रीलंकेचा कुसल मेंडिसचा समावेश आहे. तो 3 स्थान पुढे सरकत 23 व्या स्थानी पोहचला आहे.
वेस्ट इंडिजचा शेरफेन रदरफोर्ड 13 स्थान पुढे जात संयुक्तरित्या 24 व्या स्थानी, तर भारताचा संजू सॅमसन 4 स्थान पुढे जात संयुक्त रुपात 27 व्या स्थानी पोहचला आहे.

हा ‘ड्रॉ’ आमच्यासाठी विजयासारखाच, Afghanistan च्या कर्णधाराकडून सेदिकुल्लाह अटलचे कौतुक

गोलंदाजीत भारताच्या हाती निराशा

गोलंदाजांच्या यादीत मात्र भारताच्या हाती निराशा लागली आहे. या यादीत सातव्या स्थानी असलेल्या अक्षर पटेल 2 स्थान मागे सरकत 9 व्या स्थानी पोहचला आहे, तर जसप्रित बुमराह एक स्थान मागे सरकत अव्वल दहामधून बाहेर पडत 11 व्या स्थानी विराजमान झाला आहे.

दुसरीकडे वेस्ट इंडिजचा रोस्टन चेसने भारतविरुद्ध आपल्या चांगल्या कामगिरीनंतर 24 क्रमांक पुढे सरकत 23 वे स्थान प्राप्त केले आहे. तर अष्टपैलूंच्या यादीत तो 2 स्थान पुढे सरकत तिसऱ्या स्थानी पोहचला आहे.

आज Gautam Gambhir ‘भाई’ का बर्थडे, सेलिब्रेशन तर होणारच; ‘GG’ वर शुभेच्छांचा वर्षाव..!

कसोटी क्रमवारीतही मोठे फेरफार

डर्बनच्या किंग्समीडमध्ये तीन कसोटी सामन्यांच्या मालिकेतील पहिल्या सामन्यात ऑस्ट्रेलियाचा साउथ आफ्रिकेवरील 214 धावांच्या विजयानंतर कसोटी रँकिंगमध्ये खूप बदल पाहण्यास मिळाला. ऑस्ट्रेलियन फलंदाज मॅथ्यू रेनशॉला ‘प्लेअर ऑफ द मॅच’ कामगिरीचे बक्षिस मिळाले, ज्यात त्याने पहिल्या डावात 190 व दुसऱ्या डावात 82 धावा केल्या.

अशाप्रकारे रेनशॉ कसोटी क्रमवारीत फलंदाजांच्या यादीत संयुक्त रुपात 49 व्या स्थानी पोहचला आहे. ऑस्ट्रेलियाचा वेगवान गोलंदाज जॉश हेजलवुडने अखेरच्या दिवशी 49 धावांवर 6 विकेट घेत गोलंदाजांच्या क्रमवारीत सातव्या स्थानी पोहचला आहे.