The Hundred 2025 : अप्रिय घटना! चेंडू हेल्मेटमधून आरपार, लागली रक्ताची धार! अखेर फलंदाजाला सोडावे लागले मैदान..

द हंड्रेड २०२५ च्या १३ व्या सामन्यात एक धक्कादायक घटना घडली. ट्रेंट रॉकेट्सचा यष्टिरक्षक फलंदाज टॉम अल्सोपला गंभीर दुखापत झाली. यामुळे त्याला अखेर मैदान सोडून जावे लागले.

ट्रेंट रॉकेट्सचा यष्टिरक्षक फलंदाज टॉम अल्सोपला गंभीर दुखापत(फोटो-सोशल मीडिया)

Follow Us:

Follow Us:

The Hundred 2025 : द हंड्रेड २०२५ च्या १३ वा सामना खूपच रंजक असा झाला. या सामन्यात लंडन स्पिरिट आणि ट्रेंट रॉकेट्स हे दोन संघ आमनेसामने उभे ठाकले होते. हा सामना १४ ऑगस्ट रोजी लॉर्ड्सवर खेळवण्यात आला होता. जिथे लंडन स्पिरिटने २१ धावांनी ट्रेंट रॉकेट्सचा धुव्वा उडवला. तथापि, या सामन्यात एक अप्रिय घटना घडली. ती घटना म्हणजे ट्रेंट रॉकेट्सचा यष्टिरक्षक फलंदाज टॉम अल्सोपला गंभीर दुखापत झाली. ज्याने सर्वांच्या काळजाचा धोका चुकवला.टॉम अल्सोप फलंदाजी करताना जखमी झाला, ज्यामुळे त्याला अखेर मैदान सोडून जावे लागले.

हेही वाचा : Independence Day 2025 : जे गावसकर-सचिन सारख्या दिग्गजांना जमलं नाही, ते ‘या’ खेळाडूने केलं; १५ ऑगस्ट रोजी झळकावलं शतक

अशी घडली घटना..

सामन्याच्या दुसऱ्या डावात, ट्रेंट रॉकेट्स संघ हा बिकट परिस्थिती होता. त्यांनी ९० धावांच्या धावसंख्येवर त्यांच्या चार महत्वाच्या विकेट गमावल्या होत्या. अशा परिस्थितीत, टॉम अल्सोप मैदानावर आला, परंतु त्याला फलंदाजीची फारशी संधी मिळू शकली नाही. फक्त तीन चेंडूंचा सामना केल्यानंतर त्याला गंभीर दुखापत झाली. लंडन स्पिरिटचा वेगवान गोलंदाज जेमी ओव्हरटनने एक धोकादायक बाउन्सर टाकला, जो अल्सोपच्या थेट नाकावर जाऊन आदळला. तेव्हा मैदानात एकच शांतता पसरली.

अल्सोपने हेल्मेट घातले असताना देखील पण चेंडू हेल्मेटच्या ग्रिलमधून आत गेला आणि त्याच्या नाकावर जाऊन आदळला. दुखापत इतकी गंभीर होती की रक्ताची धार लागली. अल्सोपला वेदनेने ओरडत असताना त्याला मैदानाबाहेर नेण्यात आले आणि त्याला निवृत्तीनंतर हर्ट घोषित केले गेले. या घटनेमुळे संपूर्ण स्टेडियममध्ये एकच शांतता पसरली. टॉम अल्सोप या सामन्यात एकही धाव करता आली नाही. त्याचा डाव खूपच कमी होता. त्याच्या अनुपस्थितीमुळे ट्रेंट रॉकेट्सच्या अडचणीत अधिक वाढ झाली परिणामी ट्रेंट रॉकेट्सना २१ धावांनी पराभव स्वीकारावा लागला.

या सामन्यात लंडन स्पिरिटने प्रथम फलंदाजी करताना १६२ धावा केल्या होत्या. जेमी स्मिथने सर्वाधिक ५२ धावा फटकावल्या. त्याच वेळी, कर्णधार केन विल्यमसनने ४५ धावा आणि अ‍ॅश्टन टर्नरने ३० धावा केल्या. प्रतिउत्तरात ट्रेंट रॉकेट्सचा संघ ६ गडी गमावून केवळ १४१ धावाच करू शकला.

हेही वाचा : ‘मी बोर्डासाठी नाही, भारतासाठी खेळतो..’, सचिन तेंडुलकरने सुरु केलेली ३३ वर्षांपूर्वीची ‘ती’ प्रथा आज देखील कायम

Web Title: In the hundred 2025 the ball went through tom alsops helmet causing blood to flow

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com