IND vs AFG: मालिकेआधी आकडेवारीचा खेळ; अफगाणिस्तानविरुद्ध भारताचा दबदबा किती? पाहा T20I हेड-टू-हेड रेकॉर्ड

IND vs AFG T20 Head To Head Records: भारत आणि अफगाणिस्तान यांच्यातील तीन सामन्यांची टी-२० मालिका १३ सप्टेंबरपासून दिल्ली स्टेडियमवर खेळवली जाईल. या दोन्ही संघाचा कसा आहे, हेड टू हेड रेकॉर्ड, जाणून घेऊयात.

• भारत विरुद्ध अफगाणिस्तान
• ९ सामन्यांत कोण ठरले वरचढ?
• हेड-टू-हेड रेकॉर्ड

भारत आणि अफगाणिस्तान यांच्यातील तीन सामन्यांच्या टी२० आंतरराष्ट्रीय मालिका १३ सप्टेंबरपासून सुरू रंगणार आहे. या मालिकेतील तिन्ही सामने दिल्लीतील अरुण जेटली स्टेडियमवर खेळले जातील. या मालिकेचे अफगाणिस्तान यजमानपद भूषवणार आहे. २०२६ चा टी२० विश्वचषक जिंकल्यानंतर, श्रेयस अय्यरच्या नेतृत्वाखाली मायदेशात आपली पहिली टी२० आंतरराष्ट्रीय मालिका खेळणार आहे. आतापर्यंत अय्यरच्या नेतृत्वाखाली खेळल्या गेलेल्या तीन टी२० आंतरराष्ट्रीय मालिकांपैकी भारतीय संघाने केवळ एकच मालिका जिंकली आहे, त्यामुळे ही मालिका अत्यंत महत्त्वाची आहे. टी२० आंतरराष्ट्रीय सामन्यांमध्ये अफगाणिस्तानविरुद्ध भारतीय संघाचा आतापर्यंत एकही पराभव झालेला नाही. कसा आहे, दोन्ही संघाचा हेड टू हेड रेकॉर्ड, जाणून घेऊयात.

IND vs SL: पाकिस्तानला नमवत श्रीलंका फायनलमध्ये; आता भारताविरुद्ध महामुकाबला, कधी अन् कुठे पाहाल सामना?

भारत-अफगाणिस्तान हेड टू हेड रेकॉर्ड?

भारत आणि अफगाणिस्तान यांच्यात आतापर्यंत ९ टी-२० आंतरराष्ट्रीय सामने खेळले आहेत. भारतीय संघाची कामगिरी उत्कृष्ट राहिली आहे. भारतीय संघाने अफगाणिस्तानविरुद्ध आठ सामने जिंकले असून, एक सामना रद्द झाला आहे. कर्णधार म्हणून मालिकेतील सर्व सामने जिंकण्याचे सर्वात मोठे आव्हान श्रेयस अय्यरप समोर असणार आहे. दुसरीकडे, अफगाणिस्तानने गेल्या काही वर्षांत टी-२० आंतरराष्ट्रीय सामन्यांमध्ये प्रभावी कामगिरी दाखवली असून, अगदी बलाढ्य संघांनाही पराभूत केले आहे. त्यामुळे, ही मालिका भारतीय संघासाठी देखील आव्हानात्मक असेल.

टीम इंडियाने अफगाणिस्तानचा तीन वेळा केला पराभव

भारतीय संघाने आतापर्यंत मायदेशात अफगाणिस्तानविरुद्ध तीन टी-२० आंतरराष्ट्रीय सामने खेळले असून, तिन्हीही जिंकले आहेत. भारताने अफगाणिस्तानविरुद्ध मायदेशात खेळलेला शेवटचा टी-२० आंतरराष्ट्रीय सामना २०२४ च्या सुरुवातीला बंगळूरू येथील एम. चिन्नास्वामी स्टेडियमवर झाला होता, जो बरोबरीत सुटला आणि दोन सुपर ओव्हरनंतर जिंकला गेला.

अफगाणिस्तान मालिकेसाठी टीम इंडियाचा संघ: श्रेयस अय्यर (कर्णधार), अभिषेक शर्मा, वैभव सूर्यवंशी, संजू सॅमसन (यष्टीरक्षक), ईशान किशन (यष्टीरक्षक), तिलक वर्मा (उपकर्णधार), शिवम दुबे, नितीश कुमार रेड्डी, अक्षर पटेल, वॉशिंगटन सुंदर, वरुण चक्रवर्ती, रवि बिश्नोई, जसप्रीत बुमराह, अर्शदीप सिंग, यश ठाकुर.

भारताविरुद्ध अफगाणिस्तान संघ : इब्राहिम जादरान (कर्णधार), रहमानउल्ला गुरबाज (यष्टीरक्षक), नूर रहमान (यष्टीरक्षक), सेदीकुल्लाह अटल, दरविश रसूली, अजमतुल्ला उमरझाई, गुलबदीन नायब, मोहम्मद नबी, राशिद खान, नांगेयालिया खरोती, नूर अहमद, मुजीब उर रहमान, फजल हक फारूकी, अब्दुल्ला अहमदझई, नवीन उल हक.

IND vs AFG मालिकेआधी टीम इंडियाची चिंता वाढली; सराव सत्रात ईशान किशनला दुखापत; पहिल्या टी-२० सामन्यातून बाहेर?